Lucas 10:2 - Biblia Yanowamö

² Ö̦jö däjä, ö̦jö bä nija abinaja a cuu yaclämoma. —Wale nia lä bufiblaö wejei bä bluca cublawä. Nii bä tamobä bä bada lä waiquiinaja bä cuwä ma cui, bä nii nia lä taö wejei, bä bolacami dicowä. Wale nofi mölabobeje, ¿wedi bänö bä nia li yömölaöje? Yai Bada tä nija bä a̦ da fa, ö̦jö lä. Cama etäca ficali lä cule, a Bada lä cui nija wamacö a̦ fa fanö, bä ojodamobä ö̦jönö bä yai shömabä.

Lucas 10:2 Iomraidhean Croise

1 Reyes 18:22

Ö̦jö däjä, abenaja Elianö bä nowa tama. —Camiyä Jeobaa ya wa̦no wäyälewä ya lä cui, ö̦jö cä lä, ei ya lä feiblaliyono wei ya waiquiwä. Tä jole lä bufiblamou wei a wa̦no wäyälewä 450 bä bluca cua ayaa.

Números 11:17

Ö̦ja ya fa itolunö bäfä a̦ nia wayomaö. Cafä nija ya Bufi lä yanöcöblaqueno wei ya Bufi nia sheleleblamou majöo. Cama bä nija ya Bufi nia yanöcöblamou sheleleo. Ö̦jö däjä, Isaeli ebä dodijidawä cuobä wa nia bayeliblaöje, wa nö yamili bleaaö mlaobä.

Números 11:29

Ö̦jö ma cui, abinaja Moisesi e cuma. —“Cafänö yami wa wa̦no shino wäyäbä”, ¿bei wale nofi tabou dicoa cule? A bufi jalujo dijä. Jeobaa bluca ebä nija a Bufi yanöcöblou fa cunoja, tä nö doblaobö wei. Bluca bänö a wa̦no wäyäö fa cunoje ja, tä nö ca̦i doblaobö wei —a cuma.

Mateo 20:1

Jesúsnö ei tä a̦ ca̦i wäyäö yaclämoma. —Yai Bada tänö cama ebä ca̦i lä cuo wei tä lä cui, abinaja tä ca̦i cuwä. Ficali etäca jamö bä shömabä, bada anö bä dayäaö cuaaö fenaoma.

Marcos 13:34

’Abinaja tä ca̦i cuwä —Jesús a cuma—. Shomi jamö bada a alayono wei ja, cama a nosie lä juamou wei ebä nö dablalou juo. A juu showao mlao däjä, cama ebä yömölaö balöo. Bä ojodamou juobä, bä nowa bluca taö cuaaö. Yoca lä jolemabou wei a lä cui, a nö dao juobä, a nosiemölefälöö.

Marcos 16:15

Abinaja bä nowa tama. —Bä bälöblawä lä jödödöblai bä nijamö wamacö juu fa cuaafälönö, jödödöwä bä lä cublai bä nija iba dodijidawä tä a̦ wäyäö da cuaaje.

Marcos 16:20

Ö̦jö däjä, cama ebä fa alufälönö, jödödöwä täbä lä bälöblai bä nijamö bä yömölaö blaucou cuaamaje. Bä yömölaöje däjä bä a̦ nö bejedi ö̦jöböamobä, Bada tänö bä ca̦i bayeliblaö cuaama, tä nö lä quilijii tä wawämaö cuaabeje. Inaja lä tä yai cuoma.

Lucas 9:1

Ö̦jö däjä, cama 12 ebä lä nocamabono wei bä lä cui, Jesúsnö bä nacaa fa ajedealalönö, fecula bä bluca yashubeje bä tablamalema. Jalili bä jalomabeje bä ca̦i tablamaö mö fedua showalayoma.

Hechos 11:19

Esteban a lä shäleno wejei däjä, Jesucristo ebä nabä bluca quea lä showadaqueno wejei däjä, bä docua blajaa showadaaliyoma. Fenisia jamö ma cui, Shible jamö ma cui, Adioquiateli bä lä bälöle jamö ma cui, bä blajao shedequeomobodayoma. Bä lä docuolaliyono wei jamö, Jesucristo etä a̦ dodijidawä wäyäö cuaama ma cujei, judio bä shino yömölaö ayaomaje.

