Lucas 12:1 - Biblia Yanowamö

¹ Inaja cama bä ma cuaaö däjä, Jesús nija bluca dodijiwä bä co̦camou fa cuaayolunö, bei bä mashicoma. ¿Ö̦jo tawä? Inaja bä mashicou cuaaö showai ja, cama ebä lä nocamabono wei bä nija a wa̦ faö fa balöonö, abinaja a cuma. —Bä da moyaweicu. Faliseo bä bada lä cui etä julumamodima wayu. Jole jole bä dodijaö bäa —a cuma—.

Lucas 12:1 Iomraidhean Croise

Lucas 11:44

Wamacö nö bleaaö dodijiobä wamacö. Nomawä bä didia lä ja̦tole jamö, tä ulifi jole mömou liyäjäwä lä culenaja, bei wamacö jole mömou dodijidawä cuwä bäwä. “Eja nomawä bä didia lä cule”, bä bufi cuu mlai ja, tä ulifi mojodili cabaöje —Jesús a cuma.

Lucas 12:56

¡Jole jole wamacö lä dodijidai! Judu mösö ma cui ja, bita a ma cui ja, wamacö moyawä ma waiquii, ¿wedi tabä camiyä fei däjä ya lä cuaale tä ja, wamacö bufi jaducudaloimi? —Jesús a cuma.

Lucas 5:1

Bei. Modu Jenesale u casö jamö, Jesúsnö Yai Bada etä a̦ wäyäö ja, tä a̦ ji̦liaö bufi fa doblaojenö, bä mashicou dodijioma.

Lucas 5:15

Ö̦jö ma cui, Jesús a wa̦fa yai wäyäö balaa fa showadaalujenö, Jesús nija bluca bä co̦camoblaayoluma. A wa̦ ji̦liaö bufi doblaomaje. Bä lä jalili wei bä ca̦i jalomamou bufi doblaoma.

Lucas 6:17

Tä fe yalöobä ja, Jesúsinö ö̦jö bä ca̦i dimöbaliyoma. Ö̦jamö, cama nija bä lä nocaono wei bä ca̦i bluca cuoma. Jelusaleteli bä ma cui, Judea jamö bä bluca lä bälöblaono wei bä ma cui, ö̦jö bä bluca ca̦i co̦cao mö feduoma. Diloteli bä ma cui, Sidonoteli bä ma cui, ö̦jö bä ca̦i bluca cuoma, modu u casö jamö bä lä bälöono wei bä lä cui. Jesús a wa̦ nia fa ji̦liajenö, bä lä jaliliono wei bä ca̦i nia fa jalomamonö, bä bluca co̦camolayoyoluma.

Hechos 21:20

Ö̦jö tä a̦ fa ji̦liläjenö, Yai Bada a nofi doaö dodijiomaje. Ö̦jö däjä, abinaja ai a cuma. —A̦i. Eja bämacö lä cuaaö wei, wa tä daö. Judio bämacö nija, Jesucristo a bejedi lä bufii wejei, fei däjä bluca bä 1.000 cua. Moisesi tä a̦ nofi ca̦i yaibou fe balojooje, ¿ö̦jö tawä?

1 Corintios 15:3

Tä a̦ yai lä lofote wei ya tä a̦ fa dälänö, cafä wamacö lija ya tä a̦ wäyäö fe dolemoma. Camiyä bämacö dobloimi tä nowa ja, Cristo a nomaa lä lälayono wei tä a̦. Yai Bada etä a̦ oni ja, yedu ja a wa̦fa nomaö lä wäyäno wejeinaja, inaja showawä a cublaliyoma.

Hebreos 12:22

Ma, Sinai cäcö jamö mlai, Siono cäcö jamö wamacö yai waloa waiquiqueyoluma. Yai Bada tä demi cuo shi lä wa̦lile e shabono jamö wamacö cua, Jelusale tä shabono dude yai lä culadi jamö, a̦jele bluca fe balojowä bä bufi doblalou ca̦i lä co̦camoladi jamö.

Santiago 3:17

Ö̦jö ma cui, Yai Bada nija bä bufi yai lä jaducuo wei bä lä cuinö, wisibö tä nia ca̦i wa̦lidiwä jubaö bädaomije. ¿Ö̦jö tawä? Bä bufi nia shino yanöcöwä ca̦i cuo. Bufi oquewä bä nia ca̦i bälöo. Cama bä bufi lä cuu wei bädao mlai, ai bä ma cui bä a̦ nia ca̦i ji̦liaö mö feduoje. Täbä nofi nia ca̦i shino ojodabouje. Bä nia shino dodijaö. Ai täbä nofi nia tabou ayaomije. Bä nia shino bejedimou.

1 Pedro 2:1

Ö̦jö wama tä a̦ dodijidawä ji̦lia waiquilema cudeenö, wa̦lidiwä tä bluca da blajamalöje. Wamacö nö lä nabämou wei tä ca̦i bluca. Wama täbä lä mölamaö wei tä bluca ca̦i. Wamacö lä jolemou wei tä ca̦i. Täbä dodijaö ayao ja wama täbä nofi lä wa̦libou wei tä ca̦i. Ai wama täbä a̦fa dobloimi lä wäyäö wei tä ca̦i bluca. ¿Ö̦jö tawä? Ö̦jö tä bluca da blajamalöje.