Lucas 11:9 - Biblia Yanowamö

⁹ ’¿Ö̦jö tawä? —Jesús a cuma—. Bämacö nowa taö lä cule. Yai Bada nija bä da naco, wamacö dobäö cuquei. Dodijidawä tä da dayäaje, wama tä dablaö weicätä. Bei yoca da cloocaje, yoca caloblaö wä. ¿Ö̦jö tawä?

Lucas 11:9 Iomraidhean Croise

Mateo 21:22

Yai Bada nija wamacö nacou däjä, wama a nofi mölabou cadidilanö wamacö a̦ faö ja, wama tä nacaö lä bädale tä ma cui, wama tä nia däaö —a cuma.

Mateo 21:31

¿Ö̦jö tawä? —Jesús a cuma—. ¿Wedi jamö a dodijiwä lä cuinö, bä fö̦ö e nosie yai shino julema? —a cuma. —Bä ijilubö jaba e shömaö lä balöblaono wei a lä cuinö —bä cuma—. A bufi mö lä yabajadaliyono wei a lä cuinö. Ö̦jö däjä, abinaja Jesúsnö bä nowa tama. —Cafä wamacö nija ei ya wa̦ lä cui, bejedi lä ya wa̦. Inaja showawä, Yai Bada tänö cafä wamacö ca̦i cuobä wamacö waiquiwä ma cui, wamacö ca̦i nia cuomi. Ö̦jö a ijilubö lä culenaja wamacö cuwä dicowä. “¡Ei!”, wamacö cuu ma buo wei ma cui, wama a nosie yai juaimi. Lomateli bada bä befi bä blada lä doaö wejei bä ma cui, bä suwä lä dodoo wei bä ma cui, ö̦jö lä bä ca̦i nia shino cuo ayao. Bä doblou ma mlai lä ma cui, bä bufi lä läblou wei tänö a wa̦ shino yai juaö ayaaje.

Mateo 6:29

bä liyäjäwä. ¿Ö̦jö tawä? Bämacö nowa taö lä cule. Bada tä Salomo a nö ma madofiböono wei ma cui, camishi ebä ma dodijidaono wei ma cui, ei jole jole bä lä cui, ¡bä shino yai mömou liyäjäwä dodijiwä!

Marcos 11:24

Ö̦jö cudeenö, bämacö nowa taö lä cule. Yai Bada nija wamacö nacou däjä, wama tä nacaö lä bädale tä ma cui, jai wa däa waiquilema wama a nofi tabou ja, wama a nia däaö.

Marcos 13:37

Cafä bämacö nowa lä talenaja, bluca täbä nowa ca̦i tamamou mö feduobä ya wa̦. Bä nö da daicu, ö̦jö lä.

Lucas 11:10

Bä bluca lä nacou wei bä lä cui, bä malä dobämou wei. Inaja showawä, tä dodijidawä lä dayäaö wejei bä nija tä dodijididawä dablamou. Bei yoca lä cloocaö wejei bä ma cui, ö̦jö bä nija yoca caloblamou.

Juan 14:13

Camiyä ya wa̦nö, wamacö nö bayeli nacao ja, wama tä nacaö lä bädao wei tä ma cui ja, bämacö a̦ nia juaö, Fayä ya doblao dablamabä.

Juan 15:16

’Cafä wamacönö camiyä wamale yaianomi —a cuma—. Ma, camiyänö cafä bämacö yai yailema. Bämacö nia fa shömanö, bämacö cadidialalema, nii bä wawäblou lä culenaja, cafä wamacö ma cuinö, dodijidawä wama tä wawäblamaö cuobä. Wama tä dodijidawä lä wawäblamaö wei tä lä cui tä mladou mlai ja, tä cudalodibä. Inaja wamacö cuaaö ja, camiyä ya wa̦nö, Fayä nija wamacö nö bayeli nacao lä bädao wei tä ma cui ja, Fayänö wamacö nia dobäö.

