Lucas 11:4 - Biblia Yanowamö

⁴ Yamacö doblou lä mlai, tä nowa ca̦i da mladamalö. Camiyä yamacö ma cuinö, yamalecö lä yabäcaö wejei bä nija yama tä nowa bluca malä mladamaö wei. Yamacö nö doblobö lä mlai jamö, yamalecö ca̦i da wasö.” Einaja Yai Bada nija wamacö cubä —Jesúsnö bä nowa tama.

Lucas 11:4 Iomraidhean Croise

Génesis 48:16

Ö̦jö Jeobaa etä a̦jele lä cuinö, wa̦lidiwä tä bluca lä cuono wei tä ja, showadi wale nowamaö cudeenö, wale bayelibou showaa lä cule. Ö̦jö Yai Bada nija, ei cäcöbö ijilu lä cui cäcöbö fa bayeliblamonö, cäcöbö bayeliobä. “Jacobo nija cäcöbö nodiblaliyoma cäcöbö”, cäcöbö nofi tabou juobeje. Fayä Isaacö a ma cui, a̦iwä Ablaamö a ma cui, “Ö̦jö lä ecöbö nodiwä yai”, cäcöbö nofi tabobeje. Cäcöbö fa balalönö, bei ijilubö ebä nodiwä ca̦i blucablou mö feduo showaobä —a cuma.

Mateo 18:35

¿Ö̦jö tawä? —Jesús a cuma—. Einaja showawä, bei wamacö bufi cadidiwänö aifä wama etä nowa mladamaö cuomi dicowä ja, Fayä a lä culadinö afä tä nowa nia ca̦i mladamaö ayaomi.

Mateo 26:41

Bä nö shino da daicu. Yai Bada nija bä nö ca̦i bayeli da nacao, Sadanasinö wamacö yabäcäblaö däjä, wama a wa̦ juaö yacläo dicoo mlaobä. Wamacö cadidou bufi ma doblao wei ma cui, wamacö ujuduu si ijejewä waiquiwä—Jesús e cuma.

Lucas 11:5

Ö̦jö däjä, abinaja Jesús a cuma. —Abinaja tä cuwä. Ai wa lä cui, wa lä nofimaö wei a lä cui nija wa nacou ja, bäshäcuoladi wa aa jalulayou. ¿Ö̦jö tawä? Wa ublaa sibolanö abinaja wa e cuu. “¡Nofi!” wa e cuu, “Iba nii 3 bä da majöba.

Lucas 13:4

’Siloe jamö a yafi ösöwä lä wäcälayono wei däjä, Jelusaleteli 18 bä lä shäblaliyono wei bä lä cui, ¿wedinaja wama bä nofi ö̦jö tabou? —a cuma—. “Jelusaleteli ai bä dobloimi fe balojoo mlai, ö̦jö bä nofi yai doblou fa mlacunö, bä li inaja tablamolayoma”, ¿wama bä nofi tabou tawä?

Lucas 22:46

Abinaja bä nowa tama. —¿Wedi tä tabä wamacö li mia dicoa cule? Bä da jocäcälalu. Yai Bada nija bä nö ca̦i bayeli da nacao, Sadanasinö wamacö yabäcäblaö däjä wama a wa̦ juaö yacläo dicoo mlaobä —bä nowa tama.

Lucas 8:13

’Bei masi blaobä jamö mobä bläläa lä culaliyono weinaja, ai bä mö feduwänö tä a̦ ca̦i ji̦liaö cuaaöje —a cuma—. Tä a̦ ji̦liaöje däjä, bufi doblalanö tä a̦ däaöje. Ö̦jö ma cui, mobä nasöcö daloblou fa mlacunö, mosibä dedejebloimi. Ö̦jö mosibä lä culenaja bä lä cui, tä a̦ bejedi jaba ma bufilei wejei ma cui, bä yabäcamou däjä, bä waiquidou.

Juan 17:15

’Bita jamö iba bä lä cublai wa bä co̦aö showadaobä ya nacoimi —a cuma—. Ma. Fecula bada a yai lä wa̦lidii a lä cui nija wa bä noshi yai umabobä ya wa̦.

1 Corintios 10:13

Wamacö bufi lä wabamou wei tä ja, wamacö bufi wedinajamou mlai. Showadi täbä yanowamö bufi wabamou lä cuaaö weinaja wamacö wabamou cuaaö showawä. Ö̦jö ma cui Yai Bada wama a nofi mölabou showaobä cätä. Wamacö nö bleaamaö mlaicätä. Wamacö bufi ma wabamou wei ma cui wamacö nia bayeliblaö showao, wamacö nö wa̦lojaö fe yadiobä.

Colosenses 3:13

Täbä nofimaö fe da yadioje. Wamacö ma taamaö wejei ma cui, tä nowa tabo dijejä. Yai Bada tänö wamacö nofi lä asibono weinaja, cafä wamacö nofi asiboyou mö feduobä wamacö.

2 Tesalonicenses 3:3

Ö̦jö ma cui, Bada tä lä cui wama a nofi mölabou cadidiobä cätä. Ö̦jö a lä cuinö wamacö bufi lofotoamaö wä. Sadanasi lija wamacö noshi ca̦i umlabou wä.

2 Timoteo 4:18

Tä wa̦lidiblou lä bädao wei tä ma cui ja, showadi wale nia nowamaö. Cama ebä ca̦i dodijidawä bälöodayobä jamö, dodijidawä wale nia waloamadayou. Ö̦jö a nofi shi̦lo doblao dobou shi wa̦liibeje. Inaja lä tä cuobä.

Santiago 2:13

Yai Bada tänö täbä jömaö däjä, yanowamö täbä nofi ojodabono lä mlajei bä lä cui, cama bä nofi nia ca̦i ojodaboimi mö feduwä. Ö̦jö ma cui, täbä nofi lä ojodabono wejei bä lä cui, ö̦jö bä nia jömamou quiliimi.

Apocalipsis 2:10

’Iba bä nö nia lä bleaamaö wejei tä ja, bä quilii mlai bä cuobä —a cuma—. Tä nö dedei mlai ja, fecula bada a lä cuinö, iba ai bä fe nia lamabou, bä bluca wabamobä. Bä nö nia bleaamaö nö dedejedouje. Bä lä bejedimou wei tä nowa ja, bä shäbeje tä ma cublou däjä ma cui, bä bejedimou fe yadiobä. Bä bejedimou fe yadio ja, ya bä nia dobäö. Liyäjäwä täcö yojobobeje ya bä nia dobäö. Ba̦limi bä cuobä ya tä nia jöbäaö.

Apocalipsis 3:10

¿Ö̦jö tawä? Iba bä nö wa̦lojaö fe yadioma, ya bä nowa lä tano weinaja showawä. Ö̦jö cudeenö, bita jamö yanowamö täbä bluca lä bälöblai bä wabamobä tä cublou däjä, bä nö nia yai lä bleaaö wei däjä, iba bä lä cui ya bä nia lojodomabou fe yadio.