Lucas 21:8 - Biblia Yanowamö

⁸ Abinaja Jesúsnö bä nowa tama. —Bä da moyaweicu, ö̦jö lä, wamacö mölamaö mlaobeje. Obi, bä lä jolemou wei bluca bä nia wawäblou. Camiyä ya wa̦fa nia ma wäyämou wei ma cui, bä möla dijä. “Ö̦jö ya”, bä nia cuu. “Tä bluca waicou bufio lä cule”, bä nia ca̦i ma cuu wei ma cui, ö̦jö bä nija bä nocao dijä.

Lucas 21:8 Iomraidhean Croise

Mateo 24:11

Yai Bada a wa̦no jole jole lä wäyäö wejei bä lä cui bä fa wawäolalunö, bluca täbä nia yaclämaöje.

Mateo 3:2

—Wa̦lidiwä tä ja, ¡bä bufi da lädalu! Yai Bada tänö cama ebä ca̦i nia lä cuo wei tä ajedou waiquia lä cuimi —bä nowa tama.

Mateo 4:17

Ö̦jö lä däjä, Jesúsnö täbä jaba yömölaö cuaaö ja, abinaja bä nowa tama. —¡Fei däjä waiquiwä! ¡Wa̦lidiwä tä ja, bä bufi da lädalu! Yai Bada tänö cama ebä ca̦i nia lä cuo wei tä ajedou waiquia lä cuimi—bä nowa tama.

Lucas 17:23

’Wale a̦fa ma wäyäö wejei ma cui, bä möla dijä —a cuma—. “¡Bei, bei! ¡Quijamö a wawäö lä cule!”, bä ma cuu wei ma cui, “¡Bei, bei! ¡Eja a wawälayoyoluu lä cufe!”, bä ca̦i ma cuu wei ma cui, bä ju dijä. Ö̦jö bä nija bä nocao dijä.

Lucas 21:7

A wa̦liije ja, abinaja bä cuma. —Tä a̦ wäyäle. Wa tä a̦fa lä wäyäblei, ¿wedinaja tä nö yai fa cublalunö, bei tä nia yai wawäblou? Tä tamou bufio däjä, ¿wedi tä dodijiwänö yamacö li moyawäobä? —bä cuma.

Lucas 21:9

’Bä lä bälöblai bä nabä nia queayou. Ai bä mö feduwä lä cui, inaja showawä bä nia shifilimou cuo mö feduo. Ö̦jö wama bä wa̦no ji̦liaö däjä, bä quili dijä. Ö̦jö tämi. Ö̦jö tä nia bluca cublou ma balöo wei ma cui, tä nia bluca waicou jaödaomi showawä —a cuma.

Juan 5:43

Fayänö wale ma shömöleno wei ma cui, wamale a̦ juaimi. Ai a lä cui, a juu bufi doblao lä bädao wei a lä cui, ö̦jö lä wama a wa̦ nia shino yai juaö.

Juan 8:24

Wa̦lidiwä showawä wamacö nia lä nomablou wei tä ja, bämacö yömölalema. ¿Ö̦jö tawä? “Yai Bada tänö a nia lä shömano wei, fei a waiquiwä”, wamale nofi taboimi ja, wamacö wa̦lidiwä showai wamacö nia malä nomablou wei —a cuma.

Juan 8:28

Ö̦jö cudeenö, abinaja Jesúsnö bä nowa taö nomöjöoma. —Ya lä yanowamöblaleyoluno wei ya lä cui, wamale befi ca̦i i̦tamaö waiquio däjä, ö̦jö lä däjä, wamale nö nia bejedi ö̦jöböaö. “Ö̦jö lä a waiquiwä cuoma, a da cubleinaja showadawä”, wamale nofi nia tabou. “Cama a bufi cuu lä bädao weinaja, a cuaanomi. Bä Fö̦önö tä a̦ wäyäö ja, a wa̦ yai cuoma”, wamale nofi nia tabou.

