Lucas 2:7 - Biblia Yanowamö

⁷ Fama bä lä cublaaö wei tä yafi mashiquio fa dicoonö, yalo bä yanobö jamö cäcöbö cublaquema. Ö̦jamö lä ijilubö jaba e fa tablalönö, camishi acadafu cäcö ja, a bacojeboma. A fa bacojelänö, yalo bä niibö lä bao wei tä ja, a wai didiquema.

Lucas 2:7 Iomraidhean Croise

Génesis 42:27

Bä miofälöbä jamö bä fa waloicunö, ai a lä cuinö, yalo e nia fa iyamafälönö, cama nii ebä talö fe cushäblalema. Nii ebä talö fe fa cushäblalönö, ö̦jö nii bä feyaca jamö, bä blada didia dalalema.

Génesis 43:21

Yamacö lä co̦fälöö wei däjä, yamacö lä miono wei jamö, nii yama bä cushäblalema. Nii yama bä fa cushälalönö, bluca yamacö bladabö damolaliyoma. Nii bä feyaca jamö, yama bä blada bluca lä jöbäno wei, inaja showawä yama bä daa co̦a dicolalema. Yama bä co̦amabä, yama bä ca̦i waloo co̦a lä cule.

Salmo 22:6

Ö̦jö ma cui, yanowamö täbä nofi lä tabou wejeinaja, wale nofi taboimije. Jai cojolomö shicö lä culenaja, wale nofi tabou dicooje. Wale nö waiblaöje. Wale nofi ca̦i wa̦libouje.

Éxodo 4:24

Moisesi a shäbä, cama ebä ca̦i miofälöbä ja, Jeobaanö a mö bamalema.

Isaías 7:14

Inaja wa cuu dicoo ja, cafänö wa tä wawämaö bufii ma mlai, cama Bada tänö tä nia wawämaö fe yadio. Wama a nia lofote dablaö fe yadio. ¿Ö̦jö tawä? Moco a jubamou dao lä mlai, a nia shibönabölayou. Bä ijilubö e nia tablaö. *Emawele e a̦fa nia jilaö.

Mateo 1:25

Ö̦jö ma cui, Maríanö bä ijilubö e tablaö showao mlao däjä, a jubaö mlai ja a tabou balöoma. ¿Ö̦jö tawä? Bä ijilubö e fa tablalönö, Josénö a wa̦fa Jesús jilaquema.

Mateo 13:55

Fii fibä ja täbä showadi madofi lä taö wei, ¿fei bä ijilubö emi daanö? ¿Bä nöö e lä cui, ö̦jö María emi? Santiago, José, Juda, Simón bä lä cui, ö̦jö bä a̦iyobö e nofi showawä lä cui.

Mateo 8:20

Abinaja Jesús e cuu mö feduoma. —A möla dijä, ya yafibö cuami. Yalo bä bäcabö cublawä. Biyomö bä ma cui, bä yabäcabö cublawä mö feduwä. Ö̦jö ma cui, camiyä ya lä yanowamöblaleyoluno wei ya lä cui, ya yanobö cuami —e cuma.

Lucas 10:34

A fa icuicunö, dabö dabö ubänö a jalili fä̦lömaö fa showadaonö, nashiwä toubänö nini nini ebä fe lölalema. Acadafu cäcönö ebä o̦caaquema. Ö̦jö däjä, cama yalo e ji̦ima jamö a maquequema. A befi ca̦i fa lululäfälönö, fama bä waloblaabä yafi jamö a fa bälacönö, a bayeliblalema.

Lucas 2:6

Ö̦jamö lä cäcöbö cuo däjä, bä ijilubö e tablabä a ninimoma.

Lucas 2:8

Ö̦jamö a bölösö blao lä ajedeono wei jamö, ai bänö oweja bä ca̦i cuo fe jalumaje, bä nowamabeje.

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

2 Corintios 8:9

Bada tä Jesucristo lä cuinö wamacö nofi lä ojodabou wei wama tä daö. Dodijidawä a ba̦limi cuodayoma ma cui, cafä wamacö bayeliblamobä, cama etä bluca fa dacönö a shi̦loco itolayoma. A fo̦liblou majölayoma. A lä fo̦liblaliyono wei tänö, cafä dodijidawä wamacö yai ba̦limi cuo majöodayobä.

Gálatas 4:4

Ö̦jö ma cui, Yai Bada tänö bä Ijilubö e shimabä tä yai lä cublaliyono wei däjä, suwä a lija a fa tablamolunö, a yanowamöblaleyoluma. Judio bä lija a cublaliyoma yalo, Moisesi etä a̦ ja a nosiemamobä a li cuo mö feduoma.