Lucas 10:6 - Biblia Yanowamö

⁶ Ö̦jamö bä ca̦i lä culenö dodijidawä wamacö waloamaö ja, Yai Bada tänö a bufi nia yai yanöcömabou. Ö̦jö ma cui, dodijidawä wamacö waloamaimi dicoo ja, a nia bayeliblamoimi. A bufi yanöcömabobä ami.

Lucas 10:6 Iomraidhean Croise

Isaías 9:6

Ijilu a ja bämalecö nia dobäö. Bämacö ijilubö nia jibäaö. Camiyä bämacö lija a nia Bada läo. A wa̦fa jilaöje ja, abenaja bä nia cuu. —Bä bufi yai shalilamaö lä daö wei a. Yai Bada tä nö shi̦lo wa̦lojaö lä ayai a. Bämacö Fö̦ömou shi lä wa̦lile a. Bämacö yai lä yanöcömabou wei a Bada —bä nia cuu.

Lucas 10:5

’Wamacö yafii cuaabä jamö, Yai Bada nija, ö̦jamö bä lä bälöle wama bä nia bayelimaö showadao, bä bufi ca̦i yanöcöwä cuobä —a cuma—.

Lucas 10:7

’Wamacö shifilimou mlai ja, wamacö lä cuo wei jamö bä da yanöcöicu, ö̦jö bä nija wamacö nö liyobä. ¿Ö̦jö tawä? Shinoco täbä ma juu wei ma cui, bä ojodamou yalo, bä dobäbeje bä li waiquiwä malä cui. Ai täbä yafibö jamö, wamacö nia bälöadalou cuaaimi.

Efesios 5:6

Bä a̦ lä jolemou wei bä lija bä möla dijä. ¿Ö̦jö tawä? Inaja täbä cuaadii yalo, Yai Bada tä nö wa̦lowä lä jushudou wei däjä a nosie fuaö lä mlajei bä lä cui bä nö nia malä bleaamaö wei.

2 Tesalonicenses 3:16

Bei. Bada tä lija showadi wamacö bayeliblamobä, täbä bufi lä yanöcödamaö wei a lä cui lija. Cama a showawänö wamacö bufi yanöcömabobä. Tä cublou lä bädao wei tä ma cui ja, wamacö bufi yanöcömabou fe yadiobä. Bada tänö wamacö ca̦i bluca cuobä.

Santiago 3:18

¿Ö̦jö tawä? Täbä nofi wa̦liayou balaö mlaobä, bä bufi lä yanöcöo wei bä lä cuinö täbä bufi yanöcömabouje. Täbä fa yanöcömabojenö, yanöcöwä täbä ca̦i bluca bälöo nomöjöoje.

1 Pedro 1:14

Yai Bada tä a̦ yai da juaje, bä fö̦ö ebä a̦ dodijidawä juaö lä culajeinaja showawä. Wamacö malä Fö̦ömou wei. Wamacö bufi mojoduo showao däjä, wamacö showadi cuaaö bufi lä doblaono weinaja bä cuaa dijä.