Hechos 13:2

Ö̦jö bä lä cui, bä iyaö yabäcou mlaobä, nii bä ja bä wasöolanö Bada tä nija bä nö bayeli nacaodima. Inaja bä cuaaö däjä, cama bä nija Yai Bada a wa̦ Bufi bädaliyoma. Abinaja a cuma. —Benabei, Saulo sho ya cöbö yaia waiquilema. Ya cöbö shömabä jamö cäcöbö ojodamobä, iba cäcöbö da yaimacöje —a cuma.

Hechos 13:4

Yai Bada tä Bufinö cäcöbö shömama yalo, cäcöbö alayoma. Seleusia jamö cäcöbö fa waloicunö, Shible tä ulifi lä jo̦cole jamö bä befi ca̦i caläfälöma.

Hechos 20:28

Bä da moyaweicu, wamacö bejedimobä. Jesucristo ebä lä yaile ebä bluca bejedimou mö feduobä, bä da cadidamaje. Yai Bada cama ebä li. Cama bä Ijilubö a lä shämono wei ja, bei i̦yä bänö bä nowa fa comacönö bä li tabou. Wama ebä ca̦i cuobä, Yai Bada tä Bufinö wamacö li lämabou.

Hechos 22:21

’Ö̦jö ma cui, abinaja Bada tänö wale nowa tama. “A da alufälö. Blajai jamö bäfä nia shömaö, judio bä lä mlai bä nija”, wale nowa tama —Pablo a cuma.

Hechos 8:4

Bei. Jesucristo ebä lä sheleleblaliyono wei ebänö, etä a̦ wäyäö cuaamaje.

1 Corintios 12:28

Cama ebä lä yododaö wei bä bayeliblayobä, Yai Bada tänö bä nö bluca wa̦lojomabou. Jesucristonö yamalecö lä shimöleno wei ei yama ecö balöwä. Ö̦jö däjä, cama ebä yododabä jamö Yai Bada etä a̦ wäyäbeje ai bä ca̦i tablamaö nomöjöoma. Ö̦jö däjä, cama ebä damabeje ai cäbä. Ö̦jö däjä, tä nö lä quilijii tä wawämabeje, ö̦jö bä ca̦i mö feduwä. Ö̦jö däjä, jalili täbä jalomabeje, ö̦jö bä ca̦i. Täbä bayeliblabeje bä ca̦i. Täbä cadidamabeje bä ca̦i. Täbä caficö a̦ shominajaalanö etä a̦ wäyäbeje bä ca̦i.

1 Corintios 15:10

Yale bayeliblabä ya cuono ma mlai ma cui, yale nofi ojodadaö fe yadioma. Ö̦jö cudeenö ya nö wa̦lojoablalou. Jesucristonö bä lä shimöleno wei bä ma dodijaö wei ma cui, camiyä ya yai ojodamou fe balojoo. Ö̦jö ma cui, camiyä ya dodijaö tänö mlai, Yai Bada tänö yale bayeliblaö fa cuaanö, bei ya doblou fe yadio.

2 Corintios 6:1

Yai Bada lija yamacö ojodamou yädäa yalo, cafä wamacö lija yamacö a̦ fe blacäjou. ¿Ö̦jö tawä? Yai Bada tänö wamacö nofi lä ojodabou wei tä a̦ jole jole yubo dijejä.

Filipenses 2:21

Ai bä lä cui, cama bä befi shi̦lo tamou. Jesucristonö tä tamaö lä bufii wei tä ma cule, cama bä cuaaö bufi lä doblao wei tä ja, bä yabäcäo.

Filipenses 2:25

Aiyä Ebaflodi a lä cui ya shimaö bufi ca̦i doblao. Cafä wamacö lijamö ya shimaö co̦obä, ya bufi dodijidadalio lä cufe, wale bayelibobä cafäteli wama a lä shimöleno wei a lä cui. Jesucristo yafä tä a̦ wäyäbä yafäcö lä ojodamou wei a mö feduwä lä cui. Täbä wayu fubä jamö täbä nö wa̦lojoablalou fe lä yadio weinaja, yafäcö lä cuaaö wei a.

Filipenses 2:30

Cristo lija a ojodamoma yalo a mili malä nomalayono wei. Cafä ai wamacönö wamale bayeliblaö doblou lä mlaono wei däjä, wale bayelibou fe yadiobä, cama a noshi malä ö̦jödaono wei. A nomaö nofi fo̦lio mlai ja, a ojodamolayoma. ¿Ö̦jö tawä? Dodijidawä wama a waloamaö co̦obä, ö̦jö lä.

