Lucas 2:40 - Biblia Yanowamö

⁴⁰ Ijilu a lojode badafälöma. Yai Bada tänö a bufi jaducumabou dodijioma. Ö̦jö nija Yai Bada a bufi fa doblalonö, showadi a bayeliboma.

Lucas 2:40 Iomraidhean Croise

Lucas 1:80

¿Ö̦jö tawä? Ö̦jö ijilu Juan a lä cui, a yawälayoma. A bufi lojodoblaliyoma. Isaeli ebä nija a wa̦ wawäblou showaa mlai, ulifi bloque jamö a cuo balöoma.

Lucas 2:47

Jesús a wa̦ lä ji̦liano wejei bä bufi bluca shädayaimoma. A bufi lä jaducuono wei tä ma cui ja, a wa̦ juo lä moyawäono wei tä ma cui ja, bä bufi shädayaimou dodijioma.

Lucas 2:52

Jesús a fa yawäfälönö, a bufi moyawäafälöma. Yai Bada a bufi cai doblamabou dodijioma, yanowamö bä cai.

Juan 1:14

Awei. Ö̦jö bei tä a̦ jaba cuo lä showaono wei tä a̦ lä cui, ya̦cumö tä a̦ yanowamöblaleyoluma. A fa yanowamöblalunö, ö̦jönö yamalecö ca̦i bälöoma. Yama a doblao dalalema. Bä Ijilubö moli e cuoma yalo, bä Fö̦ö enö a doblamabou dodijioma. Bejedi lä. Täbä jödödöwä nofi showadi ojodaboma. Showadi a bejedimoma.

Hechos 4:33

Jesucristonö bä lä shömöleno wei bä lä cuinö, Bada tä Jesús a wa̦fa demi jocädou wäyäöje däjä, Yai Bada a lojode damoa dodijia showadalaliyoma. Yai Bada tänö wawädowä bä bayeliblaö cuaama.

Efesios 6:10

Abenaja nomöjöwä, ya wa̦ waicobä. Bada tä Jesucristo lija bä bufi shi̦lo da lofotoicu. Cama etä lofotenö wamacö nö wa̦lojabä.

2 Timoteo 2:1

¿Ö̦jö tawä, U̦asi? Jesucristo lija wa yädäa yalo, showadi wa nofi nia ojodabou. Ö̦jö cudeenö, a bufi shi̦lo da lofotoicu, ö̦jö lä.

Jueces 13:24

A̦jele a lä cuno weinaja tä bejedi cublaliyoma. Ö̦jö a suwänö bä ijilubö e tablalema. Sasono e a̦fa jilaquema. ¿Ö̦jö tawä? A ijilu fa yawälönö, Jeobaanö a bayelibou dodijioma.

1 Samuel 2:18

Ö̦jö ma cui, Jeobaa a lä cule jamö, Samuel dodijidawä a li ojodamou showaoma. Ijilu oshe a cuo showaoma ma cui, nofi bäyäalewä bänö sibä lä jalebou wejei si jaleboma, shuducaje au ubä yai lä dodijidai ubä ja, sibä lä diyäblamou wei si lä cui.

1 Samuel 2:21

¿Ö̦jö tawä? Jeobaanö Ana a bayeliblaö fa co̦onö, a shibänaböa co̦layoma. Bä ijilubö 3 ebä tablaö co̦layoma. Bä tää bolacabö ecöbä. Bä ijilubö Samuel e lä cui, Jeobaa a lä cule jamö e yawäfälöma.

1 Samuel 2:26

Bei. Ijilu Samuel a lä badafälöno wei däjä, Jeobaa a bufi doblalamaö balafälöma. Yanowamö täbä ma cui, ö̦jö bä bufi ca̦i doblalamaö balaö mö feduo showaoma.

1 Samuel 3:19

Bei. Samuel a yawäfälöma. Jeobaanö a ca̦i fa cuonö, a bejedimoma. A wa̦ lä faö wei tä bejedi cublobä, Jeobaanö tä bluca wawämaö nocamoma.