Lucas 15:2 - Biblia Yanowamö

² Ö̦jö cudeenö faliseo bä bada ma cui, Moisesi tä a̦ ja täbä lä damaö wejei bä ma cui, bä bufi jushujolanö abinaja bä cuma. —Ei a lä cui, wa̦lidiwä talewä bä nija a nofimodii. Bä ca̦i iyaö talei —bä cuma.

Lucas 15:2 Iomraidhean Croise

Mateo 11:19

¿Ö̦jö tawä? Juan a lä cuaano weinaja, ya cuaaö ma mlai ma cui, inaja showawä camiyä ya lä yanowamöblaleyoluno wei ya lä cui, wamale a̦ ca̦i ji̦liblaimi cuwä mö feduwä. Camiyä ya fa waloiquiyonö, ya ca̦i waiyo mlai ja ya iyaö showawä. Bei ya toubä ca̦i coaö. Ö̦jö ma cui, wamale a̦fa ca̦i wayoaö mö feduwä showawä. “Showadi a iyadii”, wamacö cuu. “A shi wa̦lii bufi fa doblaonö, toubä coadii”, wamacö cuu. “Lomateli bada bä befi, bä blada lä doaö wejei bä ma cui, wa̦lidiwä talewä ai bä ma cui, bä shino nofimadii”, wamacö cuu. ¿Ö̦jö tawä? Inaja wamacö ma cuu däjä ma cui, Yai Bada a wa̦ moyawe. Ö̦jö a wa̦ lä cadidibou wejei bä bluca lä cuinö a bejedi dablamaöje—Jesús a cuma.

Mateo 9:11

Faliseo bä bada lä cuinö, Jesús nija ö̦jö bä ca̦i iyaö fa dalalöjenö bä jushuoma. Ö̦jö däjä, Jesúsnö bä lä nocamabono wei bä nija abinaja bä cuma. —Cafä wamacö nija tä a̦ lä wäyäö wei a lä cui, ¿wedi tabä inaja a li cuaaö dicoo? Lomateli bada bä befi bä blada lä doaö wejei bä ma cui, wa̦lidiwä talewä ai bä ma cui, ¿wedi tabä ö̦jö bä ca̦i li iyaö dicoo? —bä nowa tamaje.

Lucas 15:3

Ö̦jö cudeenö, bä bufi dayäamabä Jesúsnö ei tä a̦ wäyäö yacläo showadaoma.

Lucas 19:7

¿Ö̦jö tawä? Saqueo nija Jesús a co̦blou fa dalalöjenö, ai bä bufi bluca jushujudaliyoma. —Wa̦lidiwä talewä nijamö a nofi fama lä waloicufe —bä nowa tayoma.

Lucas 5:30

Ö̦jö tä fa dalalöjenö, faliseo bä bufi bada jushujuoma. Cama ebä lä nocamabono wejei bä ma cui, Moisesi tä a̦ ja täbä lä damaö wejei, ö̦jö bä bufi ca̦i jushujuo mö feduoma. Jesúsnö bä lä nocamabono wei bä lä cui, abinaja bä nowa tamaje. —¿Wedi tabä inaja wamacö li cuaaö dicoo? Lomateli bada bä befi bä blada lä doaö wejei bä ma cui, wa̦lidiwä talewä ai bä ma cui, ¿wedi tabä ö̦jö wama bä ca̦i li iyaö dicoo? —bä nowa tamaje.

Lucas 7:34

¿Ö̦jö tawä? Juan a lä cuaano weinaja ya cuaaö ma mlai ma cui, inaja showawä camiyä ya lä yanowamöblaleyoluno wei ya lä cui, wamale a̦ ca̦i ji̦liblaimi cuwä mö feduwä. Camiyä ya fa waloiquiyonö, ya ca̦i waiyo mlai ja ya iyaö showawä. Bei ya toubä ca̦i coaö. Ö̦jö ma cui, wamale a̦fa ca̦i wayoaö mö feduwä showawä. “Showadi a iyadii”, wamacö cuu. “A shi wa̦lii bufi fa doblaonö, toubä coadii”, wamacö cuu. “Lomateli bada bä befi bä blada lä doaö wejei bä ma cui, wa̦lidiwä talewä ai bä ma cui, ö̦jö bä shino nofimadii”, wamacö cuu. ¿Ö̦jö tawä?

Lucas 7:39

¿Ö̦jö tawä? Jesús a lä nacano wei a faliseo lä cuinö, ö̦jö tä fa dalalönö, abinaja a bufi bada cudaliyoma. “Yai Bada a wa̦no wäyälewä ei a yai cuo fa cunoja, a lä jubamole a doblou lä mlai etä nö ö̦jöböabö wei. Fei suwä a doblou lä mlai, etä nofi daimi dodijiwä yai”, a bufi cudaliyoma.

Hechos 11:3

Abinaja a nowa tamaje. —¿Wedi tä tabä judio bä lä mlai bä nija wa fa falönö, wa iyaö ca̦i li co̦cao dicooma?

Gálatas 2:12

Abenaja tä cuoma. Judio bä lä mlai bä Jesucristo bufilewä iyabä jamö, Pedro dodijidawä a nö jaba liyoma. Ö̦jö Adioquiateli bä lä cui, judio bä cuono ma mlai ma cui bä nofi shamibonomi. Dodijidawä bä ca̦i iyama. Ö̦jö ma cui Santiagonö judio bä lä shimöleno wei bä lä cui, bä co̦blou fa dalalönö, a wa̦fa tamou quililayoma. Ö̦jö bä lä cuinö täbä mosi sicö joyamou lä mlai täbä nofi shamibouje yalo, Pedro a quilia fa majölalunö, a jole waiblalou majöoma.

1 Timoteo 1:15

Ei tä a̦ bejedi, tä a̦ nofi mölabobeje cä tä a̦. Wa̦lidiwä talewä täbä bayeliblabä, Jesucristo a yanowamöblaleyoluma. Wa̦lidiwä talewä bluca bä cua ma cule, camiyä ya nofi shi̦lo yai jushuaö dodijioma.