Lucas 11:40 - Biblia Yanowamö

⁴⁰ ¡Wamacö bufi jaducuwä lä mlai! Bei wamacö sibo lä tablaleno wei a showawänö, ¿bei wamacö ca̦i mötalö tablaö mö feduonomi daanö?

Lucas 11:40 Iomraidhean Croise

Génesis 1:26

Ö̦jö däjä, Yai Bada a wa̦ faö co̦oma. —Camiyä bämacö lä culenaja a cuwä, yanowamö bäma a da tabla, bämalecö owäbobä. Ö̦jö däjä, jödödöwä bäma täbä lä tablalöfe, yanowamö bä nija bäma täbä fa jöbäcönö, cama etäbä cuobä. Modu u jamö bä lä juu wei bä ma cui, bä yalo lä yäö wei bä ma cui, bä yalo tabobeje bä ma cui, wajaquemi bä wai lä joleaö wei bä ma cui, ö̦jö bä nofi bluca tabobeje —a cuma.

Génesis 2:7

Ö̦jö lä däjä, Jeobaa a lä bufiblamou wei a lä cuinö, mashita a fa jumöblalönö, yanowamö bei a tablalema. Ö̦jö däjä, a demi cuobä, bei fi̦yocacö fa jolashimanö, cama a fö̦shöacönö a demi cublaliyoma.

Proverbios 1:22

Bufi Jaducäwä tä lä cui, abenaja a cuu. —Ja̦o. Wamacö bufi jaducäo bufio lä mlai, “Dodijidawä yamacö cuo waiquiwä”, ¿wamacö bufi nia cuu shi wa̦lii daanö? Wama tä a̦ noca lä i̦cablalaö wei, ¿showadi wama tä a̦ noca nia i̦cablaladii dicoo? Wamacö bufi jaducäwämi nö lä beblalou wei, ¿wamacö bufi ca̦i jaducuwä bälöobä wama tä a̦ ji̦liaö bufiomi waiquiwä tawä?

Proverbios 8:5

Wamacö bufi jaducäa lä mlai, bä bufi daa fe da yadiicu. Wamacö bufi jaducäwämi nö lä beblalobe, bä yömöca da daicu.

Números 16:22

Ö̦jö däjä, mashita jamö Moisesi, Aaloni sho cäcöbö möfe boblaquema, Yai Bada tä nija. Abinaja cäcöbö cuma. —Yai Bada wa tä lä bufiblamou wei wa tä. Cafä Yai Bada wa tä lä cuinö, bluca yamacö lä bälöblai yamalecö demi tabou. Yanowamö moli a doblou lä mlale jamö, bluca bä showadawä nija ¿bei wa nia jushudou showadao daanö? Inaja wa cuaabä wami —cäcöbö cuma.

Mateo 23:17

¡Wamacö bufi jaducäwämi nö beblalou! Bejedi lä wamacö yai jubäbö. ¡Etä yafi nowa cua lä! Ö̦jö lä a yafi nowa yai cua cudeenö, bä li olo yaia lä cule.

Mateo 23:26

Faliseo wamacö. ¡Cafä wamacö yai jubäbö! ¡Ji̦shima a mö yalublaö da balöloje! ¡Ca̦ö fesi ca̦i! Ö̦jö däjä, dodijidawä wamacö yai nia shino auo.

Lucas 12:20

Einaja a bufi ma cuno wei ma cui, abinaja Yai Bada tänö a nowa tama. “¡Wa bufi nofi jaducuwämi dodijiwä yai!”, a nowa tama. “Fei tä didi showawä ma cui ja, bäfä bufi nia co̦aö. Ei wa bä bluca lä shimomalöfe, ai bänö bä nia ca̦i cuo juoje”, a nowa tama.

Lucas 24:25

Abinaja Jesúsnö cäcöbö nowa tama. —¡Wafäcö bufi jaducuwä lä mlai! Yai Bada a wa̦no wäyälewä bänö tä a̦fa bluca wäyäö ma balöono wejei ma cui, ¡wafä tä a̦ bejedi bufii si ijejewämi!

1 Corintios 15:36

Einaja wa lä cuu wei wa lä cui, wa bufi jaducäami fe balojowä. Nii bei wa mo döaö däjä, mo wa̦ocoblou fa balölonö, dodijidawä tesi shi̦lo falayou.

Hebreos 12:9

Eja bämacö lä fö̦ömole bä lä cuinö bämalecö cadidamaöje ja, bäma bä nö quili talanö bäma bä a̦ fuaö malä cui. Bei bämacö bufinö bäma a nofi yai lä Fö̦ömale a lä cui, ö̦jö bäma a wa̦ shi̦lo yai fuabä a, bämacö demi cuobä.