Lucas 17:1 - Biblia Yanowamö

¹ Cama ebä lä nocamabono wei bä nija abinaja Jesús a cuma. —Täbä doblamaö mlaobä showadi tä nia lädio ma cui, täbä yai doblamaö lä mlajei bä lä cui, Yai Bada tänö bä nö nia bleaamaö fe balojoo.

Lucas 17:1 Iomraidhean Croise

Mateo 16:23

Ö̦jö ma cui, Jesús a mö fa jadublalunö, Pedro nija a wa̦ fama. —¡Sadanasi! ¡A da blajalö! —e cuma—. Wale yabäcaö dicoa lä cule. Yai Bada nija wa bufi taamamou fa mlacunö, yanowamö täbä bufi showadi lä cuu weinaja, wa bufi cuablalou malä dicole —e cuma.

Mateo 18:7

Abinaja Jesús a cuma. —Wa̦lidiwä tä jamö täbä yabäcamobä, showadi tä cublawä yalo, bita jamö bä yanowamö lä bälöblai bä nö bleaaö lä cudi. Tä cua ma cule, täbä yai lä yabäcaö wejei bä lä cui, täbä wa̦lidiblamaöje yalo, ö̦jö bä nö nia shino yai bleaaö dodijio.

Lucas 16:31

Abinaja Ablaamönö a nowa tama. “Moisesi tä a̦ ji̦liaö moji waiquiweje ja, Yai Bada a wa̦no wäyälewä bä a̦ ca̦i ji̦liaö moji waiquiweje ja, ai a demi jocädou ma co̦o wei ma cui, ö̦jö a wa̦ ma cui ja bä bufi nia jaducubloimi”, a cuma. ¿Ö̦jö tawä? —Jesús a cuma.

Romanos 14:13

Bämalecö nia yai lä jimaö wei tä cua waiquiadayoa ja lä, bämacö jimayou da mlado. Bämacö nia yai lä doblamayou wei tä ja, bämacö bufi yai da cadido. Camiyä bämacö lä cuaaö wei tänö, Jesucristo ai ebä mö feduwä lä cui bäma ebä yaclämaö dicoo mlaobä. Bäma ebä bufi ca̦i lä wedinajamomaö wei tänö bä dobloimi majöo mlaobä.

Romanos 16:17

Iba wamacö. Bämacö yömölaö. Jesucristo ebä lä shifilimomaö wejei bä lija bä da moyaweicu. Cama bä a̦nö bä wa̦lidiblamaö talajei. Jesucristo tä a̦ ja wamacö lä yömölamono wei tä a̦ taboimije. Shomi tä a̦ li lämabouje. Ö̦jö bä ajedemabo dijejä.

1 Corintios 10:32

Judio bä ma cui, judio bä lä mlai bä ma cui, bä bufi nö bleaama dijejä. Yai Bada ebä lä yododaö wei bä ma cui, inaja showawä.

1 Corintios 11:19

Showadi inaja täbä malä cuaaö wei. Ai täbä shominajaaö mlao fa cunoja, täbä lä bejedimou wei täbä nö bejedi dablamobö mlai.

1 Corintios 8:13

Ö̦jö cudeenö, abenaja camiyä ya bufi li cuu. “Ya lä iyaö wei tä bädawä ma cuinö, ö̦jö tänö aiyä ya bä bufi nia wa̦lidiamaö dicoo ja, yalo ya waö co̦daaö mlaicätä”, ya bufi cuu, ya bä bufi wa̦lidiamaö mlaobä.

1 Timoteo 4:1

Ö̦jö tä a̦ bejedi ma cui, Yai Bada tä Bufi a̦ cadidou. Abenaja a cuu. Tä nö fa dedelönö, yai bä lä jolemou wei ai bä a̦ fa ji̦liajenö, fecula bä a̦ ja täbä nia jo̦wa mölaö. Ö̦jö fecula bä a̦nö bejedi tä a̦ nia jo̦wa joyaöje.

Apocalipsis 2:14

’Ö̦jö ma cui, ö̦jö bä nija, bolacadabö tä nowa ca̦i cua —a cuma—. Balaama a wa̦ lä cadidibou wejei ai bä coyocomabou dicoaje. ¿Ö̦jö tawä? Isaeli nodiwä bä lä cui, ö̦jö a wa̦nö Balaconö bä yaclämalema. Nö idubö täbä ja bä nii lä dodobou wejei bä nii ja, bä nö liyamama. Bä nofi beshili ca̦i jushublalobä bä bufi taamama.

Apocalipsis 2:20

’Ö̦jö ma cui, ai etä nowa ca̦i cua —a cuma—. Jesabela a wa̦fa suwä lä cule, a wasöboimije. Yai Bada a wa̦no wäyälewä a wa̦fa suwä ma jilou wei ma cui, a jolemou. Tä a̦ lä wäyäö wei tä a̦nö, wale a̦ lä juaö wejei bä mölamaö. Bä nofi beshili jushublalobä, bä bufi taamaö. Nö idubö täbä lä bufiblamou wei täbä ja, bä nii fa dodobojenö, ö̦jö bä nii ja bä nö liyamaö dicoo.