Lucas 22:3 - Biblia Yanowamö

³ Ö̦jö däjä, Juda nija Sadanasi a lucälayoma, Juda Icaliode a wa̦fa lä cuono wei nija. ¿Ö̦jö tawä? Jesús nija bä 12 lä nocaono wei ai e cuoma.

Lucas 22:3 Iomraidhean Croise

Salmo 41:9

Iba nofi a ma cuinö, ya nofi yai lä tabono wei a lä cuinö, camiyä lija a showadi lä iyano wei a lä cuinö, wale nomojoliaö majöa lä cule.

Mateo 10:4

Simón a ca̦i, cama bä ulifibö jamö täbä shomi lämabou nofi lä wa̦libono wei a Simón lä cui. Juda Icaliode a ca̦i, Jesús a nia lä nomojoliano wei a lä cui.

Mateo 26:23

Abinaja Jesús a cuma. —Ei nii ya lä ödäale jamö a nii ca̦i ödäaö lä yädämofe a lä cuinö, ö̦jönö wale nia nomojoliaö.

Mateo 4:10

Ö̦jö däjä, Jesús abinaja a cuu mö feduoma. —Bei, Sadanasi. ¡Shomi jamö a da culufälö! Abinaja tä a̦ oni cuu. Cafä wamacö nija Yai Bada ya lä bufiblamou wei ya. Wamacö möfe bolanö, camiyä Bada ya lä cui wamale a̦fa nia shino Bada doblao taö. Camiyä wamale a̦ nia shino yai juaö. ’Einaja tä a̦ cuu —a Jesús cuma.

Lucas 22:21

’Ö̦jö ma cui, yale nia lä nomojoliaö wei a lä cui, camiyä bämacö nija a iyaö ca̦i coyocoa lä cule.

Lucas 6:16

Santiago bä ijilubö Juda e ca̦i. Juda Icaliode a ca̦i, Jesús a nomojoliabä a lä cublaliyono wei a lä cui.

Juan 12:6

Inaja a lä cuno wei a lä cui, bä lä jo̦li wei bä nofi jalujubou yalo a wa̦ cuonomi. Showadi a tomömoma yalo a wa̦ li cuoma. Cama bä bladabö talö yefiboma yalo, bä shino doaö ja̦tooma.

Juan 13:18

’Cafä bluca bämacö a̦fa wayoaimi —Jesús a cuu co̦oma—. Iba ya bä lä yaileno wei, ya bä daö. Tä nia lä cublou wei tä lä cui, Yai Bada etä a̦ bejedi wawäblou bufio yalo, tä nia li cublou. Abinaja tä a̦ oni cuu. Camiyä nija a showadi lä iyano wei a lä cuinö wale nomojoliaö nomöjöa lä cule. ’Einaja tä a̦ cuu. ¿Ö̦jö tawä?

Juan 13:2

Bei. Simón bä ijilubö Juda Icaliode a lä cui, fecula bada anö a bufi taamaö waiquioma, bä weyade lä iyano wei däjä. Jesús a nia nomojoliama.

Hechos 5:3

Ö̦jö ma cui, abinaja Pedronö a nowa tama. —Anania. ¿Wedi tä tabä fecula bada a Sadanasi nija bei wa bufi li lulumoa dicolayoma? ¿Wedi tabä Yai Bada a Bufi nija wa li jolemolayoma? Afä ficali wa täca lä nomöjöqueno wei täca nowa ja, wa bä blada lä däleno wei, wa bä mashi tabou malä showale.