Lucas 10:9 - Biblia Yanowamö

⁹ Ö̦jamö bä lä jalili wei bä da jalomaje. Abinaja bä nowa da taje. “Yai Bada tänö cama ebä nia ca̦i lä cuo wei, cafä wamacö nija tä ajedou waiquia”, wama bä nowa tabä.

Lucas 10:9 Iomraidhean Croise

Mateo 3:2

—Wa̦lidiwä tä ja, ¡bä bufi da lädalu! Yai Bada tänö cama ebä ca̦i nia lä cuo wei tä ajedou waiquia lä cuimi —bä nowa tama.

Mateo 4:17

Ö̦jö lä däjä, Jesúsnö täbä jaba yömölaö cuaaö ja, abinaja bä nowa tama. —¡Fei däjä waiquiwä! ¡Wa̦lidiwä tä ja, bä bufi da lädalu! Yai Bada tänö cama ebä ca̦i nia lä cuo wei tä ajedou waiquia lä cuimi—bä nowa tama.

Marcos 4:30

Abinaja Jesús a cuu yacläoma. —Yai Bada tänö cama ebä ca̦i lä cuo wei tä lä cui, ¿wedi tä cuwä lä dodijiinaja, bei tä li cuwä? Ya wa̦ faö yacläobä, ¿wedinaja ya yai cubä?

Marcos 6:13

Fecula bluca bä ca̦i yashuu cuaamaje. Täbä lä jölöcamou wei toubä dabönö, jalili bluca täbä fa jölöcödajenö, bä ca̦i jalomamaje.

Lucas 10:10

’¿Ö̦jö tawä? Ö̦jö ma cui, ai a shabono jamö dodijidawä wamacö waloamaimije ja, cama bä lä juu wei jamö, wawädowä wama bä nowa taö ja, abinaja wamacö nia cuu.

Lucas 10:11

“Afä shabono jamö bä libu libu lä jilai, bei yamacö mamicö jamö bä lä jeicufe, yama bä yaösöblaö lä cule, bämacö dobloimi jömabä. Ö̦jö ma cui, wamalecö a̦ da ji̦lilä. Yai Bada tänö cama ebä ca̦i nia lä cuo wei, tä ajedou waiquia lä cule”, wamacö nia cuu. Einaja wama bä nowa taö fe yadiobä.

Lucas 9:2

Ö̦jö däjä, Yai Bada tänö cama ebä ca̦i lä cuo wei tä a̦ wäyäö cuaabeje bä shömölema, bä lä jalili wei bä ca̦i jalomaö cuaaö showadaobeje.

Juan 3:3

Abinaja Jesús e cuma. —Cafä nija ei ya wa̦ lä cui, bejedi lä ya wa̦. A tablamou co̦o lä mlai a lä cuinö, Yai Bada tänö cama ebä nia ca̦i lä cuo wei tä nia dablaimi —e cuma.

Juan 3:5

Abinaja Jesús e cuma. —Cafä nija ei ya wa̦ lä cui, bejedi lä ya wa̦. Mau u ma cuinö, Yai Bada tä Bufi ma cuinö, ö̦jö tänö a tablamou co̦o lä mlai a lä cui, Yai Bada tänö cama ebä ca̦i cuobä jamö a cuo daomi.

Hechos 28:28

’Ja̦o —a cuu co̦oma—. Bämacö nowa taö lä cule. Yai Bada tä a̦ lä cui, judio bä lä mlai bä nija tä a̦ shömamou nomöjöa lä cule, ö̦jö bä bayeliblamobä. Ö̦jö bänö tä a̦ nia shino yai ji̦liaöje —Pablonö bä nowa tama.

Hechos 28:31

bä bluca yömöladima. Yai Bada tänö cama ebä ca̦i lä cuo wei tä a̦ wäyäma. Bada tä Jesucristo wawädowä a wa̦fa wäyäö ja, a yabäcaö mlajei ja bä yömöladima.