Lucas 16:11 - Biblia Yanowamö

¹¹ ¿Ö̦jö tawä? Blada bä bädawä ma cui ja, madofi bä bädawä ma cui ja, ö̦jö bä ja wamacö bejedimoimi ma waiquii ma cui, täbä nowa yai lä bluca wei täbä ja, ¿wamacö nia dobämou majöo daanö?

Lucas 16:11 Iomraidhean Croise

Mateo 6:24

Abinaja Jesús a cuu co̦oma. —A lä ojodamou wei a lä cuinö, moli a nosie nia shino juaö cadidio. Ai a wa̦ ma fale ma cui, bolacabö cäcöbö nosie nö juamamou doblobimi waiquiwä. Ai a nosie juaö mlai ja, ai a nosie nia shino yai juaö ayao. Ai a wa̦ shino juaö bufi doblao waiquiwä cudeenö, ai a wa̦ nia waii. Inaja showawä, madofi wama bä nofi yaibou dicoo ja, Yai Bada wama tä nofi nö yaibobimi waiquiwä, wama a nosie juabä —Jesús a cuma.

Lucas 12:33

Wama täbä madofi lä tabole wama täbä fa nomöjöanö, blada bä da luluaje, bä nö lä bleaaö wei wama bä dobäbä. Inaja wamacö cuaalanö, ba̦limi tä ja afä täbä nowa yai lä bluca wei bä fa tablamodunö, eja wamacö cua ma showale ma cui bä nia shimomaö balöodayou. ¿Ö̦jö tawä? Fedu jamö wama täbä lä nowamöbou wei täbä nia mlaö majöomi. Täbä nia tomöaimije. Täbä ca̦i nia wädömamoimi.

Lucas 16:12

Shomi etäbä ja wamacö bejedimoimi ma waiquii ma cui, afä wa täbä tabou cadidiobä, ¿täbä nia jöböaö majöoje daanö? —a cuma.

Lucas 16:9

Ö̦jö däjä abinaja Jesús a cuma. —Inaja showawä, cafä bämacö nowa taö lä cule. Blada bä ma cui, madofi bä ma cui, ö̦jö wama bä noshi ö̦jödabou anö täbä da nofiamaje, fedu jamö wamacö bayeliblamodayobä. ¿Ö̦jö tawä? Wama bä bayeliblaö yalo, blada bä bufijamou lä mlai jamö, fedu jamö ba̦limi wama bä ca̦i bälöo nomöjöodayobä.

Lucas 18:22

Jesúsnö a wa̦ fa ji̦lianö, abinaja a nowa tama. —Ei moli wa tä yai taö fa cunoja, wa nö dodijaö cuquebö wei. Wa bä bluca lä tabole, blada bä ja wa bä fa nomöjöacönö, ö̦jö lä bä blada ja, täbä nö jo̦lili lä bleaaö wei täbä da dobälalö. Inaja wa yai cuaaö ja, afä täbä nowa lä bluca wei wa täbä nia tabodayou. Ö̦jö däjä, camiyä nija a nocaa da showadaiquiyo —a nowa tama.

Efesios 3:8

Cama ai ebä shi̦lo dodijaö ma ayaono wei ma cui, camiyä wale nofi fa ojodadalönö wale shimöa fe yadilema. Cristo lija täbä yai bayeliblamou fe lä balojoo wei, judio wamacö lä mlai wamacö lija ya tä a̦ wäyäbä.

Santiago 2:5

Bämacö lä nofimaö wei wamacö. Wamale a̦ da ji̦lilä. Yanowamö täbä jo̦li lä bälöblai, Yai Bada tänö ö̦jö bä yaia cadidilema, tä nowa yai lä bluca wei tä tabobeje. Cama a nofi nia mölabou lä cadidio wejei, ö̦jö tä nowa shino yai bluca. Cama nija bä nia lä cuo wei tä ca̦i. ¿Ö̦jö tawä? A lä nofimaö wejei bä lä cui, ö̦jö bä nia ca̦i bälöo lä dodijio wei tä a̦fa malä wäqueno wei.

Apocalipsis 3:18

Ö̦jö cudeenö ya bä yömölaö, camiyä nija bä yai bayeliblamobä. Camiyä nija olo bä lulabeje ya wa̦, tä wa̦lidiwä coyocoa lä mlai. Camiyä nija jai olo bä yai lä dodijidai bä fa lulualalöjenö, bä yai bayeliblamobä. Camiyä nija bä camishi lä au wei bä ca̦i fa lulualalöjenö bä didiobä, bä shinoco nö dablamou quilijio mlaobä. Bä mamocu fä̦lömamobä, camiyä nija toubä ca̦i fa lulualalöjenö bä mamocu fä̦lömamobä, täbä möö liyäjäblou co̦obeje.