Lucas 2:34 - Biblia Yanowamö

³⁴ Ö̦jö däjä, Yai Bada nija, Simeoni a lä cuinö cäcöbö bayeliblamaö bufima. Jesús bä nöö nija a wa̦ ca̦i fama. Abinaja María a nowa tama. —Ei ijilu a lä cui nija, Isaeli nodiwä bä bluca wabamobä a waiquiwä. A lä waii wejei, cama bä nia bluca waimamou. A wa̦ lä ji̦liaö wejei, dodijidawä bä nia bluca taamabou. Yai Bada a mayo dablabeje, a nia ma cuo wei ma cui, a wa̦fa nia taöje,

Lucas 2:34 Iomraidhean Croise

Génesis 14:19

Yai Bada tä nija, Ablamö a bayeliblamaö bufima. Abinaja a cuma. —Yai Bada a Bada lä ayai a nija, showadi wa bayeliblamobä, judu mösö ma cui, bita a ma cui, täbä bluca lä bädamaleno wei a lä cui nija.

Génesis 47:7

Ö̦jö däjä, bada nija, Josénö bä fö̦ö e ca̦i icua nomöjöquema. A ca̦i fa icuicunö, Jacobo a lä cuinö, Jeobaa nija a bada bayelimaö bufima.

Éxodo 39:43

Täbä lä tano wejei, Moisesinö täbä möma. Jeobaanö tä tamaö lä bufino weinaja, inaja showawä täbä tablaö culayomaje. Ö̦jö däjä, a bufi doblalolanö, Moisesinö Jeobaa nija bä bayelimaö bufima.

Mateo 11:19

¿Ö̦jö tawä? Juan a lä cuaano weinaja, ya cuaaö ma mlai ma cui, inaja showawä camiyä ya lä yanowamöblaleyoluno wei ya lä cui, wamale a̦ ca̦i ji̦liblaimi cuwä mö feduwä. Camiyä ya fa waloiquiyonö, ya ca̦i waiyo mlai ja ya iyaö showawä. Bei ya toubä ca̦i coaö. Ö̦jö ma cui, wamale a̦fa ca̦i wayoaö mö feduwä showawä. “Showadi a iyadii”, wamacö cuu. “A shi wa̦lii bufi fa doblaonö, toubä coadii”, wamacö cuu. “Lomateli bada bä befi, bä blada lä doaö wejei bä ma cui, wa̦lidiwä talewä ai bä ma cui, bä shino nofimadii”, wamacö cuu. ¿Ö̦jö tawä? Inaja wamacö ma cuu däjä ma cui, Yai Bada a wa̦ moyawe. Ö̦jö a wa̦ lä cadidibou wejei bä bluca lä cuinö a bejedi dablamaöje—Jesús a cuma.

Mateo 12:46

Täbä yömölaö showao däjä, Jesús bä nöö, bä fääshä ebä walobeyoluma. Sibo jamö bä ublalanö a nacamaö bufimaje.

Mateo 21:44

Ö̦jö ma jamö bä fa yudublaicunö, bä lä quelayou wei bä lä cui, bä nö nia bleaaö fe balojoo. Ö̦jö bä nö nia ma bleaaö wei ma cui, ai bä lä cui, ö̦jö ma showawänö bä fe yai shäo däjä, ö̦jö bä nia yai cobequeblou fe balojoo —a cuma.

Mateo 27:63

abinaja ebä cuma. —Bada tä. Quiji a lä jolemono wei a lä cui, a demöo showao däjä, abinaja a cuu dicoo cublelei. “Bolacabö tä mö didi fa cublalunö, ya nia jocädou co̦o”, a cuma.

Lucas 2:35

bä bufi bluca cuu lä ja̦too wei tä wawäblobä. Cafä bä nöö wa e ma cui, jai shocobi anö wa balöcö diquibalemaje, wa bufi nö nia bleaaö cuaaö, wajä wajä bänö —María a nowa tama.

Juan 3:20

Wa̦lidiwä talewä bä bluca lä cuinö, Yai Bada etä shi̦i nofi wa̦libouje. Bä lä cuaaö wei bä dablamou bufiomi yalo, tä wacacaobä jamö ö̦jö bä juimi.

Juan 5:18

Täbä yanöcöobä tä mö sábado jalu ma cui ja a wasöomi cudeenö, Jesús a shäö bufi doblao waiquiomaje. Yai Bada nija a ca̦i Fö̦ömou fa cadidionö, bä jushuo balaö showadaoma, Yai Bada a sho cama cäcöbö a̦fa wäyämoma yalo.

