Lucas 10:3 - Biblia Yanowamö

³ ’Bei —a cuma—. Bä da alufälö. Bämacö shömaö lä cule. Ji̦ima bä waiteli lä läle jamö, oweja bä ocalo shäablamou si ijejewä lä cuo weinaja, wamacö nia cuo.

Lucas 10:3 Iomraidhean Croise

Mateo 10:16

’Bämacö shömaö lä cule —Jesús a cuma—. Ji̦ima bä waiteli lä läle jamö, oweja bä shäablamou si ijejewä lä cuo weinaja, wamacö nia cuo. Olu bä moyawe lä culenaja, bä moyawäa da cuicu. Joledo bä a̦ ji̦limamou oquejewä lä culenaja, bä a̦ ca̦i oquewä cuo mö da feduo.

Mateo 10:22

Iba wamacö yalo, bluca bänö wamacö nofi nia wa̦libouje. Ö̦jö ma cui, a shämobä etä ma cuo däjä ma cui, a nö wa̦lojaö fe lä yadio wei a lä cui, ö̦jö a nia jucäamou fe yadio.

Mateo 7:15

Abinaja Jesús a cuma. —Yai Bada a wa̦no wäyälewä bä a̦fa jole lä jilou wei bä nija bä da moyaweicu. Cafä wamacö fe walooje däjä, oweja bä nö ishobimi lä culenaja bä mömou ma cuablalou wei ma cui, bä möla dijä. Ji̦ima bä yai lä waitelimou wei bänö täbä nabä queo si ijejewä lä culajeinaja, inaja bä bufi lä cui cäbä.

Lucas 10:4

Blada wama bä nia besiboimi. Afä wama täbä didibofälöbä tä ma cui, ö̦jö wama täbä ca̦i nia däafälöimi. Wamacö mamicö didio nomöjöobä täcö ma cui, wama täcö nia bolacafälöimi. Bei yo jamö, wama bä a̦ wayomaö mlai, wamacö nia jayuo showadao.

Juan 10:12

Ai bä lä cuinö, oweja bä nowamabeje bä ma mlai ma cui, bä dobämou bufi fa doblaonö, bä jole jole läo. Oweja cama ebämi waiquiwä cudeenö, yalo waiteli a juu dablaöje däjä, oweja bä fa dacöfälöjenö, cama bä docua ayalayou. Yalo a waitelinö, oweja ba nabä quea fa jeicunö, bä shedequea jäamaquei.

Juan 15:20

’Cafä wamacö nija ya lä cuno wei, tä a̦ nofi da jaduculeje. Bada a lä cui a nofi tabou mlaoje däjä, cama ebä nofi nia tabou ayaomije. ¿Ö̦jö tawä? Camiyä wale nö bleaamaö waiquiaje ja, inaja showawä, cafä wamacö nö nia ca̦i bleaamaö mö feduoje. Camiyä wale a̦ nofi cadidibou waiquiaje ja, inaja showawä, cafä wamacö a̦ nofi nia ca̦i cadidibou cuo mö feduoje.

Juan 16:2

Judio bänö wamacö nia joyaöje. Bä yododabä bä yafi jamö wamacö nia coyocomabou co̦daaimije. Ö̦jö bädao mlai, abinaja bä bufi ca̦i nia cuu dicoo. “Ei bä lä cui ya bä shäö ja, jai Yai Bada ya yai bayeliblaö ya nia cuaaö”, bä bufi nia cuu dicoo.

Hechos 20:29

’¿Ö̦jö tawä? —Pablo a cuma—. Eja ya juu mladou däjä, cafä wamacö nia yabäcaö lä juo wejei ya tä daö. Yalo bä ishou lä culenaja, bä waitelimou cuaaö fa jeicunö, Yai Bada ebä nabä nia queoje.

Hechos 9:16

Wale a̦fa wäyäö tä nowa ja, a nö nia lä bleaamaö wejei tä ja, camiyänö ya nia yömölaö —Jesús a cuma.

Hechos 9:2

si oniblamalema, Damaco jamö si oni ca̦i jubä. Ö̦jamö, judio bä yododabä yafi bä jamö, ö̦jö tä a̦ oni ca̦i fa co̦blalunö, bada bä nija tä a̦ nia oni mömaö cuaama. Ö̦jö tä a̦ oni fa möjenö, Jesucristo a wa̦ lä juaö wejei bä cublawä ja, bä jömabeje. Wa̦lo bä ma cui, suwä bä ma cui, Saulonö bä fa dalalönö, bä juwäa fa showadalönö, Jelusale jamö bä nia bococu o̦cama bälaö co̦oma.