Lucas 10:18 - Biblia Yanowamö

¹⁸ Abinaja Jesús a cuu nomöjöoma. —Bejedi lä. Sadanasi a lä ujudulayono wei däjä, fedu jamö ya quei dalalema, madula a wacö quei lä culenaja showawä.

Lucas 10:18 Iomraidhean Croise

Mateo 4:10

Ö̦jö däjä, Jesús abinaja a cuu mö feduoma. —Bei, Sadanasi. ¡Shomi jamö a da culufälö! Abinaja tä a̦ oni cuu. Cafä wamacö nija Yai Bada ya lä bufiblamou wei ya. Wamacö möfe bolanö, camiyä Bada ya lä cui wamale a̦fa nia shino Bada doblao taö. Camiyä wamale a̦ nia shino yai juaö. ’Einaja tä a̦ cuu —a Jesús cuma.

Juan 12:31

Fei däjä Yai Bada tänö yanowamö täbä nia jömaö. Fei däjä fecula bada a nö nia bleaamaö, bita jamö a lä nosiemou wei a lä cui.

Juan 16:11

Yai Bada tänö täbä nia lä jömaö wei tä ja, Bayeliawänö täbä bufi nia ca̦i jaducublamaö. Bita jamö a yai lä nosiemou wei a fecula bada lä cui, ö̦jö a jömöbou malä waiquile.

Hebreos 2:14

Ö̦jö ijilu bäma ecö lä cui, yanowamö bei bämacö, yai bämacömi. Bämacö ya̦ji cublawä. Bämacö i̦yäbö ca̦i cublawä. Camiyä bämacö lä culenaja a cublou mö feduobä, cama a yanowamöblaleyoluma, camiyä bämacö nomaö lä cuo weinaja a nomaö cuo mö feduoyolubä. Yanowamö a fa cublaliyonö, a lä nomaö wei tänö, fecula bada a nia wa̦liaö showadaoma, täbä yanowamö lä nomamaö wei a bada lä cui.

1 Juan 3:8

Wa̦lidiwä tä lä taö wejei, fecula bada ö̦jö ebä li. Jaba däjä ma cui, ö̦jönö tä wa̦lidiwä taö malä showadaono wei. ¿Ö̦jö tawä? Fecula badanö tä lä taö wei etä wa̦liabä, Yai Bada bei Ijilubö e wawälayoyoluma.

Apocalipsis 20:2

Yaitawä täcö lä cui täcö bada juwäa showadaalema, täcö cuo lä balöono wei täcö lä cui. Fecula Bada täcö a̦fa cua. Sadanasi täcö a̦fa ca̦i jilamou. Täcö fa juwälönö täcö o̦caquema. Täca nö lä quilijibodi jamö täcö quea fa showadamabafälönö, yoca cofiböquema. Yoca caloblaö mlaobeje, etä ca̦i taa mö feduquema. ¿Ö̦jö tawä? Lasha 1.000 a lalou jaöo mlao däjä, täbä bälöblawä lä yaiblai bä mölamaö jaödao co̦o mlaobä, ö̦jamö täcö nia didibou balöoma. Lasha 1.000 a lalou co̦o däjä, a jujeblamobä etä nia cuo ma cui, a nö nia dedejeblamaimi.

Apocalipsis 9:1

Ö̦jö däjä, a̦jele 5 a lä cuinö, amowa efi jolaö nomöjöo däjä, fedu jamö a shidicali lä quelayono wei ya möma. Ö̦jö a shidicali nija, täca fe jolocoa lä mlabodi yoca caloblamobä etä jöbämoquema.