Lucas 13:34 - Biblia Yanowamö

³⁴ Jesús a wa̦ blajawä faö ja, abinaja Jelusaleteli bä nowa tama. —¡Shädayai, Jelusaleteli wamacö! Yai Bada a wa̦no wäyälewä wama bä lä shäö wei wamacö. Cafä wamacö nija Yai Bada tänö bä lä shömaö wei, maa mabänö wama bä lä shäyäö wei wamacö. Cadala bänö bä ijilubö ebä fe yojobou lä cuaaö wejeinaja, inaja showawä cafä showadi bämacö tabou bufi ma doblaono wei ma cui, camiyä nija wamacö nowamamou bufionomi dicowä.

Lucas 13:34 Iomraidhean Croise

Oseas 11:2

Ö̦jö ma cui wale a̦ nö bleaamafälömaje. Camiyä lija bä ajedobä, ya bä nacaö fe lä blacäjou weinaja, inaja showawä cama bä fe blacäjou cuaaö mö feduo dicooma. Bä wasömamou mlai ja, täbä jole lä bufiblamou wei täbä lija bä yalo dodobodimaje. Täbä nö ijidubö lä bufiblaö wejei bä ja, täbä wa̦queshi nö li̦yoli u̦cucamamaje.

Mateo 22:3

A nofi co̦camoamaö showadaobä, a nosie lä juaö wejei bä fa shömölönö, bä yömölaa lä balöqueno wei bä nacaamaö bufima. Ö̦jö ma cui, bä junomi dicowä.

Mateo 22:6

Ai bä mö feduwä lä cuinö, bada a nosie juamobä ebä li juwäa dicoalalemaje. Bä nö fa waiblalöjenö, bä shäalalemaje.

Lucas 15:28

Ö̦jö ma cui, bä ijilubö bada e lä cui, a jushudou fa dicolonö a yafinomi. ’¿Ö̦jö tawä? —Jesús a cuma—. Bä fö̦ö enö a famaö fe yadiobä a sibolayoma ma cui,

Lucas 19:44

Cafä wamacö yafibö nabä fa quebojenö, wamacö lä bälöle wamacö mö nia watäblaöje. Wamacö yafibö wa̦lia fa jödödöblalöjenö, ai ma jamö ma nia maqueo feibloimi. Yai Bada tänö wamacö bayeliblabä ya ma waloqueyoluno wei ma cui, wamale nö ö̦jöböaö fa mlacunö wamacö nö nia bleaaö —a Jesús cuma.

Lucas 23:28

Ö̦jö bä nija Jesús a mö fa yaiblalunö, abinaja bä nowa tama. —Jelusaleteliyoma wamacö. Wamale nomöa bo dijä. Cafä bä nomöa yai da yuamo. Ijilufä bä nomöa ca̦i yai da boje.

Hechos 7:52

Yai Bada a wa̦no wäyälewä bä lä cui, ¿bä nö bluca bleaamanomi sijewä? Yai Bada a wa̦ juamobä a lä yaileno wei a ma cui, ö̦jö a wa̦fa juu wäyäö lä balöono wejei bä bluca ca̦i shäa balöalalemaje. Ö̦jö a wa̦fa juu lä wäyäno wejei a lä cui, cafä wamacö lä nodiblaliyono wei wamacö ma cuinö, fei däjä wama a fa nomojolilänö wama a shämalema.

Hechos 7:59

Maa mabänö, inaja a ma taamaöje däjä ma cui, a wa̦ Esteban faö fe fa yadionö, Jesucristo nija a nö bayeli nacaoma. —¡Bada tä! ¡Jesús! —a cudaliyoma—. Wale bufi da co̦lö.

Hechos 8:1

Esteban a shäbeje jamö, ö̦jö a fiya Saulo lä cuono wei, a wa̦ ca̦i yädäoma. Ö̦jö tä mö jalu showawä ja, Jelusale jamö Jesucristo ebä lä yododaö wei bä nö bluca bleaamabeje, bä nabä quea showadaquemaje. Bä nö bleaamaö dodijiomaje yalo, Judea jamö ma cui, Samalia jamö ma cui, Jesucristo ebä bluca sheleleomobodayoma. Jesucristonö bä lä shömöleno wei bä shino waiquio juoma.

Apocalipsis 11:8

“Ei bä shino yai lojode”, bä nofi lä tabolajei bä shabonobö jamö, ö̦jamö cäcöbö nia nomawä blaaö. Fii balitama defi jamö cama Bada e lä shäleno wejei jamö showawä. Sodoma ö̦jö a wa̦fa shabono yädämabou ja̦loaöje, Ejido a wa̦fa ca̦i.