Lucas 11:52 - Biblia Yanowamö

⁵² ’Moisesi wama tä a̦ yai lä daö wei wamacö nö bleaaö dodijiobä wamacö —a cuma—. Yanowamö bä nija Yai Bada a dablamou bufi ma doblao wei ma cui, wama bä bufi jaducublamaimi. Yai Bada cafä wamacönö wama a daimi waiquiwä. Ai bänö a daö bufi ma doblao wejei ma cui, cafä wamacö a̦nö wama bä doblamaimi —Jesús a cuma.

Lucas 11:52 Iomraidhean Croise

Mateo 22:35

Ai a lä cui, Moisesi tä a̦ ja täbä lä damaö wei bei a cuoma. Ö̦jönö Jesús a wa̦ nia bejedi fa mönö, a wa̦lima.

Mateo 23:13

Abinaja Jesúsnö bä nowa taö nomöjöoma. —Ö̦jö ma cui, Moisesi tä a̦ ja wama täbä lä damaö wei wamacö lä cui, faliseo wamacö ca̦i lä cui, wamacö nö bluca bleaaö dodijiobä wamacö. Jole jole wamacö dodijaö bäa. Yanowamö bä nija Yai Bada a dablamou bufi ma doblao wei ma cui, wama bä bufi jaducublamaimi. Yai Bada cafä wamacönö wama a daimi waiquiwä. Ai bänö a daö bufi ma doblao wejei ma cui, cafä wamacö a̦nö wama bä doblamaimi.

Lucas 11:53

Ö̦jö däjä, Jesús a aa lä co̦layofälöno wei däjä, Moisesi tä a̦ ja täbä lä damaö wejei bä ma cuinö, faliseo bä bada ma cuinö, a nofi jaba wawädowä wa̦libomaje. Bluca tä ma cui ja, showadi a wa̦lii fe blacäjomaje.

Hechos 5:40

Inaja a lä cuu wei, a wa̦ ji̦lilemaje. Jesucristonö bä lä shömöleno wei bä lä cui, bä lucäa fa co̦malöjenö, bä si yafelilalemaje. Jesús a wa̦fa wäyäö co̦daaö mlaobeje, bä wasöö co̦omaje. Ö̦jö däjä, bä jujeblaö showalayomaje.