Lucas 2:1 - Biblia Yanowamö

¹ Juan a oshe cuo showao däjä, Lomateli Aucuto a bada nosiemoma, cama bluca ebä lä bälöblai ebä a̦fa oniblamabeje.

Lucas 2:1 Iomraidhean Croise

Mateo 22:17

Ö̦jö cudeenö bäfä wa̦lii lä cule. Lomateli bada Sesa a lä cui, ö̦jö befi bä blada lä nacaö wejei, judio bämacö ma cuinö, ¿bäma bä blada jöböabä tawä? ¿Tä a̦ läami daanö? Ma, ¿tä a̦ läa tawä? —bä cuma.

Mateo 24:14

’Yai Bada tänö cama ebä ca̦i nia lä cuo wei tä a̦ lä cui, bita jödödöwä a jamö tä a̦ nia wäyämamou blaucou cuaaö —a cuma—. Täbä jödödöwä bälöjöwä lä yaiblai täbä yömölamou cuaaö balöono wei ja, Yai Bada tänö täbä nia jödödöwä waicaö.

Marcos 14:9

Cafä wamacö nija ei ya wa̦ lä cui, bejedi lä ya wa̦. Jödödöwä tä jamö ma cui, iba dodijidawä tä a̦ wäyämamou cuaabä jamö, ei a suwänö wale fe lä löblalöfe tä a̦fa nia ca̦i wäyämamou cuaaö mö feduo, a lä dodijano wei, tä nofi jaducubou nodiablalobeje —bä nowa tama.

Marcos 16:15

Abinaja bä nowa tama. —Bä bälöblawä lä jödödöblai bä nijamö wamacö juu fa cuaafälönö, jödödöwä bä lä cublai bä nija iba dodijidawä tä a̦ wäyäö da cuaaje.

Lucas 2:3

Bä a̦fa bluca onimamobä, bluca bä lä bälöblai bä lä cui, cama bä nö badabö lä bälöblamono wei jamö, bä jublou cuaama.

Lucas 2:5

A nia lä däano wei a María sho cäcöbö juma, cäcöbö a̦fa oni taamamobä. ¿Ö̦jö tawä? María a shöbönaböoma.

Lucas 3:1

Lomateli Dibelio a bada läo showao däjä, lasha 15 a faa fa waiquimalönö, cama ebä lämabou mö lä feduono wei, abinaja ebä a̦fa cublamoma. Judea jamö, Bo̦sio Bilado a lämaboma. Calilea jamö, Elode a lämabou mö feduoma. Idulea jamö, Elode a li mashi lämabou mö feduo showaoma, Daconide jamö ca̦i. Ö̦jö Felipe a wa̦fa cuoma. Abilinia jamö, Lisania a lämabou mö feduoma.

Hechos 11:28

Ö̦jö ai a lä cui, Acabo a wa̦fa cuoma. Bä lä yododano wei jamö ö̦jö a fa ublaicunö, Yai Bada tä Bufinö a wa̦ fa macocoamanö, ofi a nia lä cublono wei bei tä a̦fa wäyäö balöoma. Jödödöwä bä lä bälöblai, ofi tänö bä nö nia jo̦wa bleaaö cuaama. A la cuno weinaja, inaja showawä tä cublaliyoma. Lomateli bada Claudio a lä läono wei däjä, tä bejedi wawäblaliyoma.

Hechos 25:11

Ya doblou mlao fa cunoja, ya shämobä ya tä tabou fa cunoja, ya noshi nö umlaobö mlai. Ö̦jö ma cui wale a̦fa lä wäyäö wejei bä bejedimi ja, cama bä nija ya nia jöböamoimi. Sesa a bada lä cui nija wale da shömölö, ö̦jö lä. Ö̦jönö wale a̦ yai shino ji̦liabä —a Pablo cuma.

Hechos 25:21

eja a cua showalanö, bada tä Sesa nija a wa̦ ji̦limamou bufi doblaoma. Ö̦jö cudeenö, Sesa nija ya bälaö showao mlao däjä, eja a fe labou showaobeje, sodado ya bä nosiemama —Fedo a cuma.

Romanos 1:8

Abenaja ya cuu balöo. Jesucristo wama a nofi lä mölabou wei wamacö a̦fa ji̦limou blaucou cuaaö cudi. Ö̦jö cudeenö ya bufi doblalou. Jesucristo a wa̦nö, Yai Bada ya lä bufiblaö wei lija ya bufi a̦fa doblalou wäyämou talei.

Filipenses 4:22

Eja Yai Bada ebä bluca lä cule, cafä wamacö lija bä a̦fa wäyämamou bufi ma doblao wei ma cui, Lomateli bada a lä cui e yafi jamö bä lä cule, ö̦jö bä a̦fa shi̦lo yai wäyämamou bufi doblaa dodijia lä cule. ¿Ö̦jö tawä?