Lucas 2:10 - Biblia Yanowamö

¹⁰ Ö̦jö bä nija abinaja a̦jele e cudaliyoma. —Bä quili dijä. ¿Ö̦jö tawä? Ei dodijidawä ya tä a̦ wäyäyolubä, ya itolayou lä cufe, wamacö bufi doblalobä. Cafä wamacö ma cui, bä bluca lä bälöblai bä ma cui, wamacö bufi bluca doblalou fe balojoobä.

Lucas 2:10 Iomraidhean Croise

Génesis 12:3

’Cafä wa lä bayeliblaö wejei bä lä cui, inaja showawä, cama bä ma cui, ya bä nia bayeliblaö cuo mö feduo. Wa nö lä bleaamaö wejei bä lä cui, inaja showawä, cama bä ma cui, ya bä nö nia bleaamaö cuo mö feduo. Cafä bäfä bayelibou fa balöonö, bluca bä bälöjöwä lä yaiblai, afä a nodiwä nija, bä nia bayeliblamou nomöjöo —Jeobaa a cuma.

Mateo 14:27

Bä ma quililaliyono wei ma cui, lobe bä quilii wasöblalema. —Bä bufi da lojododalu. Ei camiyä cä ya. Bä quili dijä —bä nowa tama.

Mateo 28:18

Abinaja Jesúsnö bä nowa tama. —Fedu jamö ma cui, bita jamö ma cui, bluca täbä lä cublai täbä ja ya Bada cuobä, camiyä Yai Bada tänö wale tablamalema.

Mateo 28:5

Suwä cäcöbö nija abinaja a̦jele e cuma. —Cäcöbö quili dijä. Jesús wafä a lä dayäboyoi bäfäcö daö, fii balitama defi jamö a lä basuono wei a lä cui.

Marcos 1:15

Abinaja bä nowa taö cuaama. —¡Fei däjä waiquiwä! ¡Wa̦lidiwä tä ja, bä bufi da lädalu! Yai Bada tänö cama ebä ca̦i nia lä cuo wei, tä ajedou waiquia lä cuimi. Yai Bada dodijidawä tä a̦ bejedi ca̦i da bufije —bä nowa taö cuaama.

Marcos 16:15

Abinaja bä nowa tama. —Bä bälöblawä lä jödödöblai bä nijamö wamacö juu fa cuaafälönö, jödödöwä bä lä cublai bä nija iba dodijidawä tä a̦ wäyäö da cuaaje.

Lucas 1:13

Ö̦jö ma cui abinaja a̦jelenö a nowa tama. —A quili dijä, Sacalia. Yai Bada nija wa nö bayeli lä nacao wei tä a̦ ji̦lio culadi. Suwäböfä Elisabei a lä cuinö, ijilufä a nia tablaö. Juan wa wa̦fa nia jilaö.

Lucas 1:19

Ö̦jö däjä, a̦jele abinaja e cuu mö feduoma. —Camiyä Cablieli cä ya. Yai Bada tä lä cule jamö showadi ya e ajedeo. Cafä bäfä yömölabä wale shömöledayoma, ei dodijidawä ya tä a̦ wäyäyolubä.

Lucas 1:30

Ö̦jö däjä, María nija abinaja a̦jele e cuma. —A quili dijä, María. Yai Bada tänö wa bayeliblabä, wa nofi ojodabou waiquia lä cule.

Lucas 2:11

¿Ö̦jö tawä? Wamacö jucäamobä, bada tä David a jaba lä bälöono wei jamö, a oshe wawäblaliyo lä cufe. Yai Bada tänö a shömabä a lä yaileno wei, ö̦jö a Bada.

Lucas 24:47

Bluca bä bälöjöwä lä yaiblai bä nija, camiyä ya wa̦ lojodenö, tä a̦ nia wäyämou blaucubloma, wa̦lidiwä tä ja bä bufi lä lädou wei, Yai Bada tänö tä nowa nia lä mladamaö wei tä a̦ lä cui. Jelusale jamö tä a̦ nia wäyämou fa balöonö, bluca bä lä bälöblai bä nija tä a̦ nia wäyämou cuaaö nomöjöoma.

Lucas 8:1

Tä no dedeaö mlao däjä, ai täbä bälöblawä mö lä fedui jamö, shabono bada bä jamö ma cui, wajaquemi bä wai shabono jamö ma cui, Yai Bada etä a̦ wäyäö cuaama. Dodijidawä tä a̦ ja, bä yömölaö cuaama, Yai Bada tänö cama ebä nia ca̦i lä cuo wei tä a̦ ja. Cama 12 ebä nocao showaoma,

Hechos 13:32

’Yama tä a̦ dodijidawä wäabä, cafä wamacö nija yamacö waloo lä cule —a cuma—. Bämacö nö badabö nija, Yai Bada tänö tä a̦fa wäyäö lä balöono wei tä a̦ lä cui,

Romanos 10:15

Bä yömölabeje bä shimamoimi ja, bä nia ca̦i yömölamou bädaomi. Abenaja tä a̦ oni cuu. Dodijidawä tä a̦ ca̦i lä waloo wejei bä lä cui, bä yai dablamou dodijidawä fe balojowä. Einaja tä a̦ oni cuu.

Efesios 3:8

Cama ai ebä shi̦lo dodijaö ma ayaono wei ma cui, camiyä wale nofi fa ojodadalönö wale shimöa fe yadilema. Cristo lija täbä yai bayeliblamou fe lä balojoo wei, judio wamacö lä mlai wamacö lija ya tä a̦ wäyäbä.

Colosenses 1:23

Bufi lofotolanö, wama a wa̦ nofi mölabou showao däjä, inaja wamacö nia yai taamaö, wamacö bufi cadidou showao däjä. ¿Ö̦jö tawä? Wama tä a̦ dodijidawä lä ji̦lileno wei tä a̦ nofi da cadidileje, ö̦jö lä. Jödödöwä täbä lä bälöblai täbä ma cui lija tä a̦ wäyämamou waiquia lä cudi. Ö̦jö ya tä a̦ wäyäö cuaaö mö feduobä, camiyä Pablo ya ma cui ya e cublaliyoma.