Lucas 16:16 - Biblia Yanowamö

¹⁶ Abinaja Jesús a cuu co̦oma. —Fe ojomalewä Juan a wawäö showao mlao däjä, Moisesi tä a̦ ma cui, Yai Bada a wa̦no wäyälewä bä a̦ ma cui, judio bämacö nija ö̦jö bä a̦ wäyämamou balöoma. Fei däjä, Yai Bada tänö cama ebä ca̦i nia lä cuo wei tä a̦ wäyämou nomöjöa lä cule. Juan a wawäblou däjä tä a̦ jaba fa wäyänö, ö̦jö yama tä a̦ dodijidawä wäyäö lä showale. Yai Bada ebä cublobä, fei däjä bluca bä wabäo fe yadia.

Lucas 16:16 Iomraidhean Croise

Mateo 10:7

Wamacö juu cuaalanö, täbä yömölaö da cuaafälöje. “Yai Bada tänö cama ebä ca̦i nia lä cuo wei, etä ajedou waiquia lä cuimi”, wama bä nowa taö cuaabä.

Mateo 15:11

Täbä lä waö wejei täbänö, täbä bufi shamiblou daomi. ¿Ö̦jö tawä? Täbä lä cublai täbänö mlai, bei täbä caficö jamö tä a̦ wa̦lidiwä lä wawäblou wei tänö, ö̦jö tänö täbä bufi yai shamiblamou —bä nowa tama.

Mateo 21:32

’Dodijidawä wamacö cuobä, fe ojomalewä Juan a lä cuinö wamacö yömölayoluma ma cui, wama a wa̦ bejedi bufiblanomi. Lomateli bada bä befi bä blada lä doaö wejei bänö, a wa̦ bejedi shino yai bufia ayalemaje, bä suwä lä dodoo wei bä ca̦inö. Ö̦jö lä bänö a wa̦ bejedi lä bufileno wejei, wama tä ma dalaleno wei ma cui, wamacö bufi läblonomi showawä, wama a wa̦ bejedi yai bufibobä —bä nowa tama.

Mateo 3:2

—Wa̦lidiwä tä ja, ¡bä bufi da lädalu! Yai Bada tänö cama ebä ca̦i nia lä cuo wei tä ajedou waiquia lä cuimi —bä nowa tama.

Mateo 4:17

Ö̦jö lä däjä, Jesúsnö täbä jaba yömölaö cuaaö ja, abinaja bä nowa tama. —¡Fei däjä waiquiwä! ¡Wa̦lidiwä tä ja, bä bufi da lädalu! Yai Bada tänö cama ebä ca̦i nia lä cuo wei tä ajedou waiquia lä cuimi—bä nowa tama.

Mateo 4:23

Calilea jamö Jesús a juu cuaalanö, judio bä yododabä yafi bä jamö, täbä yömölaö cuaama. Yai Badanö cama ebä ca̦i nia lä cuo wei tä a̦ dodijidawä wäyäö cuaafälöma. Bluca tä wayu shomitawänö täbä lä jaliliono wei, täbä bluca jalomaö cuaama. Täbä lä wa̦lidiono wei bä ca̦i.

Marcos 1:14

Bei. Bada bänö Juan a juwäa waiquimaleno wejei ja, Calilea jamö Jesús a cua co̦layoma. Yai Bada dodijidawä tä a̦ ja, bä yömölaö cuaaimalanö, a waloa co̦quema.

Marcos 1:45

Ö̦jö ma cui, bluca täbä nijamö Jesús a wa̦fa wäyäö fa showadaonö, tä a̦ yai balamaö cuaama. Inaja a cuaama yalo, bä lä lulono wei bänö Jesús a doblamanomije. Täbä shabonobö jamö, wawädowä a juu doblonomi majöwä. Ulifi jamö a shino yai cua fa majöalunö, ö̦jamö lä jödödöwä bä lä bälöblai ebä waloblaaö majöoyoluma.

