Lucas 2:47 - Biblia Yanowamö

⁴⁷ Jesús a wa̦ lä ji̦liano wejei bä bufi bluca shädayaimoma. A bufi lä jaducuono wei tä ma cui ja, a wa̦ juo lä moyawäono wei tä ma cui ja, bä bufi shädayaimou dodijioma.

Lucas 2:47 Iomraidhean Croise

Mateo 13:54

Cama etä ulifi jamö a waloa co̦aliyoma, a oshe lä cuono wei jamö. Ö̦jamö a fa waloicunö, judio bä yododabä yafi jamö täbä yömölama. A wa̦ lä ji̦lino wejei bä lä cui, bä bufi bluca shädayaimolanö, abinaja bä nowa tayoma. —Fei a lä cui, ¿wedi nija a bufi li jaducublamolayoma tawä? ¿Wedinaja a li fa taamamonö, tä nö lä quilijii bei tä wawämaö majöa cule?

Mateo 22:33

Bä lä co̦camono wei bä lä cuinö, ö̦jö a wa̦ fa ji̦liläjenö, bä bufi yai shädayaimoma.

Mateo 7:28

Jesúsnö bä damaö jödödou däjä, a wa̦ lä shaliliablalono wei tä ja, bä bufi möaaö dodijioma.

Marcos 1:22

Bä damaö däjä, a wa̦ lä shaliliablalou wei a wa̦ ja, bä bufi möaaö dodijioma. Moisesi etä a̦ ja bä showadi damaö lä cuaano wejeinaja, a wa̦ ji̦limamou cuono malä mlai. Jai tä a̦ yai daö shalilio showadaoma, a wa̦ ji̦liaö malä cuaano wejei.

Marcos 11:18

Nofi bäyäalewä blowäjäwä bä ma cuinö, Moisesi tä a̦ ja täbä lä damaö wejei bä ma cuinö, Jesús a wa̦no ji̦lilemaje. A wa̦no fa ji̦liläjenö, a shäbeje a nofi washuamaje. Jödödöwä täbä lä cui, Jesús a wa̦ ja bä bufi bluca möaama yalo, bada bänö a nö quili malä tano wejei.

Marcos 6:2

Täbä lä yanöcöo wei, sábado tä mö jalu ja, judio bä yododabä yafi jamö täbä yömölama. A wa̦ lä ji̦lino wejei ai bä lä cui, bä bufi bluca shädayaimolanö abinaja bä nowa tayoma. —Fei a lä cui, ¿wedinaja a li fa taamamonö, a li inaja cuaaö? ¿Wedi nija a bufi li jaducublamolayoma tawä? Tä nö lä quilijii, ¡bejedi lä tä wawämaö fe balojowä!

Lucas 2:18

¿Ö̦jö tawä? Oweja bä ca̦i lä cuono wejei bä a̦ ja, bä bufi bluca shädayaimoma.

Lucas 2:46

Ö̦jamö lä a dayäaböö showao däjä, 3 tä mö didi fa tablamabölönö, Yai Bada etä yafi jamö ya̦cumö a daböa co̦lalema. Yai Bada etä a̦ ja täbä lä damaö wejei bä nija a coyocooma. Bä a̦ ji̦liama, bä ca̦i wa̦lima.

Lucas 4:22

A wa̦ lä ji̦liano wejei bä blucanö, a wa̦fa dodijaö tamaje. A wa̦ dodijaö ja, bä bufi möaama ma cui, abinaja bä cudou majölayoma. —¿José fei bä ijilubö emi daanö? —bä cuma.

Lucas 4:32

Bä damaö däjä, a wa̦ lä shaliliablalou wei a wa̦ ja, bä bufi möaaö dodijioma. Jai tä a̦ yai daö shalilio showadaoma, a wa̦ ji̦liaö malä cuaano wejei.

Juan 7:15

A wa̦ lä macocoablalou wei a wa̦ ja, judio bä bufi shädayaimoma. Abinaja bä cuma. —¿Wedinaja dodijiwä? Bada bä nija ei a damamono ma mlai ma cui, ¡tä nofi daö dodijiwä yai!—bä cuma.

Juan 7:46

Bä lä shömöleno wejei bä bada lä cui, abinaja bä cuma. —Quiji a lä cui, a wa̦ yai walalawä fe balojowä. Ö̦jö a wa̦ yai ji̦limamou lä culenaja, yedu ja ma cui, fei däjä ma cui, ai bä a̦ ji̦limamou cuwämi waiquiwä —bä cuma.