Lucas 16:9 - Biblia Yanowamö

⁹ Ö̦jö däjä abinaja Jesús a cuma. —Inaja showawä, cafä bämacö nowa taö lä cule. Blada bä ma cui, madofi bä ma cui, ö̦jö wama bä noshi ö̦jödabou anö täbä da nofiamaje, fedu jamö wamacö bayeliblamodayobä. ¿Ö̦jö tawä? Wama bä bayeliblaö yalo, blada bä bufijamou lä mlai jamö, fedu jamö ba̦limi wama bä ca̦i bälöo nomöjöodayobä.

Lucas 16:9 Iomraidhean Croise

Mateo 19:21

Jesúsnö abinaja a nowa tama. —Dodijidawä wa yai cuobä, abinaja wa nia yai cuaaö. Wa täbä bluca lä tabole, blada bä ja wa täbä fa nomöjöacönö, ö̦jö lä bä blada ja, täbä nö jo̦lili lä bleaaö wei täbä da dobälalö. Inaja wa yai cuaaö ja, afä täbä nowa lä bluca wei wa täbä nia tabodayou. Ö̦jö däjä, camiyä nija a nocaa da showadaiquiyo —a nowa tama.

Mateo 6:19

’¿Ö̦jö tawä? —Jesús a cuma—. Bita jamö täbä madofi shimoma dijejä. Wama täbä ma shimomaö wei ma cui, wamacö camishibö nia wädömamou. Wamacö madofibö nia ca̦i amu ushiböaö. Yanowamö täbä lucäö fa ja̦toonö, täbä nia ca̦i tomöablaöje.

Mateo 6:24

Abinaja Jesús a cuu co̦oma. —A lä ojodamou wei a lä cuinö, moli a nosie nia shino juaö cadidio. Ai a wa̦ ma fale ma cui, bolacabö cäcöbö nosie nö juamamou doblobimi waiquiwä. Ai a nosie juaö mlai ja, ai a nosie nia shino yai juaö ayao. Ai a wa̦ shino juaö bufi doblao waiquiwä cudeenö, ai a wa̦ nia waii. Inaja showawä, madofi wama bä nofi yaibou dicoo ja, Yai Bada wama tä nofi nö yaibobimi waiquiwä, wama a nosie juabä —Jesús a cuma.

Lucas 11:41

Inaja wamacö cuaablalou mlai, abinaja wamacö yai cuaabä. Bä nö jo̦lili lä bleaaö wei wama bä nofi yai ojodabobä. Inaja wamacö yai cuaaö ja, “Ei bä au nö mlawä”, Yai Bada tänö wamacö nofi nia shino tabou.

Lucas 12:33

Wama täbä madofi lä tabole wama täbä fa nomöjöanö, blada bä da luluaje, bä nö lä bleaaö wei wama bä dobäbä. Inaja wamacö cuaalanö, ba̦limi tä ja afä täbä nowa yai lä bluca wei bä fa tablamodunö, eja wamacö cua ma showale ma cui bä nia shimomaö balöodayou. ¿Ö̦jö tawä? Fedu jamö wama täbä lä nowamöbou wei täbä nia mlaö majöomi. Täbä nia tomöaimije. Täbä ca̦i nia wädömamoimi.

Lucas 14:14

ö̦jö wa bä nacaö ja, wa nö nowa co̦amabimi waiquiweje cudeenö, Yai Bada tänö wa bufi nia yai doblamabou. Bä lä dodijaö wei bä demi jocädou lä co̦o wei däjä, ö̦jö däjä wa nowa nia shino yai co̦amamodayou —a cuma.

Lucas 16:11

¿Ö̦jö tawä? Blada bä bädawä ma cui ja, madofi bä bädawä ma cui ja, ö̦jö bä ja wamacö bejedimoimi ma waiquii ma cui, täbä nowa yai lä bluca wei täbä ja, ¿wamacö nia dobämou majöo daanö?

Lucas 16:13

Abinaja Jesús a cuu co̦oma. —A lä ojodamou wei a lä cuinö, moli a nosie nia shino juaö cadidio. Ai a wa̦ ma fale ma cui, bolacabö cäcöbö nosie nö juamamou doblobimi waiquiwä. Ai a nosie juaö mlai ja, ai a nosie nia shino yai juaö ayao. Ai a wa̦ shino juaö bufi doblao waiquiwä cudeenö, ai a wa̦ nia waii. Inaja showawä, madofi wama bä nofi yaibou dicoo ja, Yai Bada wama a nofi nö yaibobimi waiquiwä, wama a nosie juabä —Jesús a cuma.

Lucas 16:4

Ja̦o”, a bufi cudaliyoma. “Ya nia lä cuaaö wei tä ja, ya bufi cadidia waiquia. Bada anö wale yai joyaö däjä, ai bänö wale tabou nomöjöobeje ya bä nia nofiamaö”, a bufi cudaliyoma.

Hechos 10:31

Ö̦jamö a fa ubladalunö, a wa̦ fama. “Conelio”, a cuma. “Showadi Yai Bada nija wa nö bayeli lä nacao wei, tä a̦ ji̦limou culadi. Bä lä jo̦li wei wa bä showadi lä dobäö wei, ö̦jö tä ca̦i dablamodayou. Yai Bada tänö wa nofi jaducubou lä culadi.

Hechos 10:4

Yai Bada tä a̦jele nija a mamo quilili showalanö, a wa̦ juoma. —¿Wedi cätä, Bada tä? Abinaja a̦jele e cuma. —Showadi Yai Bada nija wa nö bayeli lä nacao wei tä a̦ ji̦limou culadi. Bä lä jo̦li wei, wa bä showadi lä dobäö wei, ö̦jö tä ca̦i dablamodayou. Yai Bada tänö cafä wa nofi jaducubou.

2 Corintios 4:17

Yamacö nö lä bleaaö wei tä lä cui, tä cudio shi wa̦liobä tä malä mlai. Doblao yamacö cuo shi wa̦liodayobä, inaja lä yamacö cuaaö balöa lä cule. ¿Ö̦jö tawä? Yamacö nia lä doblaodayou wei tä jamö yamacö bufi daeo däjä, yamacö bufi fejeleo dodijio.

Judas 1:21

¿Ö̦jö tawä? Yai Bada tänö wamacö lä nofimaö wei wama tä bufibolanö, bä shino dodijidawä da cuo. Bada tä Jesucristonö wamacö nofi ojodabou yalo, ba̦limi wamacö nia cuo. Ö̦jö tä ja bä nö yai da daicu.