Lucas 19:9 - Biblia Yanowamö

⁹ Abinaja Jesúsnö a nowa tama. —Ablaamö a lä cuinö, Yai Bada a nofi lä mölabono weinaja wa nofi mölabou nodia cua yalo, afä wa bä ca̦i lä cule wamacö nia bayeliblamou. Wamacö nia lä jucäamou wei, cafä wamacö nija tä a̦ fei däjä waloqueyoluu lä cufe.

Lucas 19:9 Iomraidhean Croise

Lucas 13:16

Inaja showawä, ei Ablaamö nodiwä a suwä lä cui, täbä yanöcöobä tä mö jalu ma cui ja, ya bayeliblabä a. Sadanasinö a o̦cabou lä waiquio wei däjä, lasha 18 a famaö malä waiquile —a Jesús cuma.

Lucas 13:30

’¿Ö̦jö tawä? —a cuma—. Ö̦jamö täbä cua lä bädao wei täbä ma cui, bada bä nofi tabou lä cuaaö wejeinaja Yai Bada tänö bä nofi nia tabou. Inaja showawä, ai täbä nofi bada ma tabou wejei ma cui, Yai Bada tänö inaja bä nofi nia taboimi.

Lucas 16:24

Ablaamö nija a comöö ja, abinaja e cuma. “Fabe, Ablaamö. Wale nofi da ojodaboyo. Lasalo a da shömölö, mau u jamö bei imi fa cadalönö, wale aca si ajiamabä. Ei wacö jamö ya nö ninili bleaaö malä cule”, a cuma.

Lucas 16:30

’Ö̦jö däjä, Ablaamö nija abinaja a cuu nomöjöoma. “Ma, ö̦jö bä a̦ nia ji̦liaimije. Fabe, Ablaamö. A yai lä nomalayono wei a demi jocädou fa co̦lunö, ö̦jö a wa̦ yai fa ji̦liajenö, wa̦lidiwä tä ja bä bufi lädou weicätä”, a cuma.

Lucas 2:30

Yamalecö nia lä jucäaö wei, camiyä bei ya mamocunö ya dalalei lä cufe.

Lucas 3:8

Wamacö bufi lädou dablamobä, bä bejedimou da wawädoo, ö̦jö lä. “Ablaamö nodiwä yama ecö li cudeenö, yamacö doblou fe yadio weicätä”, bä nofi ca̦i tamamou dicoo dijä. Ö̦jö tä nowa cuami. Bämacö nowa malä tale. Yai Bada tänö Ablaamö ebä nodiwä tabou bufi doblao fa cunoja, fei maa mabä ma cui ja, bä nö tablamalebö wei.

Romanos 4:16

Ö̦jö cudeenö, Yai Bada bäma a wa̦ nofi mölabou däjä bämacö li bayeliblamou. No mlai ja bämalecö nofi bluca fa ojodabonö, tä a̦fa bayeli lä wäqueno wei tä a̦ ja bämacö bluca bayeliblamobä tä malä cui. ¿Ö̦jö tawä? Judio bä ma mlai ma cui, Ablaamö bäma a bufi lä owäbou wei bämacö nia bluca bayeliblamou, Moisesi etä a̦ oni lä tabou wejei bä shi̦lo mlai. Ablaamö a lä cuinö, Yai Bada a wa̦ nofi lä mölabono weinaja, bäma a wa̦ nofi mölabou lä nomöjöo wei bämacö ma cuinö, Ablaamö bäma a nofi bluca malä fö̦ömaö wei.

Gálatas 3:14

¿Ö̦jö tawä? Judio bä lä mlai, Jesucristo lija bä bayeliblamou mö feduobä bä nowa comaquema. Ablaamö a bayeliblamou lä culayono weinaja bä bayeliblamou cuo mö feduobä. Jesucristo bäma a nofi fa mölabonö, Yai Bada tä Bufi a̦fa lä wäyämono wei bäma tä Bufi däabä.

Gálatas 3:29

Cristo wama ecö waiquiwä ja lä, Ablaamö ö̦jö wama ecö ca̦i nodiwä waiquiwä. Yai Bada tänö Ablaamö a wa̦fa bayeliblamou wäyäö lä balöono weinaja, wamacö ca̦i bayeliblamou cuo nodiobä.

Gálatas 3:7

¿Ö̦jö tawä? Yai Bada tä a̦ nofi lä mölabou wejei bä lä cui, ö̦jö Ablaamö nodiwä bei ebä yai.

1 Pedro 2:10

Jaba däjä wamacö nofi tabono ma mlai ma cui, fei däjä Yai Bada tänö wamacö nofi yai tabou majöa lä cule. Wamacö nofi jaba ojodabono ma mlai ma cui, fei däjä wamacö nofi yai ojodabou majöa.