Lucas 15:6 - Biblia Yanowamö

⁶ Wa ca̦i co̦a fa co̦bonö, afä nofi bä ma cui, afä wa bä bälöa lä ajedemabole bä ma cui, wa bä bluca fa nacaalalönö, abinaja wa bä nowa nia taö. “Bämacö bufi doblalolanö bämacö da co̦camo. Iba yalo a ma mojolulayono wei ma cui, ¡ya co̦a co̦lei lä cufe!”, wa bä nowa nia taö.

Lucas 15:6 Iomraidhean Croise

Lucas 1:58

Cama nija bä bälöo lä ajedeono wei bä ma cuinö, cama ebä mashi ma cuinö, tä a̦ ji̦lilemaje. Bada tänö a nofi ojodabou fe lä balojoono wei tä a̦ fa ji̦liläjenö, cama bä bufi ca̦i doblalou mö feduoma.

Lucas 15:10

’¿Ö̦jö tawä? —a cuma—. Cafä bämacö nowa taö lä cule. Inaja showawä, Yai Bada a̦jele etäbä lä culadi bä nijamö, wa̦lidiwä talewä moli a bufi mö yabablou lä co̦o wei a lä cui nija, bä bufi nia shino yai doblalodayou —a cuma.

Lucas 15:24

Ei ijiluyä ya nomöa ma däblalano wei ma cui, eja a demi cua co̦a lä cule. A ma mojolulayono wei ma cui, a ya̦cumö dablamou co̦a lä cule”, bä fö̦ö e cuma. A fa cunö, bä bufi doblalou ca̦i cuaaö showadaoma.

Lucas 15:5

’¿Ö̦jö tawä? —a cuma—. Wa daa fa co̦lalönö, bufi doblalolanö wa nia lucäbou co̦imaö.

Lucas 15:7

’¿Ö̦jö tawä? —a cuma—. Cafä bämacö nowa taö lä cule. Inaja showawä, wa̦lidiwä talewä a lä cui, Yai Bada nija a bufi mö yabablou lä co̦le däjä, fedu jamö bä bufi nia ca̦i doblalodayou. Bä 99 la dodijaö wei, bä bufi mö yabajadou co̦obä bä lä mlai, ö̦jö bä nija bä bufi ca̦i ma doblalou wei ma cui, wa̦lidiwä talewä moli a bufi mö yabablou lä co̦o wei a lä cui, ö̦jö nija bä bufi nia shino yai doblalodayou.

Juan 15:14

Ya tä taamaö lä bufii wei wama tä taö ja, iba nofi lä wamacö.

Juan 3:29

’¿Ö̦jö tawä? —Juan a cuma—. Wa̦lonö suwä a däaö ja, cama e li suwä. Ö̦jö a wa̦ ja, cama e nofi lä cui, e bufi nia doblalou mö feduo. Inaja showawä, ö̦jö a nö Bada ö̦jöböaöje ja, fei däjä ya bufi shino yai doblalou.

Hechos 11:23

Ö̦jamö a fa co̦blalunö, Yai Bada tänö bä lä bayeliblaleno wei tä fa dalalönö, a bufi doblaloma. Ö̦jö däjä, abinaja bä nowa tama. —Bada tä nija showadi wamacö bufi bejedimou fe yadiobä, bä bufi yai da shaliliicu —Benabeinö bä nowa tama.

Hechos 15:3

Ö̦jö cudeenö, Jesucristo ebä lä yododaö wei bä lä cuinö, ö̦jö bä fa shömölöjenö, bä aa showalayofälöma. Fenisia jamö ma cui, Samalia jamö ma cui, bä bluca yömölaö jayuaö cuaafälömaje. Judio bä lä mlai bä Jesucristo bufilewä ca̦i cublou mö lä fedulayono wei, tä a̦ wäyäö fa cuaaimadujenö, Jesucristo ebä bufi bluca doblaloma.

Filipenses 1:4

Yai Bada lija bämacö bluca lä bayelimaö wei däjä, ya bufi doblalolanö showadi ya wa̦ shi̦lo faö.

Filipenses 2:17

Wale ma shäöje däjä ma cui, bämacö bufi bluca doblao fe yadiobä tä cua. Jesucristo wama a nofi mölabou yalo, wama a wa̦ malä fuaaö wei. Yai Bada lija yalo bä lä dodobou wejeinaja, cafä wamacö ma cui wamacö dodoa cua malä waiquile. Inaja wamacö cuaaö bufi doblao ja, camiyä ya bufi ca̦i doblao mö feduo. Jai bei toubä liyäyamou feyacao lä culenaja, camiyä bei ya i̦yäbö liyäyamou ma cublou däjä ma cui ja, ya bufi nia doblalou fe yadio.

Filipenses 4:1

Iba bämacö lä nofimaö wei wamacö. Bämacö bufibou. Ya bufi doblalobä cafä bei wamacö. Yai Bada lija wamacö lä dodijaö wei tänö, jai ya nowa co̦amamou ya tä nofi tabou waiquiwä. Bämacö lä nofimaö wei wamacö. Ei ya tä a̦ bluca lä onicöfe wama tä a̦ fa cadidibonö, Bada a nofi mölabou fe da yadioje.

1 Tesalonicenses 2:19

¿Ö̦jö tawä? Bada tä Jesús a itou co̦oyoluu däjä, bämacö bufi doblalou ca̦i icuobä, cafä wamacö lija yamacö malä mölaö wei. Yamacö bufi ca̦i doblalobä, cafä bei wamacö. Yai Bada lija cafä wamacö bufi cuquema yalo, camiyä yamacö ma cui, yamacö nofi nia doablamou mö feduo malä cui.

1 Pedro 2:10

Jaba däjä wamacö nofi tabono ma mlai ma cui, fei däjä Yai Bada tänö wamacö nofi yai tabou majöa lä cule. Wamacö nofi jaba ojodabono ma mlai ma cui, fei däjä wamacö nofi yai ojodabou majöa.

1 Pedro 2:25

Oweja bä mojodi li mojoluu lä cuaaö weinaja, inaja showawä wamacö mojoluu cuaaö ma balöono wei ma cui, fei däjä wamacö malä co̦alaleno wei. Wamacö lä nowamaö wei a lä cui nija wamacö yai luluamobä, wamacö co̦molayoma.