Lucas 2:15 - Biblia Yanowamö

¹⁵ Ö̦jö däjä, a̦jele bänö bä daa fa co̦cufälöjenö, fedu jamö bä co̦a co̦layoma. Oweja bä ca̦i lä cuono wejei, abinaja ö̦jö bä nowa tayou juoma. —¡Bei, bei! Belena jamö bämacö juu da showadao, tä jo̦wa lä cublalufe bäma tä möblaabä, Bada tänö tä a̦fa wäyämaö lä bufino wei —bä nowa tayoma.

Lucas 2:15 Iomraidhean Croise

1 Pedro 3:22

A demi jocädou fa co̦lonö, fedu jamö a co̦molayofälöma. Yai Bada jayu boco mashi jamö a cua lä culadi. A̦jele täbä ma cui, täbä bada lä läladi täbä ma cui, täbä ca̦i lojode lä culadi täbä ma cui, ö̦jö lä täbä bluca nija Jesucristo a Bada läadayoa.

Lucas 24:51

Bä bayelimaö showale a ösöfälöma. Fedu jamö a co̦molayoma.

2 Reyes 2:11

Cäcöbä a̦ wayou ca̦i fufälöö däjä, yedu cowa wacä lä cui jai läläamodima cäcö cuwä, jai cabayo bä cuwä wacä bä bädou showalayoma. Cäcöbä fubä jamö wacä bädou fa möamolonö, cäcöbä shedequeblaliyoma. Ö̦jö däjä, wadoli a badanö Elia a däa mö nonobefälöma.

2 Reyes 2:1

Bei. Wadoli a ja, Jeobaanö Elia a co̦amaö bufima, fedu jamö a cuobä. Wadoli a ja, a nabä shimaö bufio däjä, Jicala jamö culanö Elia, Eliseo sho cäcöbä fuu cuaama.

Éxodo 3:3

Abinaja Moisesi a cuma. —¡Joo! ¡Wacö ma waole ma cui, defi nofi waicaö lä mlai! Ya fa ajedeblalunö, ya tä möblaaö da dodijio sho —a cudaliyoma.

Mateo 12:42

’Wamacö fei däjä lä bälöblai wamacö jömadayobä jamö, Sabaateliyoma a bada bälöo lä dodijiono wei a suwä nia ca̦i ublao yädäo mö feduo —a cuma—. Ö̦jö a ma cuinö wamacö nia dobloimi jömaö. Wamacö nia waimaö bufii. ¿Ö̦jö tawä? Bada tä Salomo a wa̦ ji̦liabä, ö̦jö a li suwä blajawä waloa fe malä yadiqueno wei. Salomo a bada ma cui, camiyä bei ya yai bada dodijiwä. Fei däjä, cafä wamacö nijamö camiyä ya yai cua ma cule, wamale a̦ ji̦liblaimi —Jesús a cuma.

Lucas 2:14

—Fedu fedole jamö Yai Bada a lä bälöladi, ¡a nofi shino yai doablamobä! Bita jamö a bufi lä doblamabolajei bä lä cui, ¡dodijidawä bä bufi yanöcöwä ca̦i bälöblamou cuaabä! —bä a̦jele cuma.

Lucas 2:16

Bä shi jalimolanö, bä lobe aa fa showadalunö, María, José sho cäcöbö lä cule jamö, bä fa waloicunö, cäcöbö dalalemaje. Yalo bä niibö lä bale jamö, ijilu a didia ca̦i daa mö fedua showalalemaje.