Lucas 17:3 - Biblia Yanowamö

³ Bä da moyaweicu, ö̦jö lä. ’Aifä a yabäcäo dicoo ja a da wasö —a cuma—. A bufi mö yabablou co̦o ja, a jushuo dijä. Wa nowa lä tabole tä da mladamalö.

Lucas 17:3 Iomraidhean Croise

Éxodo 34:12

Wamacö nia lä jufälöö wei jamö bä da moyawäafälö. Ö̦jamö bä lä bälöblai bänö wamacö yacläa fa dicomalöjenö, wamacö dobloimi majöa dicoicu. Ö̦jö bä sho wamacö nofi tamayobä bämi.

Proverbios 9:8

A damamou bufio lä mlai a lä cui, a wasö dijä. Wa nofi wa̦libou cuquei. A bufi lä jaducäi a lä cui, ö̦jö a shi̦lo yai da wasö. Ö̦jönö wa nia nofimaö.

Mateo 18:21

Ö̦jö däjä, Jesús nija Pedro a icua fa ajedeicunö, abinaja e cuma. —Bada tä. Iba ai anö, showadi wale yabäcadii dicoo ja, ¿wedinaja ya yai li cuaabä? ¿Wedinaja tä cudale, ya etä mladamaö cuobä? 7 wale yabäcaö cua ma waiquile ma cui, ¿ya etä nowa mladamaö fe yadiobä tawä? —Pedro e cuma.

Lucas 21:34

Abinaja Jesúsnö bä nowa ca̦i tama. —Bä da moyaweicu, Yai Bada nija wamacö bufi walalao fe yadiobä. Täbä iyaö ca̦i lä co̦camou wei jamö bä bufi mö blucao dijä. Bä shi wa̦limamo dijä. Eja dodijidawä wamacö nia lä bälöo wei tä ja, bä bufi ca̦i cuaablalo dijä. ¿Ö̦jö tawä? “Fei däjä dao”, wamacö bufi cuu mlalanö wamacö lobe quiliblou dicoo mlaobä.

Efesios 5:15

Wamacö lä cuaaö wei tä ja bä da moyaweicu, ö̦jö lä, bä bufi jaducäwä lä mlai bä lä cuaaö weinaja wamacö cuaaö dicoo mlaobä. Bä bufi yai lä jaducäi bä lä cuaaö weinaja, inaja wamacö shi̦lo yai cuaabä.

Hebreos 12:15

Bä da moyaweicu, ö̦jö lä, cafä ai wamacö lä cui, Yai Bada tänö wamacö nofi ojodabobä wamacö waiquiwä ma cui, wamacö bufi mö yabablou co̦o mlaobä. Inaja ai wamacö cuaaö coyocoo dicoo ja, wamacö bluca yabäcamou cuquei. Cowamilimi cosinö möjödadilimi cocobä fuamaö lä culenaja, inaja wamacö cublou dicolo.

Santiago 5:19

Iba wamacö. Bejedi tä a̦ jamö wamacö ma cuo wei ma cui, shomi tä ja ai wamacö yacläö majöo dicoo ja, cafä wamacö ai a lä cuinö, Yai Bada nija a bufi mö nia yabablamaö co̦o.

2 Juan 1:8

Bä da moyaweicu, ö̦jö lä. Yai Bada lija wamacö lä ojodamou wei, ö̦jö lä bänö tä wa̦liaö nomöjöo mlaobeje. Wamacö nowa nia ojode lä co̦amamou wei tä bolacamiblou nomöjöo mlaobä.