Lucas 10:11

“Afä shabono jamö bä libu libu lä jilai, bei yamacö mamicö jamö bä lä jeicufe, yama bä yaösöblaö lä cule, bämacö dobloimi jömabä. Ö̦jö ma cui, wamalecö a̦ da ji̦lilä. Yai Bada tänö cama ebä ca̦i nia lä cuo wei, tä ajedou waiquia lä cule”, wamacö nia cuu. Einaja wama bä nowa taö fe yadiobä.

Lucas 10:9

Ö̦jamö bä lä jalili wei bä da jalomaje. Abinaja bä nowa da taje. “Yai Bada tänö cama ebä nia ca̦i lä cuo wei, cafä wamacö nija tä ajedou waiquia”, wama bä nowa tabä.

Lucas 16:29

Ö̦jö ma cui, abinaja Ablaamönö a nowa tama. “Ma. Moisesi tä a̦ tabouje. Yai Bada a wa̦no wäyälewä bä a̦ bluca ca̦i tabou mö feduaje. Ö̦jö bä a̦ yai ji̦liabeje”, a nowa tama.

Lucas 16:31

Abinaja Ablaamönö a nowa tama. “Moisesi tä a̦ ji̦liaö moji waiquiweje ja, Yai Bada a wa̦no wäyälewä bä a̦ ca̦i ji̦liaö moji waiquiweje ja, ai a demi jocädou ma co̦o wei ma cui, ö̦jö a wa̦ ma cui ja bä bufi nia jaducubloimi”, a cuma. ¿Ö̦jö tawä? —Jesús a cuma.

Lucas 9:2

Ö̦jö däjä, Yai Bada tänö cama ebä ca̦i lä cuo wei tä a̦ wäyäö cuaabeje bä shömölema, bä lä jalili wei bä ca̦i jalomaö cuaaö showadaobeje.

Juan 1:45

Felipe a lä cuino, Nataniel a fa dayäblalönö, abinaja e cuma. —Moisesi etä a̦ oni jamö a wa̦fa wäyämou lä balöono wei, yama a dalalei culoi. Yai Bada a wa̦no wäyälewä bä ma cuinö, a wa̦fa ca̦i onibomaje. Nasaleteli Jesús, ö̦jö a waiquiwä, José bä ijilubö e lä cui —e cuma.

Juan 11:48

Bäma a ja̦amaimi ja, jödödöwä bänö a wa̦ bejedi nia bufiije. “Ei a waiquiwä”, bä fa cunö, bä shi nia dou. Ö̦jö däjä, Lomateli bänö bämalecö nabä nia waloyoluuje. Yai Bada etä yafi nia wa̦liaöje. Judio bämalecö mö nia ca̦i watäblaöje —bä nowa tayoma.

Juan 12:19

Ö̦jö däjä, abinaja faliseo bä nowa tayoma. —Tä da möblaaje. Bäma a nö ja̦amabimi waiquiwä. Bluca bä lä bälöblai bänö, a bufii waiquiweje —bä nowa tayoma.

Juan 5:4

¿Ö̦jö tawä? Yai Bada etä a̦jele fa itoblaayonö, u qui̦yaamaö ja, a jalili itoo lä balöo wei a lä cui, bä jaloobloma.

Hechos 3:18

Ö̦jö ma cui, yedu jamö Yai Bada a wa̦no wäyälewä bä a̦ fa cadidonö, tä a̦ wäyäö balöomaje. A shömabä a lä yaileno wei e lä cui, ö̦jö a nö nia lä bleaano wei, tä a̦ ca̦i wäablalaö showaomaje. ¿Ö̦jö tawä? Fei däjä tä a̦ bejedi wawäblaliyoma. Wamacö cuaaö lä dicoono wei tä ja, Yai Bada tänö tä a̦ bejedi wawäblamalema.