Lucas 11:13 - Biblia Yanowamö

¹³ Wa̦lidiwä talewä wamacö ma cui, dodijidawä ijilufä wama bä dobäö daö waiquiwä ja lä, Fayä fedu jamö a lä culadi, ö̦jö bei a nia shino yai dodijaö fe balojoo. Cama Yai Bada tä Bufi lä nacaö wejei bä nija a Bufi jöbömoquei —Jesús a cuma.

Lucas 11:13 Iomraidhean Croise

Génesis 8:21

Jeobaa nija, yalo bä nö ö̦shö lä̦shamou fa liyäjäonö, abinaja a bufi cuma. “Fei däjä, yanowamö täbä nowa ja, ya tä nia ulifi wa̦liaö co̦daaimi. Bä bluca demi lä juu wei, ya bä nia ca̦i waicaö co̦daaimi, ya tä ulifi lä tablamalöfenaja. Bä ma osheo däjä ma cui, bä dobloimi malä showadai. Wa̦lidiwä tä ja, showadi bä bufi shino dayäodii.

Proverbios 1:23

’Bämacö lä wasöö wei wamale a̦ da ji̦lilä —a cuu—. Ya bufi lä cuu wei ya tä a̦ nia wawämaö. Cafä wamacö lija ya wa̦ nia wawädoo showadao.

Mateo 5:16

Inaja showawä, shi̦i wacacawä wamacö lä cui, wawädowä bä da damolalu. Wamacö dodijaö fa dalalöjenö, Faafä a lä culadi a wa̦fa doblao tabeje —a cuma.

Mateo 5:45

Faafä a lä culadi wama a yai owäbobä. ¿Ö̦jö tawä? Wa̦lidiwä talewä bä ma cui, dodijidawä tä jamö bä lä cuo wei bä ma cui, motoca shi̦inö ö̦jö bä bluca wacacamabou fe usucuwä malä cui. Täbä lä dodijaö wei täbä nijamö ma cui, täbä dodijaö lä mlai täbä nijamö ma cui, maa a malä shömaö wei.

Mateo 6:14

’Ai täbä nija wamacö nowa lä cule wama tä nowa mladamalei ja, inaja showawä Faafä a lä culadinö wamacö nia taamaö mö feduo malä cui.

Mateo 6:30

Caje caje bä cudio ma mlai ma cui, bä ö̦shömaö ma nocamou wejei ma cui, bei bä jole fa fanö, bä mömou dodijidaobä, Yai Bada tänö bä bayeliblaö. Ö̦jö bä ma bayeliblaö wei ma cui, camishi bä ja ¿cafä bei wamacö nia shino bayeliblamou ayaomi daanö? Yai Bada wama a nofi bejedi mölaboimi showawä.

Mateo 6:32

Yai Bada a daö lä mlajei bä lä cui, inaja cama bä bufi li bluca cuaablalou. Ö̦jö ma cui, wamacö lä jo̦li wei, Faafä a lä culadinö wamacö li daö waiquia.

Mateo 7:11

Wa̦lidiwä talewä wamacö ma cui, dodijidawä ijilufä wama bä dobäö daö waiquiwä ja lä, Faafä fedu jamö a lä culadi, ö̦jö bei a nia shino yai dodijaö fe balojoo. Dodijidawä tä ja bä lä nacou wei bä nija tä jöböaö wä.

Lucas 11:12

Cadala nate nacaö ja, ¿sufi wama e nia jöböaö yacläo daanö?

Lucas 11:2

Abinaja Jesúsnö bä nowa tama. —Yai Bada nija wamacö nö bayeli nacao ja, abinaja wamacö yai cubä. “Fabe, cafä wa wa̦fa shino doblao wäyämobä wa. Eja yamalecö ca̦i bälöa da dodijiiquiyo.

Lucas 18:7

A doblono ma mlai ma cui, a suwä nofi ya̦cumö bäyäa fe yadilema. ¿Ö̦jö tawä? Yai Bada a lä cuinö, cama ebä lä yaileno wei ebä nofi yai bäyäabä a. Jalu däjä ma cui, didi däjä ma cui, cama nija bä nofi ojode tablamobä bä nö bayeli lä nacaodii wei bä lä cui, lobe bä a̦ nia juaö.

Juan 4:10

Jesús e a̦ juo ja, abinaja e cuma. —Yai Bada tänö tä lä jöbäaö wei wa tä daö fa cunoja, cafä nija mau ya u lä nacafe wale nö ca̦i ö̦jöböaö fa cunoja, camiyä nija wa nö yai nacobö wei. Cafä nija ba̦limiblamamodima ya u nö jöbäquebö wei —e cuma.

Hechos 2:38

A wa̦ juo ja, abinaja Pedro a cuma. —Wedinaja mlai. Wa̦lidiwä tä ja, bä bufi da lädalu. Jesucristo nija wamacö bufi fa cuicunö, ö̦jö a wa̦nö, bä fe da ojomamo. Wamacö doblou lä mlai tä ma cule, tä nowa mladamabä. Inaja wamacö cublaliyo ja, cama Yai Bada tä Bufi ja, wamacö nia dobämamou.

Romanos 5:17

Yanowamö moli a doblou fa mlacunö, nomaö tänö yanowamö täbä bluca lofotoa showadalema. Ö̦jö ma cui, ai a ca̦i yanowamö moli mö feduwä lä cui, Jesucristo a lä cui, ö̦jö a nö shi̦lo yai wa̦lojama. Cama a lä cuaano wei tänö bämacö yai bayeliblamou, Cristo sho bämacö bluca ba̦limi cuobä. No mlai ja bämalecö nofi fa ojodadalönö, jai bämacö cadejewä waiquiwä, Yai Bada tänö no mlai ja bämalecö nofi tabou.

Romanos 7:18

Ei ya tä malä dale. Yanowamö ya lä cui lija, tä lä dodijidai, wiisibö ma cui tä ca̦i didiami. Dodijidawä ya tä taö bufi ma doblao wei ma cui, ya tä nö tabimi waiquiwä.

Romanos 8:32

Cama bä Ijilubö e ma cui, Yai Bada tänö a noshi umlabonomi. Bämalecö bluca bayeliblabä, a noshi malä ö̦jödabono wei. ¿Ö̦jö tawä? Bä Ijilubö e jibäaö ojodao waiquioma ja lä, ai täbä bluca ma cui ja, bei bämalecö dobäa yailei.

Tito 3:3

¿Ö̦jö tawä? Camiyä bämacö ma cui, bämacö dodijaö mada mlaoblei. Bämacö bufi mojoduo bufi fa doblaonö, bämacö fe mada blacäjoblei. Bämacö bufi yaclälayoma. Bufi waiyou tänö bämacö nö bleaaö fa balalönö, bämacö bayeliblamobä tä cuonomi. Bämacö bufi wa̦lidiwä ca̦i fa bälöonö, bä dodijaö lä ayao wei showadi bäma bä nofi wa̦liboma. Bämacö nofi bluca wa̦liayoma.