Lucas 16:8 - Biblia Yanowamö

⁸ ’¿Ö̦jö tawä? —Jesús a cuma—. Bada madofi ebä nowamabä a lä läono wei a lä cui, cama a nia fa bayeliblamonö, a jolemoma. Ö̦jö ma cui, a lä cuaano wei bada enö etä a̦ fa ji̦lilänö, a bufi a̦fa moyawe tama. ¿Ö̦jö tawä? Bä bufi lä wacacai, inaja bä bufi cuu fe balojoo ma mlai ma cui, bita jamö täbä yanowamö lä bälöblai, cama bä bayeliblamobä bä malä moyawäablalou wei —a cuma.

Lucas 16:8 Iomraidhean Croise

Génesis 3:1

Abinaja tä cuoma. Jeobaa a lä bufiblamou wei a lä cuinö, yalo bä bluca tablalema, ulifi jamö bä yalo jubä. Ö̦jö bä bluca lä tablaleno wei bä nija, olu cäcö shino yai moyawäo fe balojooma. Suwä nija cäcö fa icuicunö, cäcö a̦ falayoma. —Ei täca jamö, defibä bluca lä ublajale täcö nii ja, ¿Yai Bada tänö wafäcö iyaö wasöma daanö? —cäcö cuma.

Éxodo 1:10

Wamale a̦ da ji̦lilä. Bämacö bufi daolanö, bäma bä da bälömabo. Bäma bä balamaö dicoo mlai ja. Tä ulifi wa̦lidiblou bädao ja, bä nö lä nabämou wei bä nija bä fa co̦cablalunö, bämalecö nabä quea bädaquemaje. Bämalecö nabä fa queicujenö, bä docublou showadao dicoo mlaobä. Bä ojodamobä bäma bä malä tabole —bä nowa tama.

Mateo 12:32

¿Ö̦jö tawä? Camiyä ya lä yanowamöblaleyoluno wei, wale nö ma waiblaö wejei ma cui, tä nowa nia mladou. Ö̦jö ma cui, Yai Bada a Bufi nö waiblaöje ja bä a̦ wa̦lidiwä lä faö wei bä lä cui, ö̦jö etä nia mladoimi waiquiwä. Fei däjä ma cui, obi ma cui, etä nowa nia shino cudio shi wa̦lii showao.

Mateo 17:26

—Shomi täbä nija —Pedro a fa cunö, abinaja Jesús e cuu nomöjöoma. —Bejedi lä wa wa̦. Cama ebä nija bä blada nacaimije.

Lucas 16:10

’¿Ö̦jö tawä? —a cuma—. Täbä nowa lä bolacami wei täbä ja a bejedimou waiquiwä ja, inaja showawä täbä nowa lä bluca wei täbä ma cui ja, a nia bejedimou cuo. Ö̦jö ma cui, täbä nowa lä bolacami wei täbä ja, a jolemou si ijejewä ja, inaja showawä täbä nowa lä bluca wei täbä ma cui ja, a nia jolemou cuo.

Lucas 16:4

Ja̦o”, a bufi cudaliyoma. “Ya nia lä cuaaö wei tä ja, ya bufi cadidia waiquia. Bada anö wale yai joyaö däjä, ai bänö wale tabou nomöjöobeje ya bä nia nofiamaö”, a bufi cudaliyoma.

Lucas 16:7

’¿Ö̦jö tawä? —Jesús a cuma—. Ö̦jö a faa fa co̦malönö, ai a nacaa nomöjömalema. Inaja showawä e cuma. “Iba bada anö cafä nija ¿wedinaja bei tä nowa tabou cule?”, e cuma. Ö̦jö abinaja e cuu mö feduoma. “Nii 100 ya ji̦bä talö lä däleno wei bä nowa tabou lä cule”, e cuma. A lä läono wei, abinaja e nowa tama. “Bei. Cafä nija tä nowa lä tabole ei tä a̦ li oni waiquiwä. Wa tä oni fa wa̦lialönö, ai wa tä nia oniaö nomöjöo. ¿Ö̦jö tawä? Nii 100 ji̦bä nowa tabou ma cule, 80 a taa da nomöjöcö”, a nowa tama.

