Lucas 22:2 - Biblia Yanowamö

² Nofi bäyäalewä blowäjäwä bä ma cuinö, Moisesi tä a̦ ja täbä lä damaö wejei bä ma cuinö, Jesús a shäbeje a nofi washuamaje. Yanowamö täbä nö quili tamaje yalo, a wa̦fa wayoaö ja̦toomaje.

Lucas 22:2 Iomraidhean Croise

Mateo 12:14

Ö̦jö ma cui, faliseo bä bada faa fa co̦lufälönö, Jesús a nabä queobeje a nofi washuaö showadaomaje.

Mateo 21:38

Ö̦jö ma cui, bä lä bälöblamabole bä lä cuinö, bada tä ijilubö e cadidiwä fa dalalöjenö abinaja bä nowa tayolayoma. “Ei bada tä ijilubö cadidiwä, ficali ca nia obi tabou lä juo wei. Fei däjä, bäma a shäa fa showadalönö, camiyä bämacönö bäma täca yai ficali tabou juo nomöjöobä”, bä nowa tayolayoma.

Mateo 26:2

—Bolacabö tä mö didi fa cublalunö, Yai Bada a waiteli lä jayuano wei a nofi nia co̦camoaö co̦oje. Wama tä daö waiquiwä. Camiyä ya lä yanowamöblaleyoluno wei ya lä cui, wale nia jöböaöje, fii balitama defi ja wale basuabeje —e cuma.

Marcos 14:1

Judio bänö bolacabö tä mö didi fa cublalunö, Yai Bada a waiteli lä jayuano wei a nofi nia co̦camoaö co̦omaje. Ö̦jö däjä, nii bä juluu lä mlai bä ja, bä jaba iyaö lä cuaano weinaja bä nia ca̦i cuaaö co̦oma, bä jaba lä cuaano wei tä nofi jaducubou showaobeje. Ö̦jö tä nö dabolajenö, bada bänö Jesús a nofi washuamaje. Nofi bäyäalewä blowäjäwä bä ma cuinö, Moisesi etä a̦ ja täbä lä damaö wejei bä ma cuinö, bä bufi moyawälanö a nia fa juwäajenö, a nia shämamaje.

Lucas 20:19

Moisesi tä a̦ ja täbä lä damaö wejei bä ma cuinö, nofi bäyäalewä blowäjäwä bä ma cuinö, a mili juwäamaö showadaomaje. A wa̦ lä shomiano wei tä a̦ ja, cama bä nö malä ö̦jöbömolayono wei. Ö̦jö ma cui yanowamö täbä nö quili tamaje yalo, bä waiquidaliyoma.

Juan 11:57

¿Ö̦jö tawä? Nofi bäyäalewä blowäjäwä bä ma cuinö, faliseo bä bada ma cuinö, ö̦jö bänö täbä nowa bluca taö waiquiomaje. Jesús a dablaö bädaoje ja, cama bä yömölaö showadaobeje bä a̦ fama, a juwäamaö showadaobeje.

Hechos 4:27

Eja, Jelusale jamö bä mada toujablei. Elode a ma cui, Bo̦sio Bilado a ma cui, judio bä lä mlai bä sho, Isaeli nodiwä ebä ca̦i bluca sho, ö̦jö bä bluca co̦cablaliyoma. Afä wa lä yaileno wei a lä cui, ö̦jö Jesús a nabä co̦camoamaje.