Lucas 11:42 - Biblia Yanowamö

⁴² ’Faliseo wamacö nö bada bleaaö dodijiobä wamacö —a cuma—. Afä nii wama bä bluca lä doaö wei, wajaquemi jenabä wai bädawä ma cui, *fe usucuwä 10 wama jenabä fa shedequeblalönö, ai moli jenabä wai ja, Yai Bada showadi wama a dobäö. Ö̦jö ma cui, wamacö yai dodijaö mlai ja, wama a ca̦i nofimaö mlalanö, wama a jole jole dobäö waiyoblalou bädao dicoo. Wamacö dodijalanö wama a dobäö fa cunoja, tä nö doblaobö wei. Wama a nofimalanö wama a dobäö fa cunoja, tä nö dodijidaobö wei.

Lucas 11:42 Iomraidhean Croise

Mateo 23:13

Abinaja Jesúsnö bä nowa taö nomöjöoma. —Ö̦jö ma cui, Moisesi tä a̦ ja wama täbä lä damaö wei wamacö lä cui, faliseo wamacö ca̦i lä cui, wamacö nö bluca bleaaö dodijiobä wamacö. Jole jole wamacö dodijaö bäa. Yanowamö bä nija Yai Bada a dablamou bufi ma doblao wei ma cui, wama bä bufi jaducublamaimi. Yai Bada cafä wamacönö wama a daimi waiquiwä. Ai bänö a daö bufi ma doblao wejei ma cui, cafä wamacö a̦nö wama bä doblamaimi.

Mateo 23:23

’Moisesi tä a̦ ja wama täbä lä damaö wei wamacö lä cui, faliseo wamacö ca̦i lä cui, wamacö nö bluca bleaaö dodijiobä wamacö —a cuma—. Jole jole wamacö dodijaö bäa. Afä nii wama bä bluca lä doaö wei, wajaquemi jenabä wai bädawä ma cui, fe usucuwä 10 wama jenabä fa shedequeblalönö, ai moli jenabä wai ja, Yai Bada showadi wama a dobäö. Ö̦jö ma cui, wamacö yai dodijaö mlai ja, wama a jole jole dobäö waiyoblalou bädao dicoo. Wama täbä nofi ojodabou mlalanö, Yai Bada wama a nofi ca̦i mölabou mlalanö, wama a li dobäblalaö buo. ’Wamacö dodijalanö wama a dobäö fa cunoja, wama täbä nofi ojodabolanö wama a dobäö fa cunoja, tä nö shino doblaobö wei. Yai Bada wama a nofi mölabolanö wama a dobäö fa cunoja, tä nö shino dodijidaobö wei —a cuma—.

Mateo 23:27

’Moisesi tä a̦ ja wama täbä lä damaö wei wamacö lä cui, faliseo wamacö ca̦i lä cui, ¡wamacö nö bluca bleaaö dodijiobä wamacö! —a cuma—. Jole jole wamacö dodijaö bäa. Nomawä bä lä didile täcabä lä culenaja wamacö cuwä bäwä. Maa liyäjäwä mabänö täcabä fe ma labou wejei ma cui, bei täcabä u̦eshi lä cui jamö, nomawä bei tä ubä jilawä. Nomawä bä jodenö täcabä nö shami quiliwä.

Lucas 18:12

Täbä yanöcöobä tä mö jalu cublou showaa mlai ja, bolacabö ya iyaö wasöo talei. Ya iyaö yabäcou mlai ja, cafä nija ya wa̦ fabä, nii bä ja ya wasöo. ¿Ö̦jö tawä? Abinaja ca̦i. Ya täbä bluca lä däaö wei, fe usucuwä 10 ya täbä fa shedequeblalönö, ai moli täbä ja, cafä bäfä dobäblaaö”, a cuma.

Juan 5:42

Ö̦jö ma cui, cafä bämacö daö. Bei wamacö bufi yainö, Yai Bada wama a nofimaimi.

1 Juan 4:20

“Yai Bada ya nofimaö”, bä cuu ma cui, cama ai ebä nofi wa̦libou dicooje ja, bä jolemou waiquiwä. Cama ai ebä ma dablou wei ma cui, ö̦jö lä ebä nofimaimi waiquiweje ja, Yai Bada tä dablamou lä mlai bei tä nofimaimi yaiweje.