Lucas 2:9 - Biblia Yanowamö

⁹ Bada tänö a̦jele e fa shömöludunö, ö̦jö bä nija a fa bädalunö, Bada etä shi̦i fe fa̦yoblaliyoma. ¡Bejedi lä bä quilia dodijilaliyoma!

Lucas 2:9 Iomraidhean Croise

Éxodo 16:10

Isaeli ebä bluca nija Aaloni a wa̦ faö showalanö, ulifi bloque jamö tä fa mödalöjenö, yedu, ölajashi a jamö, Jeobaa a shi̦i damoa showalaliyoma.

Éxodo 16:7

’Jeobaa wama a wa̦fa da tablei, wamacö a̦ ji̦lilema. Ö̦jö cudeenö, fena ja Jeobaa wama tä shi̦i nia dablaö fenao. Camiyä yafäcö nija wamacö a̦ ma fano wei ma cui, cama nija wamacö yai jushuoma. Camiyä yafäcö nija wamacö jölabä tä malä mlai. Jeobaa cama yafä a wa̦no yai wäyäö mada cublei —bä nowa taböma.

Mateo 1:20

Ö̦jö ma cui, a nia lä joyaö wei tä ja, a bufi dayäo showao däjä, Bada etä a̦jele majali damolaliyoma. José abinaja a nowa majali tama. —David nodiwä José wa e lä cuinö, suwäböfä María a däaö quilii dicoo dijä. Bä ijilubö e lä didibole, Yai Bada tä Bufinö a li fa dobälönö, a li shöbönabö.

Lucas 1:28

María nija abinaja a̦jele e cuyoluma. —Cafä nija ya wa̦ nia faö, wa bayeliblabä wa nofi lä ojodaboladi wa nija. Bada tänö wa ca̦i cua lä cule —a cuma.

Lucas 2:8

Ö̦jamö a bölösö blao lä ajedeono wei jamö, ai bänö oweja bä ca̦i cuo fe jalumaje, bä nowamabeje.

Lucas 24:4

Ö̦jö tä ja, bä bufi wedinajamou yaio däjä, yedu bolacabö täcöbö damolaliyoma. Täcöbö camishibö mömou shi wacalaoma.

Juan 12:41

¿Ö̦jö tawä? Jesús a nia lä doblaodayou wei a daa showalalema yalo, Isaianö a wa̦fa wäyäö balöoma.

Hechos 12:7

Ö̦jö däjä, Yai Bada tänö cama a̦jele etä fa shömöludunö, a bädaliyoma. A fa bädalunö, Pedro a fe lä laono wei jamö tä shi̦i wacacablaliyoma. A̦jele a lä cuinö a fa jushulunö, Pedro a la̦malema. —¡Lobe, lobe! A da jocäblalu —a fa cunö, bococu lä o̦cao wei boo eshicö wajeblou showadalayoma.

Hechos 27:23

’Ei tä didi showawä ja, Yai Bada a̦jele etä fa wawäblaliyonö, wale yömölalei lä cufe —a cuma—. ¿Ö̦jö tawä? Yai Bada ya lä bufiblaö wei a lä cuinö, cama a̦jele etä shömöledayoma, camiyä ya e lä cui nija. Camiyä nija a ublaa fa yädäicunö,

Hechos 5:19

Ö̦jö ma cui, didi däjä Yai Bada tänö a̦jele etä fa shömöludunö, bä fe lä laono wei yoca fa caloblalönö, bä öböa siboblaö co̦layoma. Abinaja bä nowa tama.

2 Corintios 3:18

¿Ö̦jö tawä? Bämacö quilii mlai ja, Bada tä lä doblale jamö bämacö mö yaidalou ja, cama a lä culenaja bämacö yanöcö nia cublou mö feduo. Bada tä Bufinö, inaja lä showadi bämalecö taamaö malä cui, Cristo a lä culenaja bämacö cublou mö feduobä.

2 Corintios 4:6

Tä mö didiobä jamö, cama a wa̦nö tä jaba lä wacacadamaleno wei a lä cuinö, ö̦jö a showawänö, yamalecö bufi malä wacacamabole. Cristonö Yai Bada tä doblao lä damalaleno weinaja, inaja showawä yama tä dablamaö cuo mö feduobä. ¿Ö̦jö tawä? Tä mö ma dödöono wei ma cui, abenaja a jaba cuu malä balöono wei. Bei. Tä da wacacablalu. Einaja a cuma.

1 Timoteo 3:16

Yai Bada tä a̦ lä wawäblaliyono wei, bäma tä a̦fa bejedi wäyäö. Bejedi fe balojowä lä tä a̦. Abenaja tä a̦ cuu. Jesucristo a yanowamöblaleyoluma. Yai Bada tä Bufinö a bejedi jimöquema. A̦jele bä lä doblaladi bä lija a damolaliyoma. Bluca täbä caficö a̦ ja, a wa̦fa wäyämou cuaama. Yanowamö täbä lä bälöblai bänö a bejedi bufibomaje. Fedu tä lä doblale jamö a co̦molayoma. Ö̦jö lä bäma tä a̦ wäyäö.

Hebreos 12:21

¿Ö̦jö tawä? Bejedi tä mömou nö quiliama. Moisesi a ma cui, cama a wa̦fa ca̦i quilili blösö blösomou wäyämoma.

Apocalipsis 18:1

Ö̦jö ya suwä daa fa balölalönö, fedu jamö culanö ai ya tä a̦jele itou daa co̦lalema. Ö̦jö a wa̦ yai ji̦limamobä a cuoma. Cama a̦jele a shi̦inö, bita a bada wacacablaliyoma.

Apocalipsis 20:11

Ö̦jö däjä Bada tä döcäobä ya täcö bada au dalalema, a lä döcäono wei a ca̦i. A lä döcäono wei a bädou däjä, bita a ma cui, judu mösö ma cui, täbä bluca mladou showalayoma. Täbä dablamou co̦daanomi.