Lucas 12:9 - Biblia Yanowamö

⁹ ’Ö̦jö ma cui, yanowamö täbä nija iba bä a̦fa wäamou lä quilii wei bä lä cui, Yai Bada a̦jele etäbä lä cule jamö, ö̦jö ya bä a̦fa nia ca̦i wäyäimi mö feduo.

Lucas 12:9 Iomraidhean Croise

Mateo 10:33

Ö̦jö ma cui, yanowamö täbä nija iba bä a̦fa wäamou lä quilii wei bä lä cui, Fayä a lä culadi jamö ö̦jö ya bä a̦fa nia ca̦i wäyäimi mö feduo.

Mateo 25:12

a wa̦ lämoma. “Ma”, a cuma. “Cafä wamacö nija ei ya wa̦ lä cui, bejedi lä ya wa̦. Bämacö daimi”, a cuma.

Mateo 25:31

Abinaja Jesús a cuma. —Camiyä ya lä yanowamöblaleyoluno wei ya lä cui, ya shi̦i wacacawä jamö a̦jele ya bä ca̦i lä itole däjä, ya döcäobä täcö lä doblale jamö ya nia döcäo.

Mateo 25:41

’Ö̦jö däjä, ai ya boco mashi jamö bä lä cule bä nija ya wa̦ nia faö nomöjöo. Abinaja ya e nia cudou. “Bei. Bä da alufälö. Yai Badanö wamacö nö nia jo̦wa lä bleaamano wei wamacö lä cui, shobali wacö jamö bä da culu, fecula bada a nö bleaaö shi wa̦liblobä wacö lä tablamolayono wei jamö, cama a̦jele ebä wa̦lidiwä ca̦i nia lä cuo wei jamö.

Mateo 7:23

Ö̦jö däjä, ö̦jö bä nija ya wa̦ nö wäo ja, abinaja ya nia cuu. “Bämacö daimi. Shomi wamacö. Bä da alufälö, wa̦lidiwä talewä wamacö lä cui”, ya nia cuu. ¿Ö̦jö tawä? —Jesús a cuma.

Marcos 8:38

’¿Ö̦jö tawä? Fei täbä doblou lä mlai, täbä nofi lä jushublalou wei täbä lä cule jamö, iba bä a̦fa jilamou quilii dicoo ja, inaja showawä camiyä ya nia quilii cuo mö feduo. Wale a̦fa ca̦i wäyäö quilii dicoo ja, inaja showawä camiyä ya lä yanowamöblaleyoluno wei ya ma cui, ya nia quilii cuo mö feduo—a cuma—. Fayä etä shi̦i lä cule jamö, a̦jele ya etäbä ca̦i itou däjä, camiyä ma cui, “Iba cäbä”, ya nia cuu quilii.

Lucas 15:10

’¿Ö̦jö tawä? —a cuma—. Cafä bämacö nowa taö lä cule. Inaja showawä, Yai Bada a̦jele etäbä lä culadi bä nijamö, wa̦lidiwä talewä moli a bufi mö yabablou lä co̦o wei a lä cui nija, bä bufi nia shino yai doblalodayou —a cuma.

Lucas 22:57

Ö̦jö ma cui a wa̦ jole mojodumou ja, abinaja a Pedro cuma. —Ma. Ö̦jö ya daimi —suwä nija a cuma.

Lucas 9:26

’¿Ö̦jö tawä? —a cuma—. Iba bä a̦fa jilamou quilii dicoo ja, inaja showawä camiyä ya nia quilii cuo mö feduo. Wale a̦fa ca̦i wäyäö quilii dicoo ja, inaja showawä camiyä ya lä yanowamöblaleyoluno wei ya ma cui, ya nia quilii cuo mö feduo. Ya shi̦i ca̦i itou lä co̦le däjä, camiyä ma cui, “Iba cäbä”, ya nia cuu quilii, Fayä etä shi̦i lä cule jamö a̦jele ya etäbä ca̦i itou däjä.

2 Timoteo 2:12

Bämacö nö wa̦lojaö fe yadio ja, ö̦jö lä showawänö bämalecö nia ca̦i bada läo. Bäma a nofi mojodubou dicoo ja, camiyä bämacö ma cui, bämalecö nofi nia mojodubou mö feduo.

1 Juan 2:23

Yai Bada bei Ijilubö e lä waii wejei bä lä cuinö, bä Fö̦ö e ma cui e taboimije. “Ö̦jö lä a waiquiwä”, Jesús a nofi tabolajenö, a nofi lä mölabou wejei bä lä cuinö, Jesús, bä Fö̦ö sho cäcöbä tabou bolacaaje.

1 Juan 2:28

¿Ö̦jö tawä? Ijilu bä. Jesucristo nija, yanöcöwä bä da cuicu. A bädou däjä, bäma a nofi mölabolanö bämacö icuobä. Bämacö möfe quilili boo mö bao dicoo mlaobä.

Apocalipsis 3:8

’Iba Filadefiateli bä lä cuaaö wei ya tä daö. Bä a̦fa lojode wäyäö lä mlajei, ya bä a̦ ca̦i daö. Ö̦jö ma cui, wale a̦ nofi cadidibouje. Wale a̦ nofi ca̦i jole mojoduboimije. ¿Ö̦jö tawä? Ö̦jö bä mö lä yaile jamö, ya yoca calobou lä cule, yoca laaö dao lä mlajei.