Lucas 17:4 - Biblia Yanowamö

⁴ Moli tä mö jalu showawä ma cui ja, 7 wa yabäcaö cua ja, inaja showawä 7 wa nia wasöö cublou mö feduo. Wa lä yabäcano wei, 6 wa etä nowa mladamaö ma waiquiono wei ma cui, inaja a cublou co̦daa ja, “¡Uo!”, wa bufi nia cuimi. A bufi jo̦wa yabablou co̦o ja, 7 ma cui ja wa etä nowa nia mladamaö co̦o —a cuma.

Lucas 17:4 Iomraidhean Croise

Mateo 18:16

Ö̦jö ma cui, wa wa̦ ji̦liaö bufiomi waiquiwä ja, aifä wa nia nacaö. Bolacabö ma cui, wa cöbö nacaö dao. Ö̦jö wa cöbö ca̦i fa junö, wa wasöö lä co̦le däjä, ö̦jö cäcöbö lä cuinö wa wa̦ nia bayeliblaböö, Moisesi tä a̦ lä cuu weinaja showawä. ¿Ö̦jö tawä? Bä dobloimi jömamou ja, moli a wa̦nö bä nia jömamou malä mlai. Bolacabö cäcöbö a̦ ma cuinö, 3 bä a̦ ma cuinö, bä a̦ faö fe lä usucui bä a̦nö bä nia shino yai jömamou.

Mateo 18:35

¿Ö̦jö tawä? —Jesús a cuma—. Einaja showawä, bei wamacö bufi cadidiwänö aifä wama etä nowa mladamaö cuomi dicowä ja, Fayä a lä culadinö afä tä nowa nia ca̦i mladamaö ayaomi.

Mateo 5:44

’Einaja bä jaba ma cuno wei ma cui, abinaja bämacö nowa taö lä cule —a cuma—. Wamacö nofi lä wa̦libou wejei bä ma cui, bä da nofimaje. Wamacö nö lä bleaamaö wejei bä ma cui, Yai Bada nija bä nö bayeli da nacaje,

Mateo 6:12

Yamacö doblou lä mlai, tä nowa ca̦i da mladamalö, camiyä yamalecö lä yabäcaö wejei bä nija, yama tä nowa bluca mladamaö lä cuaaö weinaja showawä.

Lucas 17:5

Jesúsnö bä shömabä bä lä nocamabono wei bä lä cui, abinaja Bada tä nija bä cuma. —Yai Bada yama a nofi yai mölabou shaliliobä, yamalecö bufi da bayeliblalö —bä cuma.

Romanos 12:20

Cafä wamacö nö nia yuomi. Abenaja tä a̦ ca̦i oni cuu. Cafä wamacö lija a nö lä nabämou wei a ofäö ja, a da iyamaje. Dodijidawä a da bälömaboje. Wamacö nofimou lä ayao wei tänö, a bufi nia quilijou majöo. Einaja tä a̦ oni cuu.