Lucas 11:39 - Biblia Yanowamö

³⁹ Ö̦jö däjä, abinaja Bada tä cuma. —Cafä faliseo wamacö lä cui. Ji̦shima bä ma cui, ca̦ö fesibä ma cui, fesibä sibosi aumaö lä culajeinaja wamacö sibosi ma taamamou wei ma cui, bei wamacö u̦eshi shami fe balojowä. Madofi bä ja wamacö bufi shino yaimodii. Wamacö shino nabämou.

Lucas 11:39 Iomraidhean Croise

Génesis 6:5

Jeobaa a mamo fa showaicunö, jödödöwä tä jamö, yanowamö täbä dobloimi daa fe balojolalema. Wa̦lidiwä tä ja, showadi täbä bufi mö shino blucaoma. Bä nofi lä jushuaö wei tä fa dalalönö,

Mateo 15:19

Bei täbä bufi jamö tä wa̦lidiwä didia yalo, wa̦lidiwä tä jamö bä bufi shino dayäo. Ö̦jö däjä, täbä yanowamö shäöje. Bä joleblalou. Bä nofi beshili jushuaö. Shomi täbä madofi ca̦i lämaöje. Täbä a̦fa jole jole ca̦i wäyäöje. Täbä a̦fa ca̦i wayoaöje.

Mateo 7:15

Abinaja Jesús a cuma. —Yai Bada a wa̦no wäyälewä bä a̦fa jole lä jilou wei bä nija bä da moyaweicu. Cafä wamacö fe walooje däjä, oweja bä nö ishobimi lä culenaja bä mömou ma cuablalou wei ma cui, bä möla dijä. Ji̦ima bä yai lä waitelimou wei bänö täbä nabä queo si ijejewä lä culajeinaja, inaja bä bufi lä cui cäbä.

Lucas 16:15

Ö̦jö ma cui, abinaja Jesúsnö bä nowa tama. —Ai täbä nija jai dodijidawä wamacö dablamou bufi ma doblao wei ma cui, Yai Bada tänö wamacö bufi daö. ¿Ö̦jö tawä? Yanowamö täbänö tä a̦fa showadi dodijidawä lä taö wejei tä ja, Yai Bada a shi doimi. Tä nofi yai wa̦libou —bä nowa tama.

Lucas 7:13

¿Ö̦jö tawä? Bada tänö a suwä fa dalalönö, a nofi ojodadalema. Abinaja e cuma. —Ami. A ö̦cö dijä.

Lucas 7:19

A fa yömölajenö, Juan a wa̦no wäyämobä, cama bolacabö ecöbö fa nacalänö, Bada tä nijamö cäcöbö shömölema. Jesús a wa̦liböö ja, abinaja cäcöbö nia cuma. “A nia jo̦wa lä juno wei, ¿ö̦jö cafä wa waiquiwä tawä?”, bä nia cuma. “Ma, cafä mlai, ¿ai a nia yai lä juu wei yama a nö dabou showaobä daanö?”, cäcöbö nia cuma. ¿Ö̦jö tawä?

Juan 12:6

Inaja a lä cuno wei a lä cui, bä lä jo̦li wei bä nofi jalujubou yalo a wa̦ cuonomi. Showadi a tomömoma yalo a wa̦ li cuoma. Cama bä bladabö talö yefiboma yalo, bä shino doaö ja̦tooma.

Juan 13:2

Bei. Simón bä ijilubö Juda Icaliode a lä cui, fecula bada anö a bufi taamaö waiquioma, bä weyade lä iyano wei däjä. Jesús a nia nomojoliama.

Hechos 5:3

Ö̦jö ma cui, abinaja Pedronö a nowa tama. —Anania. ¿Wedi tä tabä fecula bada a Sadanasi nija bei wa bufi li lulumoa dicolayoma? ¿Wedi tabä Yai Bada a Bufi nija wa li jolemolayoma? Afä ficali wa täca lä nomöjöqueno wei täca nowa ja, wa bä blada lä däleno wei, wa bä mashi tabou malä showale.

Gálatas 1:14

Camiyä ya bada lä culenaja bä cuwä mö lä fedui ai bä bluca lä cuinö, Moisesi etä a̦ ca̦i fuaö mö ma feduono wejei ma cui, camiyä ya fe yai dolejeo dodijio balöoma. Judio bämacö nö badabö jaba lä cuno wei ya tä a̦ joyamaö nofi fa jalubonö, camiyä bejedi lä ya wa̦ shi̦lo lämodima.

2 Timoteo 3:5

Yai Bada tä nia jo̦wa ma daö wejei ma cui, cama bä nofi lä jushuaö wei tänö, Yai Bada etä lofote nia dablamaimije. Ö̦jö bä lä culenaja bä lä cui, bä ajedemabo dijä, Timoteo.

Tito 1:15

Yai Bada tänö bä bufi aublaö lä waiquii, bä wa̦lidiaö quilibä tä cua malä mlai. Inaja showawä, Yai Bada lija bä bufi aublamou lä mlai, bä dodijidablou fe yadiobä etä cuami. Bä bufi auobä tä a̦ bejedi bufiimi waiquiweje. Bä bufi wa̦lidio fa waiquionö, bä bufi daomi waiquiwä.

Santiago 4:8

Yai Bada nija bä da ajedofälö, camanö wamacö ajedemabobä. Wa̦lidiwä talewä wamacö lä cui, dodijidawä wamacö fa cuicunö bä yai da aublamolu. Wamacö bufi lä shedecou wei, moli tä ja bä bufi yai da shaliliicu.