Lucas 11:53 - Biblia Yanowamö

⁵³ Ö̦jö däjä, Jesús a aa lä co̦layofälöno wei däjä, Moisesi tä a̦ ja täbä lä damaö wejei bä ma cuinö, faliseo bä bada ma cuinö, a nofi jaba wawädowä wa̦libomaje. Bluca tä ma cui ja, showadi a wa̦lii fe blacäjomaje.

Lucas 11:53 Iomraidhean Croise

Lucas 11:52

’Moisesi wama tä a̦ yai lä daö wei wamacö nö bleaaö dodijiobä wamacö —a cuma—. Yanowamö bä nija Yai Bada a dablamou bufi ma doblao wei ma cui, wama bä bufi jaducublamaimi. Yai Bada cafä wamacönö wama a daimi waiquiwä. Ai bänö a daö bufi ma doblao wejei ma cui, cafä wamacö a̦nö wama bä doblamaimi —Jesús a cuma.

Lucas 11:54

A wa̦fa taö bufi fa doblaojenö, a wa̦ nia yaclämaö fe yadiomaje.

Lucas 20:20

Bä jushuo waiquioma cudeenö, Jesús nija showadi bä mamo showadioma. Jai dodijidawä a nia fa wa̦liijenö cama ai ebä shömöa ja̦tolemaje. Jole jole bä nofimolanö a wa̦ nia fa ji̦liajenö, Lomateli bada a yai lä cui nija a wa̦no nia wäyäö majöomaje, ö̦jönö a yai juwäamabä.

Lucas 20:27

Ö̦jö däjä, saduseo bä bada lä cuinö, Jesús a nabä icua nomöjöquemaje. Ö̦jö bä saduseo lä cui, abinaja bä bufi shino cuu. “Täbä lä nomaö wei bä demi jocädou co̦o mlaicätä”, bä bufi shino cuu.

Hechos 26:9

’Camiyä ma cui, Nasaleteli Jesús ya wa̦ ji̦liaö nofi fa wa̦libonö, ya bufi jaba lämou dodijioma —a cuma—. Ya lämobä ya bufi fa shalilionö, bluca ya shomiablaloma.

1 Corintios 13:5

Bä bufi lä nofio wei bä nofi jushuaimi. Bä joomodou si ijejewä. Bä jölaö si ijejewämi. Täbä nowa tabou nö dedeaimije.

2 Corintios 8:6

Masedonia jamö bä lä bälöbiyei bänö, blada bä jibäö lä cuaaö wejeinaja, inaja showawä cafä wamacö cuaaö mö feduobä, Tito yama a nia shimaö co̦o, wamacö nowa jaba lä tano weinaja, wamacö nowa yai taö cadidiobä. Wamacö a̦ nö jaba lä wäono weinaja, Jelusaleteli wama bä yai bayeliblaö cuaabä.