Lucas 18:12 - Biblia Yanowamö

¹² Täbä yanöcöobä tä mö jalu cublou showaa mlai ja, bolacabö ya iyaö wasöo talei. Ya iyaö yabäcou mlai ja, cafä nija ya wa̦ fabä, nii bä ja ya wasöo. ¿Ö̦jö tawä? Abinaja ca̦i. Ya täbä bluca lä däaö wei, fe usucuwä 10 ya täbä fa shedequeblalönö, ai moli täbä ja, cafä bäfä dobäblaaö”, a cuma.

Lucas 18:12 Iomraidhean Croise

Números 23:4

Ö̦jamö lä, Yai Bada tänö Balaama a mö fa bamalönö, abinaja Balaama e cuma. —Yalo ya bä nia lä dodoblaö wei bä maqueblamobä täbä lä cui, 7 ya täbä i̦tabou waiquia. Ö̦jö täbä jamö, baca, oweja a sho, ya bä maquedaö bolacadou waiquia —e cuma.

Mateo 5:20

’Bämacö nowa taö malä waiquio wei —a cuma—. Moisesi tä a̦ ja täbä lä damaö wejei bä lä cui, yanowamö täbä nija bä nia cadidou fa dablamonö bä ma cuaablalou wei ma cui, bä jolemou. Yai Bada a bufi doblamaboimije. Faliseo bä bada ma cui, inaja showawä bä jolemou cuwä. Wamacö yai cadidou mlai ja, ö̦jö bä lä cuaaö weinaja wamacö cuaaö dicoo ja, Yai Bada tänö cama ebä ca̦i cuobä jamö wamacö nia cuomi waiquiwä —a cuma.

Mateo 6:1

’Bä da moyaweicu —Jesús a cuma—. Yai Bada tänö tä tamaö lä bufii wei wama tä taö däjä, yanowamö täbä nija wamacö dodijidawä mömobä wama tä nia taimi. Inaja wamacö cuaaö dicoo ja, Faafä Yai Bada a lä culadi nija wamacö nia dobämamoimi.

Mateo 6:16

Abinaja Jesús a cuma. —Yabäcou mlai ja, Yai Bada nija wamacö nö bayeli nia fa nacaodinö wamacö iyaö wasöo ja, dodijidawä bä mömou fe da yadio, bä jole jole lä dodijaö wei bä lä cuaaö weinaja mlai. Ö̦jö bä lä cui bä iyaö wasöo däjä, Yai Bada nija bä dobämobä bä li cuaaimi. Yanowamö täbä nija bä nö nia fa ö̦jöböamonö, bä li cuaaö buo. ¿Ö̦jö tawä? Bä nö nia fa ö̦jöböamonö, bä mö ya̦lömou mlai ja bä fe shaclacawä bufi ca̦i wa̦lidiwä juadalou. Cafä wamacö nija ei ya wa̦ lä cui, bejedi lä ya wa̦. Yai Bada nija ö̦jö bä lä cui bä nia dobämoimi. Yanowamö täbä nija bä nö ö̦jöböamobä, ö̦jö cama etä li waiquiwä.

Mateo 6:5

Abinaja Jesús a cuma. —Wa nö bayeli nacao däjä, bä jole jole lä dodijaö wei bä lä cuaaö weinaja, a cuaa dijä. Judio bä yododabä yafi bä jamö ma cui, sibo jamö bä bluca lä juaaö wei jamö ma cui, ö̦jö bä lä cui, Yai Bada nija wawädowä bä a̦ shino faö bufi doblao talei, yanowamö täbä nija bä nia dodijaö fa dablamonö. Cafä nija ei ya wa̦ lä cui, bejedi lä ya wa̦. Inaja bä lä cuaaö wei bä lä cui, Yai Bada nija bä nia dobämoimi. Yanowamö täbä nija bä dodijaö dablamobä, ö̦jö cama etä li waiquiwä.

Mateo 9:14

Ö̦jö däjä, Juannö bä lä nocamabono wei bä lä cui, Jesús nija bä fa waloiquiyonö, abinaja ebä cuma. —Camiyä yamacö iyaö wasöo si ijejewä, yamacö iyaö yabäcou mlai ja, Yai Bada nija yamacö nö bayeli nacaodibä. Faliseo bä bada ma cui, inaja showawä bä li cuaaö mö feduwä. Ö̦jö ma cui, cafänö wa bä lä nocamabole bä lä cui, inaja bä li cuaaimi. ¿Wedi tabä afä bä ca̦i iyaö wasöomi dicowä? —bä cuma.

Lucas 11:42

’Faliseo wamacö nö bada bleaaö dodijiobä wamacö —a cuma—. Afä nii wama bä bluca lä doaö wei, wajaquemi jenabä wai bädawä ma cui, *fe usucuwä 10 wama jenabä fa shedequeblalönö, ai moli jenabä wai ja, Yai Bada showadi wama a dobäö. Ö̦jö ma cui, wamacö yai dodijaö mlai ja, wama a ca̦i nofimaö mlalanö, wama a jole jole dobäö waiyoblalou bädao dicoo. Wamacö dodijalanö wama a dobäö fa cunoja, tä nö doblaobö wei. Wama a nofimalanö wama a dobäö fa cunoja, tä nö dodijidaobö wei.

Lucas 17:10

Inaja showawä, Yai Bada a nosie juamobä wamacö. Wama a nosie juaö jödödou däjä, abinaja wamacö nia cuu. “Yamacö nofi doablamobä yamacömi. Yai Bada a nosie juamobä yama ecö waiquiwä malä cui”, wamacö nia cuu —Jesús a cuma.

Romanos 3:27

¿Ö̦jö tawä? Yai Bada tänö bämalecö dodijidawä tabou yalo, ¿bämacö nofi nia doo tawä? Bämacö nofi doobä tä cuami. Bämacö lä dodijaö wei tänö bämalecö nofi tabou malä mlai. Jesucristo bäma a nofi lä mölabou wei tänö, jai bämacö dodijidawä waiquiwä bämalecö nofi shi̦lo yai tabou.

1 Corintios 1:29

¿Ö̦jö tawä? Cama a lä cule jamö yanowamö a nofi doablamou mlaobä, inaja Yai Bada a cuaama.

Gálatas 1:14

Camiyä ya bada lä culenaja bä cuwä mö lä fedui ai bä bluca lä cuinö, Moisesi etä a̦ ca̦i fuaö mö ma feduono wejei ma cui, camiyä ya fe yai dolejeo dodijio balöoma. Judio bämacö nö badabö jaba lä cuno wei ya tä a̦ joyamaö nofi fa jalubonö, camiyä bejedi lä ya wa̦ shi̦lo lämodima.

Efesios 2:9

Täbä lä dodijaö wei tänö täbä fucäamoimi yalo, cama bä dodijidawä jimöobä etä cuami.

1 Timoteo 4:8

Täbä lofote wabäo däjä täbä nö wa̦lojodou ma cui, Yai Bada a wa̦ fuabeje bä lä wabäo wei bä lä cui, ö̦jö bä yai bayeliblamou malä dodijio wei. Inaja bä lä cuaaö wei, eja bä ma cuo däjä ma cui, fedu jamö bä ma obi cuo majöodayou däjä ma cui, bä bayelio shi wa̦libä cäbä.