Lucas 20:6 - Biblia Yanowamö

⁶ Ö̦jö ma cui, “Yanowamö täbä nija a shömamoma”, bämacö cuu dicoo ja, ei täbä bluca lä ublale bä nia jushudou. Maa ma bänö bämalecö nia shäyäöje. “Yai Bada a wa̦no wäyälewä Juan a cuoma”, bä cuu malä shalilio wei —bä nowa tayoma.

Lucas 20:6 Iomraidhean Croise

Mateo 11:9

’¿Wedinaja a wa̦lo cuwä wama a yai nia fa mönö, bei wamacö juma, ö̦jö lä? —a cuma—. ¿Yai Bada a wa̦no wäyälewä wama a möö mlaobä daanö? Awei. Ö̦jö wama a möbä lä. Cafä bämacö nowa taö lä cule. Juan a lä cui, Yai Bada a wa̦no wäyälewä ai a bädawä mlai, ö̦jö bei a shino yai bada dodijiwä.

Mateo 14:5

Bada tä Elode lä cuinö, Juan a shämaö bufi doblao ma showadaono wei ma cui, yanowamö täbä nö quili tama. “Yai Bada a wa̦no wäyälewä a”, a nofi tabomaje yalo, bä jushudamaö bufinomi.

Mateo 21:26

Ö̦jö ma cui, “Yanowamö täbä nija a shömamoma”, bämacö cuu dicoo ja, ei bä lä co̦camole bä fa jushudalunö, bä a̦ nö nia quiliaö. “Yai Bada a wa̦no wäyälewä Juan a cuoma”, a nofi malä tabolajei —bä nowa tayoma.

Mateo 21:46

Ö̦jö ma cui, a nia juwäaö ma showadaono wejei ma cui, yanowamö täbä nija bä quilima. “Yai Bada a wa̦no wäyälewä, ö̦jö a dodijiwä”, a nofi tabomaje yalo, cama bä mamo mötale däjä, a juwäaö quilimaje.

Mateo 26:5

Ö̦jö ma cui, abinaja bä cuma. —Täbä iyaö ca̦i co̦camou showaono mlai ja, bäma a yai shäö showadaobä, täbä nia lä co̦camou wei täbä shifilimoblalou dicoo wei —bä cuma.

Marcos 12:12

Shominaja tä a̦ wäyäö lä ja̦lomono wei tä a̦ ja, cama bada bä a̦fa yai lä wayoano wei tä damaje yalo, a mini juwäamaö showadaoma. Ö̦jö ma cui, yanowamö täbä nö quili tamaje. Ö̦jö cudeenö, a fa dacöfälöjenö, shomi jamö bä alayoma.

Lucas 1:76

’U̦asi —a cuma—. Cafä ijiluyä wa lä cui, Yai Bada tä Bada lä ayai a wa̦no wäyälewä wa wa̦fa nia jilabouje. Bada tä nia lä juu wei jamö, wa wa̦no nia taö balöablalou, a wa̦ yai ji̦liaö dodijidaobeje.

Lucas 20:5

Bä nowa nia lä juo wei tä a̦fa wayoaö balöoje ja, bä a̦ shino läablalodii buoma. Abinaja bä nowa tayoma. —“Juan a lä cui, Yai Bada tänö a shömölema”, bämacö cuu dicoo ja, “Inaja lä wama a nofi ma tabole ma cui, ¿wedi tä tabä, wama a wa̦ bejedi li bufinomi?”, a nia cuu majöo dicoo.

Lucas 20:7

Ö̦jö cudeenö, bä a̦ jo̦wa mojodumoma. —Cuwi. “Ö̦jönö Juan a shömölema a”, yama a nofi ca̦i taboimi —bä cuma.

Lucas 7:30

Ö̦jö ma cui, faliseo bä bada lä cui bä fe ojoblamonomi. Moisesi tä a̦ ja täbä lä damaö wejei bä ma cui, inaja showawä. Yai Bada tänö bä taamaö lä bufino wei tä a̦ wailemaje.

Juan 10:41

Ö̦jamö Jesús nija bluca bä co̦camolayoma. Bä a̦ wayomayou ja, abinaja bä nowa tayoma. —Fe ojomalewä Juan a lä cuinö, tä nö lä quilijii tä wawämano ma mlai ma cui, fei a wa̦fa da wäyäblei a wa̦ bluca bejedioma —bä cuma.

Hechos 5:26

Ö̦jö däjä, Yai Bada etä yafi nowamabeje bä ca̦i lä cule a bada lä cuinö, cama ebä fa nacalänö, bä co̦a co̦lemaje. Yanowamö täbä nija bä quilima yalo, dodijidawä bä öböalalefälömaje. “Maa ma bänö yamalecö shäö mlaobeje”, bä bufi fa cunö, bä i̦cali öbömanomije.