Lucas 2:25 - Biblia Yanowamö

²⁵ Bei. Jelusale jamö Simeoni a wa̦fa lä cuono wei a bälöoma. Showadi a dodijama. A bejedimou bufi doblaoma. Yai Bada tänö Isaeli nodiwä ebä bufi nia jo̦wa lojodoaamaö lä co̦oyoluu wei tä nö daboma. ¿Ö̦jö tawä? Cama nija Yai Bada tä Bufi yanöcöoma.

Lucas 2:25 Iomraidhean Croise

Génesis 6:9

Noewänö cama ebä ca̦i lä cuaano wei, ei tä a̦ li oni. Bei ijilubö 3 ebä cuoma, Semö, Camö, Jafede bä a̦fa lä cuono wei. Ai bä nofi bluca ma jushuano wei ma cui, Noewä a dodijaö ayaoma. Yai Bada nija a bufi cadidioma. Ö̦jö sho cäcöbö nofi shino tamayoma.

Números 11:25

Ö̦jö däjä, ölajashi a jamö Jeobaa a fa itolunö, Moisesi a wa̦ wayomama. Cama nija a Bufi lä yanöcöblaqueno wei a Bufi shedequeblamoa fa majölönö, bada 70 bä nija a Bufi yanöcöa shedequeomobodayoma. Bada bä nija a Bufi fa yanöcöomobodunö, a wa̦no wäyäö showadaomaje. Ö̦jö ma cui, moli bä inaja cuaaö fa showadaonö, bä cuaaö co̦daanomi.

Números 11:29

Ö̦jö ma cui, abinaja Moisesi e cuma. —“Cafänö yami wa wa̦no shino wäyäbä”, ¿bei wale nofi tabou dicoa cule? A bufi jalujo dijä. Jeobaa bluca ebä nija a Bufi yanöcöblou fa cunoja, tä nö doblaobö wei. Bluca bänö a wa̦no wäyäö fa cunoje ja, tä nö ca̦i doblaobö wei —a cuma.

Marcos 15:43

Alimadeateli a José lä cui, a bufi fa lojododalunö, Bilado nija a fa icuicunö, Jesús a wa̦fa nomawä boma. Ö̦jö a José lä cui, judio bada bä lä läono wei bä nija a coyocooma. A nofi yai tabou dodijiomaje. Yai Bada tänö cama ebä nia ca̦i lä cuo wei, José a ma cuinö, ö̦jö tä nö ca̦i shi jaliwä dablalaö mö feduoma.

Lucas 1:41

María a wa̦ fa ji̦lilänö, Elisabei bä ijilubö e lä didibono wei e i̦cali qui̦blaliyoma. Ö̦jö däjä, Yai Bada tä Bufinö Elisabei a fa jödödöblalunö,

Lucas 1:6

Ö̦jö cäcöbö lä cui, Yai Bada nija cäcöbö cadidoma. Bada tänö tä tamaö lä bufii wei tä ja, showadi cäcöbö cadidoma yalo, cäcöbö a̦fa tamobä etä cuonomi.

Lucas 1:67

Ö̦jö ijilu bä fö̦ö e a̦ falayoma, Sacalia a lä cui. Yai Bada tä Bufinö a fa jödödöblalunö, Yai Bada a wa̦no wäyäö ja, abinaja a cudaliyoma.

Lucas 2:38

Ö̦jö a lä cui, María nija, José nija a suwä icua fa showadaicunö, Yai Bada nija a bufi a̦fa doblalou wäyämoma. Ö̦jö däjä, Yai Bada nija Jelusaleteli bä bayeliblamobä bä nö bluca lä daono wei bä lä cui bä nija, ijilu Jesús a wa̦fa wäyädima.

Lucas 23:51

¿Ö̦jö tawä? Jesús a lä waileno wejei däjä a waimaö bufinomi. Yai Bada tänö cama ebä nia ca̦i lä cuo wei, tä nö shi jaliwä daboma.

Hechos 10:2

Ö̦jö a lä cui, Yai Bada nija a bejedimou bufi doblaoma. Cama a ma cuinö, cama ebä ma cuinö, Yai Bada tä nö quili bluca tamaje. A bufi läo mlai ja, judio bä lä jo̦li wei showadi bä dobäma. Yai Bada nija a nö shino bayeli nacaodima.

Hechos 10:22

Abinaja bä cuu mö feduoma. —Bada tä Conelio e yafi jamö bäfä nia luluaö fa co̦ofälönö, yamacö waloquei lä cufe. Ö̦jö Conelio a lä cuinö, sodado 100 bä ca̦i lä cule a. A bejedimou bufi doblao. Yai Bada nija a quilii dodijiwä. Judio bä blucanö, a wa̦fa dodijaö taöje. ¿Ö̦jö tawä? Ö̦jö nija Yai Bada a̦jele etä fa wawälönö, cafä wa nacamaö bufima, Conelionö wa wa̦ ji̦liabä —bä cuma.

Hechos 2:5

Bei. Ö̦jamö, Jelusale jamö, judio bä bluca bälöblaama, Yai Bada nija bä bejedimou bufi lä doblaono wei.

Hechos 24:16

Ö̦jö cudeenö, Yai Bada tä ma cui nija, yanowamö täbä ma cui nija, ya dodijidawä cuobä ya cadidou fe yadio.

Deuteronomio 18:15

’Jeobaa a wa̦no wäyäbä, camiyä wale shömaö lä cuaano weinaja, cafä Isaeli wama ecö nodiwä nija, ai a nia shömaö cuo nomöjöo —a cuma—. Ö̦jönö wamacö yömölaö däjä, wama a wa̦ shino yai ji̦liabä.

2 Pedro 1:21

Ma, Yai Bada a wa̦no lä wäyämono wei tä a̦ lä cui, yanowamö täbä bufi cuu lä bädao wei tä a̦ cuonomi. Yai Bada bei tä Bufinö cama bä nijamö tä a̦ wäyäö fa shalilionö, yanowamö täbä nija tä a̦no wäyäö shalilio nomöjöomaje.