Lucas 18:6

Ö̦jö däjä abinaja Bada tä Jesús a cuma. —Ö̦jö bada a doblou lä mlaono wei a lä cuno wei tä ja, bä bufi da jaducuicu.

Lucas 20:34

Abinaja Jesúsnö bä nowa tama. —Yanowamö täbä showadi doayou ma cui,

Lucas 20:35

Yai Bada tänö täbä demi jocädamaö co̦o däjä, täbä nia inaja cuaaimi. “Ei a ba̦limi cuobä a”, Yai Bada tänö täbä nofi lä tabou wei, täbä nia doayou co̦daaimi. Täbä nia ca̦i suwäbö jöböamou co̦daaimi.

Juan 12:36

Cafä wamacö nija ya shi̦i cua lä showale däjä, wamale a̦ bejedi da bufi, tä wacacaobä jamö wamacö lä cuo wei, wamacö yai cublobä —bä nowa tama. Einaja bä nowa fa talöfälönö, shomi jamö a cua showalayofälöma, a dablaö mlaobeje.

1 Corintios 3:18

Jole jole wamacö mölaö bädao mlai. Yanowamö täbä lija a bufi a̦fa jaducäwä tamou shi jalimo dijä. “Wa bufi nofi jaducäbloimi yai”, wa nowa taö fa cunoje ja, tä nö shi̦lo doblaobö wei. Ö̦jö däjä wa bufi shi̦lo yai moyawäblou dodijiobä.

Efesios 5:8

Wamacö bufi mö jaba dödöoma ma cui, fei däjä Bada wama ecö li yalo, tä lä wacacai jamö wamacö cua malä majöle. ¿Ö̦jö tawä? Tä mö lä wacacai jamö täbä dodijaö lä cuaalenaja bä shi̦lo yai da cuaa.

Filipenses 3:19

Yai Bada tänö bä nia waiyamaö. Tä tamaö lä bufii wei tä ja bä cadidou mlai, cama bä cuaaö bufi lä doblao wei tä ja, bä bufi shi̦lo macocoo dicoo. Bä lä cuaaö wei tä ja, “Shädayai”, bä bufi cubä tä ma cule, bä nofi dodijaö doo. Showadi täbä yanowamö bufi lä cuaaö weinaja, bä bufi ca̦i cuaaö dicoo.

1 Tesalonicenses 5:5

Mö jalu tä jamö, tä mö wacacaobä jamö, quilii mlai ja täbä lä cuaaö weinaja wamacö malä cui. Mö didi tä jamö, tä mö sublaobä jamö täbä lä cuaaö weinaja bämacö cuaabä bämacömi.

1 Pedro 2:9

Ö̦jö ma cui, cafä wamacö nofi taboyobä wamacö yaia. Bada tä nija bä ojodamobä bä nofi bäyäalewä yaia lä culenaja wamacö cuwä mö feduwä. Cafä wamacö bluca lä cui, wamacö yaibou. Shomi mlai ja, cama Yai Bada wama ecö waiquiwä, a showadi lä dodijaö wei wama tä dablamabä. Tä mö didiobä jamö wamacö jaba ma cuono wei ma cui, cama etä shi̦i yai lä wacacai jamö wamacö tabou majöobä wamacö nacaa taa nomöjölema.

1 Juan 3:10

¿Ö̦jö tawä? Yai Bada bei ijilubö ebä nö shino ö̦jöböamou si ijejewä. Fecula bada ebä nö ca̦i ö̦jöböamou mö feduo. Dodijidawä tä taö lä mlajei bä lä cui, Yai Bada ebämi. Bä ai ebä nofimaö lä mlajei bä lä cui, ö̦jö ebä ca̦i malä mlai.