Lucas 16:3 - Biblia Yanowamö

³ ’A lä läono wei a bufi dayäoma. “Shädayai”, a bufi cudaliyoma. “Bada anö fei däjä yale nia lämabou co̦daaimi. Iba blada ya bä däabä, ¿wedinaja ya li cuaaö nomöjöobä?”, a bufi cuma. “Ya lojodemi. Jude tä ja, ya nö ojodamobimi. Ya ca̦i nacodii buobä yami. Ya quilii.

Lucas 16:3 Iomraidhean Croise

Mateo 20:8

’Tä mö dödöjöblou däjä, abinaja bada e cuma, cama a lä lämabono wei a lä cui nija. “Bei. Bä lä ojodamole bä da nacadu, wa bä nowa co̦amabä. Jödödö ya bä lä shömölöi bä lä cui, ö̦jö bä nowa co̦amaö da balöo. Ö̦jö däjä, motoca a itou yajadodoafälöö däjä ya bä lä shömölöi bä lä cui, ö̦jö bä nowa co̦a da nomöjömacö. Inaja wa bä nowa co̦amaö fa cuaaimadunö, fena däjä ya bä shömöa lä bälölöi bä lä cui, ö̦jö bä nowa ca̦i co̦a da nomöjömacö”, e cuma.

Marcos 10:46

Jelico jamö Jesúsnö cama ebä lä nocamabono wei bä ca̦i jayuablalou cuaafälöbä jamö, ai täbä ca̦i bluca fa nocaicunö, bei yo casö jamö a jubäbö loo mö baoma. Dimeo bä ijilubö e cuoma, Badimeo a wa̦fa lä cule. Täbä lä jayuaö wei täbä nija a nofi nia ojode fa tablamonö, a showadi nacou läadima.

Lucas 12:17

abinaja a bufi cudaliyoma. “¿Wedinaja iba nii ya bä li taamabä? Ya bä nia lä shimomaö wei bä yafi cuami”, a bufi cudaliyoma.

Lucas 16:2

Ö̦jö cudeenö, bada anö a lä lämabono wei a nacamalema. Abinaja a nowa taö ja e cuma. “Bäfä wa̦no ji̦liaö dicoa lä cule. Madofi bä ja wale nö jo̦wa waiblaö. ¿Ö̦jö tawä? Iba wa täbä bluca lä julii wei ya tä a̦ oni möbä, sibä oni ca̦i da juima. Cafä bäfä nia lämabou co̦daaimi”, a bada cuma.

Lucas 16:20

’A nö jo̦lili lä bleaaö wei, a wa̦fa Lasalo cuo mö feduoma —a cuma—. A nö lä madofibö wei e yafi sibo jamö, showadi a bladaloma, täbä lä fablaaö wei jamö. Walacasi bänö a jödödöblalema yalo, a nö bleaama.

Lucas 16:22

’¿Ö̦jö tawä? —Jesús a cuma—. A nö jo̦lili lä bleaano wei a fa nomalönö, Ablaamö a cuodayobä jamö Yai Bada etäbä a̦jele lä cuinö a bäladayomaje. A nö lä madofiböono wei a ma cui, a bufi ca̦i mlaa mö feduquema. A nomawä didiquemaje.

Lucas 16:4

Ja̦o”, a bufi cudaliyoma. “Ya nia lä cuaaö wei tä ja, ya bufi cadidia waiquia. Bada anö wale yai joyaö däjä, ai bänö wale tabou nomöjöobeje ya bä nia nofiamaö”, a bufi cudaliyoma.

Lucas 18:4

A wa̦ ma fadii wei ma cui, a wa̦ ji̦liblaö jaöonomi. Ya̦cumö abinaja bada a bufi cudaliyoma. “Uo. Yai Bada ya nö quili taö ma mlai ma cui, yanowamö täbä nija ya ca̦i quilii ma mlai ma cui,

Juan 9:8

A lä jubäböono wei nija bä bälöo lä ajedeono wei bä lä cui, bä bufi wedinajamoma. A jubäbö nacou ja, imicö dodoablalou lä läaano wei a lä möno wejei bä lä cui, inaja showawä bä bufi wedinajamou ca̦i cuo mö feduoma. Abinaja bä cuma. —Quijamö a lolanö, imicö dodoablalou da läodiblei, ¡fei a nofi lä cui! —bä cuma.

Hechos 3:2

Ö̦jamö, bä lä fablaaö wei jamö, a wa̦lo juno lä mlai a bälaquemaje, Dodijidawä yoca a̦fa lä jilabou wejei jamö. Ö̦jö yoca lä jolale jamö, bä lä faö wei bä nija a nofi ojode tablamobä, showadi a lomabodimaje, a nacobä. A oshe lä cublono wei däjä, a wa̦lidio fa showadaonö a li wa̦lidioma.

Hechos 9:6

Abinaja wa yai cuaabä. Wa fa jocädalunö, Damaco shabono jamö a da yafilö. Wa nia yai lä cuaaö wei tä ja, ö̦jamö lä wa nia yömölamou nomöjöo —a cuma.

2 Tesalonicenses 3:11

Bämacö a̦fa dobloimi ji̦liaö waiquiwä. Ai wamacö jo̦wa mojimou fa dicoonö, wamacö jo̦wa mojodili loaadalou bädao. Ai wamacö lä cui, wamacö a̦ fabä tä ma mlai ma cui, wamacö a̦ jo̦wa faö si ijejewä dicowä.