Hechos 13:45

Ö̦jö ma cui judio bada bänö täbä bluca co̦camou fa dalalöjenö, bä jushudaliyoma. Cama bä a̦ bada ji̦liamou bufi doblao fa ayaonö, bä bufi jalujoma. Pablo a wa̦ faö däjä bä a̦ lämodima. A nö ca̦i waiblamaje.

Hechos 17:6

Ö̦jamö lä cäcöbö dayäma ma cujei, cäcöbö dablaö fa mlacujenö, Jasono a ma cui, Jesucristo ai ebä ma cui, bada bä nija ö̦jö bä läcäa yacläaquemaje. Abinaja bada bä nowa tamaje. —Jödödöwä täbä lä bälöblai jamö cäcöbö a̦ nofi jushuadii lä cuaaö wei, bä shi bluca lä jalimomaböö wei, eja cäcöbö fa waloaliyonö,

Hechos 24:5

’Fei Pablo a lä cuinö, bä lä yabäcaö wei yama a daö waiquiwä. Judio bluca bä lä bälöblai bä nijamö ma cui, fei a wa̦nö bä bluca shifilimou talei. Nasaleteli Jesús ebä nija, fei a bada lä läle a.

Hechos 28:22

Ö̦jö ma cui, cafä bäfä a̦ ji̦liaö bufi doblaa lä cule. Wa bufi lä cuu wei, yama tä a̦ ji̦liabä. Jesucristo bufilewä bä a̦fa dobloimi wäyäö cuaaö malä cudujei, cafänö wa bä ca̦i lä cule bä lä cui —bä cuma.

Hechos 4:26

Bä bälöo lä dodijio wei bä bluca lä cublai, bä wayu itoblaliyoma. Bä bada lä läo wei bä lä cui, bä co̦cablaliyoma. Bada tä lä bufiblamou wei tä ma cui, cama e lä yaileno wei a ma cui, cäcöbö nabä queobeje bä toujublaliyoma. ’Einaja wa cuma —Yai Bada nija bä cuma—.

Hechos 6:7

Inaja bä fa cuaanö, Yai Bada tä a̦ ji̦limou blaucou cuaama. Ö̦jö däjä, Jelusale jamö, Jesucristo nija bä nia lä nocao wei ebä blucablou dodijilayoma. Nofi bäyäalewä ai bä bluca ma cuinö, Jesucristo etä a̦ fa julejenö, a bufilemaje.

Romanos 9:32

¿Wedinaja bä li cuaaö fa dicoonö, bä li doblonomi? Wedinaja mlai. Bä bejedimou dablamobä, Yai Bada tä nofi mölabono malä mlajei. Cama bä nia dodijaö fe fa yadionö, cama bä nofi shi̦lo li mölamoboma. Jesucristo a shämou lä läono wei tä ja bä bufi jaducäblonomi yalo, jai maa ma jamö bä yudulayoma.

1 Corintios 1:23

Ö̦jö ma cui, fii balitama tefi jamö Cristo a lä shäleno wejei yama tä a̦ shi̦lo wäyäö. Judio bä lija tä a̦ ji̦limamou nofi jushuwä. Judio bä lä mlai bänö tä a̦ ji̦liaimije.

Hebreos 7:1

Ö̦jö Mequisedeco a lä cui, Salemiteli bä lija a bada lä läono wei, bei a cuoma. Yai Bada tä Bada lä ayai a lä cui lija a ojodamou ja, täbä nofi bäyäboma. Ablaamö a lä cuinö, bada bä bluca shäa fa waiquimalalönö, cama ebä ca̦i co̦imabä jamö Mequisedeco a icua mö baquema. Yai Bada lija Ablaamö a bayelimaö bufima.

Hebreos 7:7

¿Ö̦jö tawä? Bä yai lä bada wei bä lä cuinö, bä bada lä mlai bä a̦fa shi̦lo bayeliblaö wäyäö talajei. Ö̦jö bäma tä daö waiquiwä.

1 Pedro 4:14

Cristo wama a bufibou yalo wamacö nö waiblaöje ja, wamacö bufi doblalobä wamacö waiquiwä. Yai Bada bei tä Bufi lä doblalenö wamacö malä bayelibou wei.

1 Samuel 2:20

Ö̦jö däjä, nofi bäyäalewä Eli a lä cuinö, Elecana, bä suwäbö sho cäcöbä showadi bayeliblamaö bufima. Abenaja a showadi cuma. —Ijilu bä ja, Jeobaanö suwäböfä a dobäö co̦obä. Jeobaa e cuo cadidiobä, bä ijilubö e lä majöleno wei tä nowa ja, ai ebä jibäaö co̦obä —a cuma. Ö̦jö däjä, cama bä yafibö jamö bä showadi co̦o co̦oma.