Colosenses 1:29

Inaja ya bä nia fa taamanö, ya ojodamou. Cristo a lofotenö ya nö yai wa̦lojaö lä cule.

Colosenses 4:12

Ebafla a ma cui, cafä wamacö lija a wa̦fa ca̦i wäamou bufi doblao, cafäteli ai a mö feduwä lä cui. Jesucristo showadi a nosie fuaö. Ö̦jönö showadi wamacö nö shi̦lo bayeli yai nacaö dodijio talei, Jesucristo lija wamacö bufi shi̦lo yai lofote cuobä. Yai Bada tänö wamacö taamaö lä bufii wei tä ja, wamacö bufi wedinajamou mlai ja, wama tä a̦ yai lofotobobä, wamacö nö bayeli nacaö.

1 Tesalonicenses 2:9

Iba wamacö lä cui, yamacö ojodamou nö wa̦lojaö fe lä yadiono wei wama tä daö. Yama täbä no nii co̦amabä, jalu däjä ma cui, didi däjä ma cui, yamacö ojodamou showaoma. Yai Bada tä a̦ ja bämacö lä yömölano wei däjä, cafä bämacö niibö yabäcaö mlaobä yamacö ojodamodima.

1 Tesalonicenses 5:12

Iba wamacö. Bämacö moyawäblamabä yamacö a̦ fe blacäjou. Bada tä Jesucristo tä a̦ ja, wamacö lä cadidamaö wejei wama bä nö waiblaö mlai, dodijidawä wamacö yömölamobä. Ö̦jö bä bada lä cui, wama bä a̦ fuabä bä malä cui. Wamacö bufi jaducäblamabeje bä malä ojodamou wei.

2 Tesalonicenses 3:1

Iba wamacö, abenaja yamacö cuu majöo. Yai Bada lija yamalecö da bayelimaje. Bada etä a̦ wäyämou fa cuaafälönö, dodijidawä etä a̦ yai ji̦liamou blaucou cuaabä. Cafä wamacönö wama tä a̦ ji̦liaö bufi doblao fe da yadiobleinaja, ai täbänö tä a̦ ji̦liaö bufi doblao fe yadio mö feduobeje.

1 Timoteo 4:10

Yai Bada tä demi cua shi lä wa̦lile bäma a nofi mölabou yalo bämacö malä ojodamodii wei, bämacö nö malä wa̦lojadii wei. Ö̦jönö täbä bluca fucäabä a. Jesucristo bäma a bejedi lä bufibou wei bämalecö yai fucäabä a li.

2 Timoteo 4:5

Ö̦jö ma cui, cafä wa lä cui, wa bufi shominajaaö mlai, a bufi shi̦lo yai da shaliliicu. Wa nö bleaabä tä cua ma cule, a bufi cadidia fe da yadiicu. Jesucristo tä a̦ dodijidawä da wäyädu. Cafä lija Yai Bada tänö tä tamaö lä bufii wei tä taö da jödödöo.

Filemón 1:1

Camiyä Pablo ei ya, Jesucristo ya wa̦fa wäyäö nofi jushuaö ja, wale fe lä labolajei. Camiyä bämacö ai a Timoteo lä cui sho, yafäcö cua lä cule. Yai Bada lija cafä Filemono wa ojodamou mö lä fedule wa lä cui lija, ei ya tä a̦ oni shimaö, bä lä nofimale wa lä cui lija.

Hebreos 3:6

Ö̦jö ma cui, Cristo a lä cui, täbä ojodamou cuaaö lä bädao weinaja mlai, bä ijilubö ebänö bä fö̦ö ebä a̦ dodijidawä fuaö lä cadidio wejeinaja, inaja Cristo a yai cuaama. ¿Ö̦jö tawä? Yai Bada e yafi lä cui, ö̦jö camiyä bäma ecö. Ö̦jö e yafi showawä jamö bä Ijilubö e Bada läa, camiyä bäma ecö lija. Bufi lofotolanö bäma a nofi mölabou showao ja, ö̦jö lä bäma ecö li yafi.

Apocalipsis 2:1

Ya tä lä möno wei abinaja a cuu nomöjöoma. —Efeso jamö iba bä lä yododaö wei bä nija a lä läle a lä cui nija, wa tä a̦ nia oni shömaö. Jayu ya boconö, shidicali 7 ya bä lä showabole ya. Cowa wacöbä shi̦i cublamobä täbä lä i̦tatale jamö ya juadalou, olo bä ja täbä lä cui jamö. Ö̦jö ya lä cui wale wa̦no nia oniblaö.