Lucas 11:32 - Biblia Yanowamö

³² ’Wamacö fei däjä lä bälöblai wamacö jömadayobä jamö, Ninibeteli bä nia ca̦i ublao yädäo mö feduo. Ö̦jö bä ma cuinö wamacö nia ca̦i jömaöje —a cuma—. Wamacö ca̦i nia waimaö bufiije. Jonasi nija Yai Bada etä a̦ fa ji̦liläjenö, wa̦lidiwä tä ja bä bufi lädou malä showadalayono wei. ¿Ö̦jö tawä? Jonasi a bada ma cui, camiyä bei ya yai bada dodijiwä. Fei däjä, cafä wamacö nijamö camiyä ya yai cua ma cule, wamale a̦ ji̦liblaimi.

Lucas 11:32 Iomraidhean Croise

Jonás 3:4

¿Ö̦jö tawä? Bä shabonobö casö jamö Jonasi a fa waloicunö, bä yanobö lä cublai jamö a fuu fe weyaama. Bä yömölaö ja, i̦cali a wa̦ faö cuaama. —Wamale a̦ da ji̦lilä. 40 tä mö didi fa cublalunö, Ninibeteli wamacö mö nia bluca watäblamolayou —a cuma.

Jonás 3:5

Ninibeteli bänö Yai Bada tä a̦ fa ji̦liläjenö, tä a̦ bejedi bufia showadalemaje. Bada bä ma cui, oshe bä ma cui bä bufi nö bluca bleaaö dodijioma. Bä nö wajäwä ö̦jöböamobä, bä iyaö wasöolayoma. A̦loqui sibä ushi ya̦a showadalemaje.

Mateo 12:39

Ö̦jö ma cui, abinaja Jesús e cuma. —Wamacö fei däjä lä bälöblai, wamacö bluca dobloimi fe balojowä. Yai Bada wama a wa̦ juaimi dodijiwä. Yai Bada ya e nö ö̦jöböamobä, tä nö lä quilijii wama tä wawämaö bufi ma doblao wei ma cui, bämacö a̦ nia juaimi. Wama tä nia lä möö wei, Yai Bada a wa̦no wäyälewä Jonasi a lä taamano weinaja, inaja tä cuwä, wama tä nia shino möö.

Mateo 12:41

’Wamacö fei däjä lä bälöblai wamacö jömadayobä jamö, Ninibeteli bä nia ca̦i ublao yädäo mö feduo —a cuma—. Ö̦jö bä ma cuinö wamacö nia ca̦i jömaöje. Wamacö ca̦i nia waimaö bufiije. Jonasi nija Yai Bada etä a̦ fa ji̦liläjenö, wa̦lidiwä tä ja bä bufi lädou malä showadalayono wei. ¿Ö̦jö tawä? Jonasi a bada ma cui, camiyä bei ya yai bada dodijiwä. Fei däjä, cafä wamacö nijamö camiyä ya yai cua ma cule, wamale a̦ ji̦liblaimi.

Lucas 11:31

’Wamacö fei däjä lä bälöblai wamacö jömadayobä jamö, Sabaateliyoma a bada bälöo lä dodijiono wei, a suwä nia ca̦i ublao yädäo mö feduo —a cuma—. Ö̦jö a ma cuinö wamacö nia dobloimi jömaö. Wamacö nia waimaö bufii. ¿Ö̦jö tawä? Bada tä Salomo a wa̦ ji̦liabä, ö̦jö a li suwä blajawä waloa fe malä yadiqueno wei. Salomo a bada ma cui, camiyä bei ya yai bada dodijiwä. Fei däjä, cafä wamacö nijamö camiyä ya yai cua ma cule, wamale a̦ ji̦liblaimi.

Hebreos 7:26

Bämalecö nofi nia lä bäyäbou wei, ö̦jö Jesús a waiquiwä. Ö̦jö a lä cui, nofi bäyäalewä Bada a. A yaia. A wa̦fa ca̦i tamobä etä cuami. Etä ca̦i shami läami. Wa̦lidiwä talewä bämacö lä cui lijamö a coyocomabou mlai ja, fedu fe dole jamö Yai Bada tänö a yai doblamabodayou.