Lucas 2:26 - Biblia Yanowamö

²⁶ Yai Bada tä Bufinö a yömölaa waiquilema cudeenö, a nö daoma. A nomaö showao mlai ja, Bada tänö a shömabä a lä yaileno wei a nia jo̦wa möö balöoma.

Lucas 2:26 Iomraidhean Croise

Mateo 2:12

Bada tä Elode nijamö bä jayuaö co̦ofälöö mlaobä, majali tänö bä fa wasölönö, shomi yo jamö bä co̦a yacläa co̦layofälöma.

Lucas 2:29

—Bada tä. Cafä wa nosie juamobä ya lä cui, fei däjä bufi yanöcöwä wale nia co̦aö. Wa wa̦ nö lä wäbeno wei, tä bejedi cublaliyo lä cufe.

Lucas 9:27

Ö̦jö ma cui, cafä wamacö nija ei ya wa̦ lä cui, bejedi lä ya wa̦. Ai wamacö lä ublale wamacö nomaö showaono mlai ja, Yai Bada tänö cama ebä nia ca̦i lä cuo wei, wama tä nia dablaö.

Juan 1:41

Ö̦jö a lä cuinö, bä a̦iyobö Simón a fa dayäblalönö a yömölalema. —Yai Bada tänö a shömabä a lä yaileno wei, yama a dalalei culoi, Cristo a wa̦fa lä jilabou wejei —a cuma.

Juan 20:31

Ö̦jö ma cui, Jesús wama tä a̦ bejedi bufibä, ya tä a̦ oni taaö lä cule. “Yai Bada tänö a shömabä a lä yaileno wei, ö̦jö Jesús a waiquiwä”, wama a nofi yai tabobä. “Yai Bada bei Ijilubö e”, wama a nofi ca̦i tabobä. Inaja wama a nofi tabolanö, cama a wa̦nö ba̦limi wamacö cuobä.

Juan 4:29

—Bä da jaboje. Quijamö wa̦lo a da möcöliyoje. Camiyänö ya tä bluca lä tano wei tä a̦ wawämaö cadidou cublei. Yai Bada tänö a shömabä a lä yaileno wei, ¿ö̦jö lä a mada tawä? —bä nowa tama.

Juan 8:51

Cafä wamacö nija ei ya wa̦ lä cui, bejedi lä ya wa̦. Wale a̦ nofi lä cadidibou wejei bä lä cui, bä nomaö mlaicätä —a cuma.

Hechos 10:38

Ö̦jö Nasaleteli Jesús a lä cui, Yai Bada tänö a bayelibou ja, bei Bufinö a jödödöboma. A nö ca̦i wa̦lojomaboma. ¿Ö̦jö tawä? Täbä shino bayeliblaö cuaama. Fecula bada tänö bä nö lä bleaamano wei, bä bluca ca̦i jalomaö cuaama. Yai Bada tänö a ca̦i malä cuono wei.

Hechos 17:3

Ö̦jö tä a̦ oni ja, Yai Bada tänö a shömabä a lä yaileno wei tä a̦ wawämama. A nö nia lä bleaano wei tä a̦ ma cui, a nia demi jocädou lä co̦ono wei tä a̦ ma cui, ö̦jö tä a̦ ja a wa̦ cadidiablalou ja, bä a̦ läobä etä cuonomi. Abinaja a cuma. —Cafä wamacö nija fei Jesús ya wa̦fa lä wäyäle, ö̦jö Yai Bada tänö a shömabä a lä yaileno wei a waiquiwä —a cuma.

Hechos 2:36

Isaeli wama ecö bufi bluca jaducublobä ya wa̦. Ö̦jö Jesús a lä cui, fii balitama defi ja wama a lä shämaleno wei a showawä lä cui, Yai Bada tänö Bada bei a yai tablamalema. A shömabä a lä yaileno wei, ö̦jö a —a cuma.

Hechos 9:20

Judio bä yododabä yafi bä jamö, Yai Bada Ijilubö e a̦fa Jesús wäyäö cuaaö ja, abinaja bä nowa tablaama. —Jesucristo a lä cui, Yai Bada cä tä Ijilubö waiquiwä —bä nowa tablaama.

Hebreos 11:5

Enocö a lä cuinö, Yai Bada a wa̦ nofi mölabou waiquioma yalo, demi a co̦lefälöma, a nomaö mlaobä. A fa co̦läfälönö, a dablamou co̦daanomi. A co̦aö showao mlao däjä, Yai Bada a bufi lä doblamabono wei, tä a̦fa wäyämou showaoma.