Juan 15:7

’Camiyä nija wamacö yanöcöwä cuo ja, showadi wamale a̦ nofi ca̦i jaducubou ja, camiyä nija wamacö nö bayeli nacao lä bädao wei tä ma cui ja, wamacö a̦ nia juamou —a cuma—.

Juan 4:10

Jesús e a̦ juo ja, abinaja e cuma. —Yai Bada tänö tä lä jöbäaö wei wa tä daö fa cunoja, cafä nija mau ya u lä nacafe wale nö ca̦i ö̦jöböaö fa cunoja, camiyä nija wa nö yai nacobö wei. Cafä nija ba̦limiblamamodima ya u nö jöbäquebö wei —e cuma.

Romanos 2:7

Ai bä lä cuinö bä nia lä ba̦limiblou wei tä shi̦lo dayäaöje. Yai Bada tänö bä nia lä doblamabodayou wei tä ca̦i. Wawädowä bä nia lä tamabou wei tä ca̦i. Ö̦jö bä lä cui Yai Bada tänö bä nia ba̦limiblamaö.

2 Corintios 6:2

Yai Bada etä a̦ oni jamö, abenaja Yai Bada tä malä cuno wei. Bei. Bämacö bayeliblabä tä yai cuo lä shaliliono wei däjä, cafä wamacö lija ya yömöca daoma. Wamacö fucäamobä tä yai lä cublono wei däjä, bämacö bayeliblalema. ¿Ö̦jö tawä? Einaja Yai Bada a cuma. ¡Fei däjä wamacö bayeliblamobä jo̦wa! Fei däjä cafä wamacö nia lä bayeliblamou wei bei tä cua dodijia lä cule. Fei däjä showadawä wamacö fucäamobä.

Hebreos 11:6

¿Ö̦jö tawä? Yanowamö täbä lä cuinö a wa̦ nofi mölabou mlaoje däjä, Yai Bada a bufi doblamabobeje etä cuami waiquiwä. Yai Bada lija bä nia lä ajedou wei bä lä cui, “Yai Bada a cua lä”, bä bufi cuu mlao däjä, bä nia ajedou malä mlai. “Ya nö bayeli nacao ja, wale dobäö weicätä”, bä bufi cuu mlao däjä, bä nia ajedou buomi.

Hebreos 4:16

¿Ö̦jö tawä? Bämalecö nofi lä ojodabou wei bäma a bufibolanö bämacö da icuo, ö̦jö lä, bämacö bayeliblamobä. Bämacö nö yai lä bleaale däjä, dodijidawä bämalecö taamaö fe fa yadionö, bämalecö nia yai bayelibou.

Santiago 1:5

Ai wamacö bufi wedinajamou bädawä ja, Yai Bada nija bä nö bayeli da nacao. Wamacö bufi jaducublamaö weicätä. A bufi läo mlai ja, bluca täbä nija a shi ö̦jöde dablamou talei.

Santiago 5:15

A nofi mölabolajenö a nö bayeli nacaöje ja, a lä jalili wei a nia jalou. Bada tänö a demi nia ubladamaö co̦o. A doblono lä mlai etä cua ja, etä nowa nia mladamaö showadao.

1 Juan 3:22

Ö̦jö däjä, Yai Bada nija bäma tä a̦fa lä bou wei tä lä cui, bäma tä bluca däaö. Tä tamaö lä bufii wei bäma tä taö yalo, bäma a bufi doblamabou cudeenö bämalecö dobäö.

Apocalipsis 2:24

’¿Ö̦jö tawä? —a cuma—. Ö̦jö ma cui, iba Diadilateli ai bä lä cui, ö̦jö a wa̦ suwä juaö lä mlajei bä nija ya wa̦ faö majöwä, Sadanasi etä a̦fa lojode lä jilamamou wei tä a̦ daö lä mlajei bä nija. Ö̦jö bä nija ai ya tä a̦ nia läamaö fe yadiomi.