Lucas 13:2 - Biblia Yanowamö

² Abinaja Jesúsnö bä nowa tama. —Ö̦jö bä Calileateli shämou nö lä quiliano wei bä lä cui, ¿wedinaja wama bä nofi li tabou? “Calileateli ai bä dobloimi fe balojoo mlai, ö̦jö bä yai doblou fa mlacunö, Yai Bada tänö inaja bä li tablalema”, ¿wama bä nofi tabou tawä?

Lucas 13:2 Iomraidhean Croise

Lucas 13:1

Ö̦jö däjä showawä, Jesús nija ai bä lä cuono wei bänö Calileateli bä a̦fa shämou wäyämaje. Biladonö bä nabä fa shömöcönö, Yai Bada nija yalo bä lä dodoblamou wei bä maqueblamobä täcö jamö, bä jo̦wa shäamalalema. Yalo i̦yäbö lä jilale jamö, cama bä i̦yäbö quea coyocomalemaje.

Lucas 13:3

Ma. Inaja tä cuonomi. Cafä bämacö nowa taö lä cule. Wa̦lidiwä tä ja wamacö bufi lädoimi ja, cafä wamacö ma cui, inaja showawä wamacö nia ca̦i shämou cuo mö feduo.

Lucas 13:4

’Siloe jamö a yafi ösöwä lä wäcälayono wei däjä, Jelusaleteli 18 bä lä shäblaliyono wei bä lä cui, ¿wedinaja wama bä nofi ö̦jö tabou? —a cuma—. “Jelusaleteli ai bä dobloimi fe balojoo mlai, ö̦jö bä nofi yai doblou fa mlacunö, bä li inaja tablamolayoma”, ¿wama bä nofi tabou tawä?

Juan 9:2

Cama ebä lä nocamabono wei bänö a wa̦liije ja, abinaja bä cuma. —Tä a̦ wäyäle. Ei a lä cui, ¿wedi mayo ja, a li jubäböblaliyoma? Cama a doblou lä mlai tä nowanö, ¿inaja a li tablamolayoma daanö? Ma, bä nöö, bä fö̦ö, ¿ö̦jö lä cäcöbö mayonö a jubäbö tawä? —bä cuma.

Hechos 28:4

Madateli bänö cäcö shadia fa dalalöjenö, abinaja bä nowa tayoma. —Ei a lä cui, yanowamö shädimi a nofi yaiwä. Modu u jamö a ma docubeno wei ma cui, yai tä nö yualewä lä cuinö a demi nia tamaboimi —bä nowa tayoma.