1 Corintios 6:9

¿Wama tä daimi tawä? Yai Bada tänö cama ebä ca̦i cuobä jamö, bä doblou lä mlai bä ajedemabou mlaicätä. Bä möla dijä. Bä nofi beshili lä jushublalou wei bä ma cui, nö ijidubö täbä lä bufiblaö wejei bä ma cui, bä lä joleblalou wei bä ma cui, ai a wa̦lo mö feduwä sho cäcöbä nofi lä jushublalou wei bä ma cui, ai a suwä mö feduwä sho cäcöbä lä cuaaö wei bä ma cui, bä nia ajedemaboimi.

Efesios 5:6

Bä a̦ lä jolemou wei bä lija bä möla dijä. ¿Ö̦jö tawä? Inaja täbä cuaadii yalo, Yai Bada tä nö wa̦lowä lä jushudou wei däjä a nosie fuaö lä mlajei bä lä cui bä nö nia malä bleaamaö wei.

2 Tesalonicenses 2:3

Yanowamö täbä lija wamacö mölaö dodijio mlai. Yai Bada a waibeje, yanowamö täbä a̦ nia bluca obi lofotoaö. Ö̦jö tä cublou showao mlao däjä, Jesucristo a nia fuu co̦o jaöomi. Yai Bada lija a nö yai lä nabämou wei a nia wawäö balöo, shobali wacä jamö a nia lä wa̦liablamou wei a lä cui.

2 Timoteo 3:13

Inaja bä taamalajenö, wa̦lidiwä tä lä taö wejei tä ja, bä bufi nia shi̦lo balaö. Jesucristo bufilewä bä a̦fa jole lä jilou wei bä ma cui, ö̦jö bä bufi ca̦i nia balaö mö feduo showao. Ö̦jö bä bluca lä cui, jolemou tä a̦ ja cama bä mölaö fa dicoonö, inaja showawä täbä nia ca̦i mölamaö cuo mö feduoje.

1 Juan 4:1

Iba wamacö. Yai Bada tä Bufi jo̦wa lä tabou wejei bä lä cui, bä a̦ bejedi bufii showadao dijejä. Wama bä bejedi möö ja, bä a̦ ji̦liaö da balöoje, Yai Bada wama ebä nö ö̦jöböabä. Yanowamö täbä lä bälöblai bä yömölabeje, Yai Bada a wa̦no jole jole wäyälewä bluca bä a̦ ca̦i juaö malä cudujei.

2 Juan 1:7

Yanowamö täbä nijamö, täbä lä mölamaö wejei bä bluca jublou cuaaö waiquia lä cudi. Jesucristo a ma yanowamöblaleyoluno wei ma cui bä a̦ lämou. Tä a̦fa jole taö dicooje. Inaja bä lä cuu wei bänö täbä yai mölamaöje. Jesucristo a nofi yai lä wa̦libou wei a owämaöje, täbä lä mölamaö wei a lä cui. Inaja showawä a cama ca̦i cuu.

Apocalipsis 1:3

Jesucristo ebä yododabä jamö, ei tä a̦ wawädowä lä doaö wei a lä cui, a bufi nia doblalou. Tä a̦ fa ji̦liläjenö, tä a̦ nofi yai lä cadidibou wejei bä lä cui, ö̦jö bä bufi ca̦i nia doblalou mö feduo. Tä nia lä cublou wei, tä nö dedei mlai ja tä nia malä wawäö wei.

Apocalipsis 12:9

Ö̦jö däjä Yaitawä täcö bada shäyäbalemaje, täcö cuo lä balöono wei täcö lä cui. Fecula bada täcö a̦fa jilou. Sadanasi täcö a̦fa ca̦i jilou. Jödödöwä bä lä bälöblai bä lä mölamaö wei täcö. Cama täcö ma cui, cama ebä ma cui, bita jamö ö̦jö bä bluca shäyäbalemaje.