Lucas 10:22 - Biblia Yanowamö

²² ’¿Ö̦jö tawä? —a cuu nomöjöoma—. Jödödöwä täbä nija ya Bada läobä, Fayänö wale tablamalema. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui, wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö, ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduaje —a cuma.

Lucas 10:22 Iomraidhean Croise

Mateo 11:25

Ö̦jö däjä, abinaja Jesús a cuma, Yai Bada nija. —Fabe. Fedu jamö ma cui, bita jamö ma cui, cafä lä wa shino Bada cua ayaa. Ei ya tä a̦ lä wäyäfe, bä bufi a̦fa moyawä lä taö wejei bä nija wa tä a̦ nofi mojodumabou. Bä bufi a̦fa dao lä taö wejei bä ma cui nija, inaja showawä. Inaja ö̦jö wa bä ma taamabou däjä ma cui, jai ijilu täbä lä cule bä nija wa tä a̦ yai wawäblamalema.

Mateo 11:27

’Jödödöwä täbä nija ya Bada läobä, Fayänö wale tablamalema —a cuu nomöjöoma—. ¿Ö̦jö tawä? Yanowamö täbänö wale daimije. Fayä a lä culadinö, bä Ijilubö ya e lä cui wale shino daö ayawä. Inaja showawä, Fayä a daö ma mlajei ma cui, camiyä bä Ijilubö ya enö ya shino daö ayawä. Fayä ya dablamaö bufi lä doblao wei bä lä cui nija ya fa damalalönö, ö̦jö bä ma cuinö a daö mö feduweje.

Mateo 28:18

Abinaja Jesúsnö bä nowa tama. —Fedu jamö ma cui, bita jamö ma cui, bluca täbä lä cublai täbä ja ya Bada cuobä, camiyä Yai Bada tänö wale tablamalema.

Juan 1:18

Yanowamö bämacö nija Yai Bada tä dablamoimi. Tä dablamou ma mlai ma cui, bä Ijilubö moli e lä cuinö, bä Fö̦ö e nija a lä ajedelenö, ö̦jönö tä damalalema.

Juan 13:3

Jesús a lä cuinö, jödödöwä täbä lojodobobä, bä Fö̦ö enö Bada a yai tablamaö lä waiquilayono wei tä daö waiquioma. Yai Bada nija a cuo lä balöono wei tä ca̦i daö showaoma. Ö̦jö nijamö a nia lä co̦o wei tä ca̦i.

Juan 17:10

Iba bä bluca lä cule, afä bä li. Inaja showawä, cafänö wa bä nofi lä ibabole, iba bä ca̦i waiquiwä. Ö̦jö bänö wale doblao dablamaöje.

Juan 17:2

Jödödöwä ya täbä juwäbobä, Bada wale malä tablamaleno wei, camiyä nija wa bä bluca lä jöböbeno wei, ba̦limi ya bä tablamabä.

Juan 17:26

Fei bä nija cafä bäfä damalalema. Inaja showawä, bäfä nia dablamaö cuo showao, cafänö wale lä nofimaö weinaja, yanowamö täbä nofimaö cuo mö feduobeje. Cama bä nija ya yai cuobä —a cuma.

Juan 17:5

Fabe. Cafä wa lä cule jamö camiyä wale doblao da damalalö. Bita wa tablaö showao mlao däjä, cafä sho bäfäcö doblao lä cuono weinaja showawä.

Juan 3:35

Bämacö lä Fö̦ömole a lä cuinö, showadi bä Ijilubö e yai nofimaö. Jödödöwä täbä lojodobobä, a Bada tablamalema.

1 Corintios 15:24

Ö̦jö däjä tä nia bluca waiquidou. Täbä nö lä nabämoladi täbä nabä fa queicunö, täbä jole jole lä nosiemou wei täbä ca̦i, täbä a̦fa jole jole lofote lä jilou wei täbä nö ca̦i bluca fa blemalalönö, bä Fö̦ö Yai Bada lija tä ulufi befi ca̦i nia co̦amaö.

2 Corintios 4:6

Tä mö didiobä jamö, cama a wa̦nö tä jaba lä wacacadamaleno wei a lä cuinö, ö̦jö a showawänö, yamalecö bufi malä wacacamabole. Cristonö Yai Bada tä doblao lä damalaleno weinaja, inaja showawä yama tä dablamaö cuo mö feduobä. ¿Ö̦jö tawä? Tä mö ma dödöono wei ma cui, abenaja a jaba cuu malä balöono wei. Bei. Tä da wacacablalu. Einaja a cuma.

Efesios 1:21

Ö̦jamö culanö Cristo a Bada läadayoa. Yanowamö bada täbä cublawä ma cui, yai täbä lä nosiemou wei täbä ca̦i cuadayoa ma cui, moli Cristo a shi̦lo yai Bada cua ayaa. Ö̦jö bä lofotoblawä bäwä ma cui cama a shi̦lo yai lofote. Bluca bä a̦fa lofote ma jayumaö wejei ma cui, Cristo a wa̦fa yai lofote wäyämamobä, ¡ö̦jö a shi̦lo yai! Fei däjä ma cui, obi ma cui, Cristo a wa̦fa nia shi̦lo yai lofote wäyämou ayao.

Hebreos 2:8

Jödödöwä täbä lä cublai täbä nofi bluca tabobeje, yanowamö wa bä nia lämabou. Einaja tä a̦ cuu. ¿Ö̦jö tawä? Ö̦jö yanowamö bä nia yai lä lämabou wei bä lä cui, bä nia jo̦wa lämabou jödödöo. Bä nia läo lä mlai, etä nia jo̦wa cuomi. ¿Ö̦jö tawä? Jödödöwä tä jamö bä nia lä läo wei, bäma tä daimi showawä ma cui,

1 Juan 5:20

Yai Bada a lä cui, ö̦jö a shino yai bejedimou. Ö̦jö bäma a dabä, bei Ijilubö e fa itoliyonö bämalecö bufi jaducumabou lä cule. Bä Ijilubö Jesucristo nija bämacö cua lä cule, a yai lä bejedi wei a lä cui nija. A bufiblamobä ö̦jö a shino yai bejedi cua ayaa. Ba̦limi bämacö cuobä, ö̦jö a waiquiwä.

2 Juan 1:9

Jesucristonö tä a̦ lä wäyäno wei tä a̦ jamö, shomi tä a̦ coyocobou lä dicoo wejei bänö Yai Bada tä taboimije. Jesucristonö tä a̦ yai lä wäyäno wei tä a̦ jamö bä lä cadidou wei bä lä cuinö, bä Fö̦ö e ma cui, bä Ijilubö e ma cui, ö̦jö lä cäcöbö tabou bolacaaje.