Lucas 11:22 - Biblia Yanowamö

²² Ö̦jö ma cui, a nö yai lä wa̦lojaö weinö a nabä fa queicunö, a nö bleaamaö ayao. Ö̦jö däjä, cama a nowamöobä etä nofi lä mölabou wei etä jucälei. Cama etäbä bluca lä tabou wei etäbä fa däalalönö, etäbä shedecaö. ¿Ö̦jö tawä?

Lucas 11:22 Iomraidhean Croise

Génesis 3:15

’Suwä sho showadi wafäcö nofi wa̦liayobä, bäfäcö tablamaö lä cule. Obi ma cui, suwä bei ijilubö e nodiwä sho, afä a nia lä nodiblou wei a sho, cäcöbö nofi nia wa̦liayou nodiablalou showao. Ya̦cumö suwä a lä cui, bei ijilubö nodiwä e nö nia shino wa̦lojaö ayao. Wa fe nia shäaö. Cafänö bei wa e mamicö shiona nia difequiaö —cäcö nowa tama.

Éxodo 15:9

A nö lä nabämou wei, cama a nofi li doablamou ja, abinaja a jole li cuma. “Ya bä nosi fa däläfälönö, ya bä nabä blacälayou. Cama bänö täbä bluca lä tabou wejei, ya täbä fa däalalönö, ya täbä nia shelelaö. Camiyänö ya bä taamaö bufi lä doblao weinaja, ya bä nia li taamaö. Iba sibala namo mö feduduwä ya fa julijilänö, ya bä mö nia watäblaö”, a jole cuma.

Isaías 53:12

Wa̦lidiwä talewä bä lija a fa yädämacöjenö, bä doblou lä mlai tä nowa däa lälema. A shämobä tä ma cui ja, a ojodao fe yadioma. Wa̦lidiwä talewä bä nö bleaamaö mlaobä, Jeobaa lija a wa̦ läblaliyoma. Ö̦jö cudeenö, bada bä yai lä cui, bä nofi dodijidawä tamabou däjä, Jeobaanö wawädowä ö̦jö a nofi nia yai tamabou. Bä nö wa̦lojaö lä ayao wei bä a̦ shi dou däjä, ö̦jö a wa̦ shi nia yai dolayou.

Lucas 11:21

’¿Ö̦jö tawä? —a cuma—. A lä waiteli wei a lä cuinö, cama madofi ebä nofi läbou däjä, etäbä nia yabäcamoimi. A ishobä etä madofi ca̦i läa ja, shomi täbä nia lucämaimi.

Lucas 11:23

’Camiyä wale bayeliblaö lä mlai a lä cuinö, Sadanasi a li bayeliblaö waiquiwä. Iba ya bä co̦abä jamö bä co̦aö mö feduo lä mlai a lä cuinö bä yai sheleleblamaö—a cuma.

Efesios 6:11

Bä shäyobä jamö bä nowamöobä, sodado bänö duo shibä läbou lä cuaaö wejeinaja bä bufi nowamöo da cuo. Yai Bada lija wama tä bayeli fa dälänö bä da nowamöo, fecula badanö wamacö mölamaö bufi lä doblao wei däjä, wamacö ublao lofotoablalou showaobä.

Efesios 6:13

Ö̦jö cudeenö, Yai Bada lija wama tä bayeli fa dälänö bä da nowamöo, tä wa̦lidiblou däjä wamacö nö yai wa̦lojaö fe yadiobä. ¿Ö̦jö tawä? Wamacö nö wa̦lojalanö, wamacö ublao lofotoo showaobä.

Colosenses 2:15

Bämalecö lofotobou co̦daaö mlaobeje, fecula bä ca̦i bluca ujudua showamalema, cama ebä bada lä läle bä ca̦i. Cristo a shämou lä läono wei tänö, wawädowä bä nö bluca blemalalema.

1 Juan 3:8

Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.

1 Juan 4:4

Ijilu bä. Yai Bada wama ecö waiquiwä. Yai Bada a wa̦no jole jole wäyälewä bä lä cui bä nija wamacö nö wa̦lojoblou waiquilayoma. Bita jamö bä lä cublai bä nija, fecula bada a nö wa̦lojaö ma cule, Yai Bada wama a Bufi lä bälömabole a nö shino yai wa̦lojaö ayawä malä cui.