Lucas 14:1 - Biblia Yanowamö

¹ Täbä yanöcöobä ai sábado tä mö jalu däjä, faliseo bada a lä cuinö Jesús a nacalema, a nö liyamabä. Yafi jamö a fa waloicunö, a dobloimi jömaö bufi fa doblaojenö a mödimaje.

Lucas 14:1 Iomraidhean Croise

Mateo 12:12

Oweja bä nowa ma cua wei ma cui, yanowamö täbä nowa shino yai bluca dodijiwä. Täbä yanöcöobä tä mö jalu jamö bämacö dodijaö mlaobä, tä a̦ läami.

Marcos 3:2

Täbä nia lä yanöcöono wei tä mö jalu sábado cuoma cudeenö, Jesús nijamö bä mamo bluca showajaoma. Imicö lä cofeono wei a jalomaö fe yadio ja, a wa̦fa nia dobloimi wäyämaje.

Lucas 11:37

Jesús a wa̦ waicou däjä, faliseo a badanö a nacalema, cama nija a nö liyobä. Ö̦jö cudeenö, ö̦jamö lä a fa junö, bä iyaö ca̦i loobä jamö a cuquema.

Lucas 14:2

Bei. Jesús a mötalebö ja, jalili a looma. Bei bococu shuwäoma, bei matacö ca̦i.

Lucas 17:20

Faliseo bä bada lä cuinö, Jesús a wa̦limaje. —Yai Bada tänö cama ebä nia ca̦i lä cuo wei tä lä cui, ¿wedi däjä tä nia yai wawäblou? —bä cuma. Abinaja Jesús a cuma. —Wamacö mamo ma showadio wei ma cui, “¡Fei däjä Yai Bada tänö cama ebä nia ca̦i cuo!” wamacö cubä tä nia dablamoimi.

Lucas 20:20

Bä jushuo waiquioma cudeenö, Jesús nija showadi bä mamo showadioma. Jai dodijidawä a nia fa wa̦liijenö cama ai ebä shömöa ja̦tolemaje. Jole jole bä nofimolanö a wa̦ nia fa ji̦liajenö, Lomateli bada a yai lä cui nija a wa̦no nia wäyäö majöomaje, ö̦jönö a yai juwäamabä.

Lucas 6:7

Täbä nia lä yanöcöono wei tä mö jalu cuoma cudeenö, Moisesi tä a̦ ja bä lä damaö wejei bä ma cui, faliseo bä ca̦i bada ma cui, Jesús nija ö̦jö bä mamo bluca showajaoma. Imicö lä cofeono wei a jalomaö fe yadio ja, a wa̦fa nia dobloimi wäyämaje.

Juan 3:1

Faliseo ai a wa̦fa Nicodemo lä cuono wei, judio bada a cuoma.

Hechos 5:34

Ö̦jö ma cui, bä lä yododano wei bä nijamö, ai a faliseo lä cui a bada ubladaliyoma. Camalieli a wa̦fa cuoma. Moisesi tä a̦ ja täbä lä damaö wei ö̦jö a bada cuoma. Judio bä blucanö a nofi tabomaje. Ö̦jö a fa ubladalunö, Jesucristonö bä lä shömöleno wei bä lä cui, bä sibomaö balöo bufima, cama bada bä a̦ wayou juo balöobä.