Lucas 12:11 - Biblia Yanowamö

¹¹ ’Judio bada bänö wamacö doblomi jömabeje, bä yododabä yafi bä jamö wamacö ca̦i nia jublou cuaaöje —a cuma—. Ai bä bada lä läblai bä nija ca̦i. Wamacö ca̦i juuje däjä, wamacö nofi nia lä bäyäo wei tä a̦ ja, bä bufi jo̦lijou dicoo dijä.

Lucas 12:11 Iomraidhean Croise

Éxodo 4:12

Camiyänö ö̦jö ya tä bluca daö yalo, quilii mlai, a da alufälö, ö̦jö lä. Bäfä a̦ bayeliblaö weicätä. Wa wa̦ fabä, bäfä a̦ bälaö weicätä —a cuma ma cui,

Mateo 23:34

Ö̦jö cudeenö, abinaja ya cuu. Cafä wamacö nija Yai Bada a wa̦no nia lä wäyäö wejei ya bä nia shömaö, bä bufi yai lä jaducui bä ca̦i, wamacö nia lä damaö wejei bä ca̦i. Ö̦jö ya bä nia shömaö ma cui, ai wama bä nia shäö. Ai bä mö feduwä lä cui, fii balitama defi ja wama bä nia basuaö. Ai bä showawä lä cui, judio wamacö yododabä jamö wama bä si ca̦i nia yafelimaö. Wama bä nö bleaamaö yalo, ai bä shabonobö nomöjöwä jamö bä nia docuu ma cuaafälöö däjä ma cui, wama bä nosi nia bou yauafälöö. ’¿Ö̦jö tawä? —a cuma—. Einaja wama bä taamabä ya bä nia shömaö,

Mateo 6:25

Abinaja Jesús e cuma. —Ö̦jö cudeenö bämacö nowa taö lä cule. Eja dodijidawä wamacö nia lä bälöo wei tä ja, bä bufi jo̦lijo dijä. ¿Ö̦jö tawä? Nii bä ma cui jamö, camishi bä ma cui jamö, bä bufi cuaablalo dijä. Wamacö demi lä cuo wei tä nowa yai bluca, nii wama bä lä waö wei bä nowa lä culenaja mlai. ¿Ö̦jö tawä? Bei wamacö nowa ca̦i bluca, camishi bä nowa lä culenaja mlai.

Mateo 6:27

Wamacö demi nia lä cuo wei, Yai Bada tänö tä daö fe wädöa waiquia. Wamacö bufi lä jalujublalou wei tänö, wiisibö ma cui wamacö nö nia dedejedou majöomi.

Mateo 6:28

’¿Wedi tabä camishi bä ja wamacö bufi nia li jalujublalou dicoo? —a cuma—. Jole jole bä bäwä ma cui ja, ö̦jö bä ja bä bufi da jaducublalu. Bä badaö. Bä ojodamou ma mlai ma cui, shinalu ubä juducaö ma mlajei ma cui,

Mateo 6:31

’¿Ö̦jö tawä? —Jesús a cuma—. Ö̦jö cudeenö, wamacö nia lä iyaö wei tä ma cui ja, wama toubä nia lä coaö wei toubä ma cui ja, camishi bä ma cui ja, bä bufi cuaablalo dijä. Wamacö bufi jalujou dodijio mlai.

Mateo 6:34

’Ö̦jö cudeenö abinaja ya cuu —a cuma—. Fei däjä tä lä cuaale tä ja, bä bufi shino yai da dayäo, fena ja tä nia cublou lä majöo wei tä ja mlai. Fei däjä wamacö nia lä cuaaö wei tä cua ma waiquile ma cui, ¿wedi tabä fena ja wamacö nia lä cuaaö wei, wama tä a̦fa wayoaö li yädäablalou co̦a majöquei? Tä obi nia lä cublou wei tä ja, bä bufi jalujou dodijio dijä. Tä yai lä cublole däjä, ö̦jö däjä wamacö bufi shino yai dayäobä.

Lucas 12:22

Cama ebä lä nocamabono wei bä nija abinaja Jesús a ca̦i cuma. —Ö̦jö cudeenö bämacö nowa taö lä cule. Eja dodijidawä wamacö nia lä bälöo wei tä ja, bä bufi jo̦lijo dijä. ¿Ö̦jö tawä? Nii bä ma cui jamö, camishi bä ma cui jamö, bä bufi cuaablalo dijä.