Lucas 21:12 - Biblia Yanowamö

¹² Jesús abinaja a cuma. —Ö̦jö ma cui, ö̦jö tä cublou showao mlao däjä, wamacö nia juwäaö balöoje. Wamacö nö nia bleaamaöje. Judio bä yododabä yafi bä jamö wamacö nia ca̦i juuje, bada bä nija wamacö noshi ö̦jödabobeje. Wamacö a̦fa dobloimi fa wäyäjenö, wamacö fe nia lamabouje. Iba wamacö yalo, bada bä bälöo lä dodijio wei bä ma cui nija wamacö nia ca̦i jublou cuaaöje, wamacö dobloimi jömabeje. Cama ebä lämabou mö lä feduo wejei bä ma cui nija, inaja showawä.

Lucas 21:12 Iomraidhean Croise

Mateo 22:6

Ai bä mö feduwä lä cuinö, bada a nosie juamobä ebä li juwäa dicoalalemaje. Bä nö fa waiblalöjenö, bä shäalalemaje.

Mateo 24:8

Ijilu bä nini jaba cuo däjä bä nö bleaaö lä culenaja, inaja showawä bä nö nia jaba bleaaö cuo. Ö̦jö jaba cätä bädawä.

Lucas 21:11

Mashita a nia bada qui̦da qui̦damou nö quiliaö. Bluca täbä ulifibö lä cublai jamö, ofi tä nia blaucublou. Shawala a ca̦i. Judu mösö jamö tä nia lä cublou wei tänö bä bufi nö nia beblalou. Yai Bada tä nia lojode dablamou nö quiliadayou —Jesúsnö bä nowa tama.

Juan 15:20

’Cafä wamacö nija ya lä cuno wei, tä a̦ nofi da jaduculeje. Bada a lä cui a nofi tabou mlaoje däjä, cama ebä nofi nia tabou ayaomije. ¿Ö̦jö tawä? Camiyä wale nö bleaamaö waiquiaje ja, inaja showawä, cafä wamacö nö nia ca̦i bleaamaö mö feduoje. Camiyä wale a̦ nofi cadidibou waiquiaje ja, inaja showawä, cafä wamacö a̦ nofi nia ca̦i cadidibou cuo mö feduoje.

Juan 15:21

Ö̦jö ma cui, wale lä shömöleno wei a daimije yalo, iba wamacö cudeenö wamacö nia inaja taamaö dodijioje.

Hechos 22:30

Sodado bä nija a bada lä läono wei a lä cuinö, Pablo a cushäblamalema. Ö̦jö tä fena ja, judio bä nia wa̦lii fa shalilionö, bada bä yododamaö bufima. Nofi bäyäalewä blowäjäwä bä ma cui, judio bada bä ma cui, ö̦jö bä yododoo waiquio däjä, Pablo a fa nacamalönö, a mötalömabalema.

Hechos 5:40

Inaja a lä cuu wei, a wa̦ ji̦lilemaje. Jesucristonö bä lä shömöleno wei bä lä cui, bä lucäa fa co̦malöjenö, bä si yafelilalemaje. Jesús a wa̦fa wäyäö co̦daaö mlaobeje, bä wasöö co̦omaje. Ö̦jö däjä, bä jujeblaö showalayomaje.

Hechos 8:3

Ö̦jö ma cui, Saulonö, Jesucristo ebä lä yododaö wei bä nö bleaamaö fe balojoo showaoma. Cama bä yafibö jamö a lucäblou fa cuaanö, wa̦lo bä ma cui, suwä bä ma cui, bä läcäamaö cuaama. Bä läcäamaö fa cuaanö, bä fe lamaquema.

Hechos 9:4

Ö̦jö däjä, a fa wäcäblaicunö, a wa̦ ji̦lia showalema. —Saulo, Saulo —a cuma—. ¿Wedi tabä wale nö bleaamaö dicoa cule?

1 Pedro 2:13

¿Ö̦jö tawä? Dodijidawä wamacö cuobä wamacö. Bada tä Jesucristo wama ecö malä cui. Ö̦jö wama ecö yalo, yanowamö jödödöwä bä bada lä läblai bä a̦ dodijidawä da ji̦liaje. ¿Ö̦jö tawä? Bada a bälöo lä dodijio wei wama a wa̦ nia yai juaö.

Apocalipsis 2:10

’Iba bä nö nia lä bleaamaö wejei tä ja, bä quilii mlai bä cuobä —a cuma—. Tä nö dedei mlai ja, fecula bada a lä cuinö, iba ai bä fe nia lamabou, bä bluca wabamobä. Bä nö nia bleaamaö nö dedejedouje. Bä lä bejedimou wei tä nowa ja, bä shäbeje tä ma cublou däjä ma cui, bä bejedimou fe yadiobä. Bä bejedimou fe yadio ja, ya bä nia dobäö. Liyäjäwä täcö yojobobeje ya bä nia dobäö. Ba̦limi bä cuobä ya tä nia jöbäaö.