Lucas 10:1 - Biblia Yanowamö

¹ Ö̦jö tä cublou fa waiquilonö, Bada tä nia lä juno wei jamö a wa̦no taö balöodayobeje, 70 ai bä yaia nomöjömaquema. Bluca bä lä bälöblai bä nijamö, cama a nia waloadalou lä cuaaö wei jamö, bolacabö bä cudawä bä shömöa balöabodayoma.

Lucas 10:1 Iomraidhean Croise

Números 11:16

Abinaja Jeobaa a cuma, Moisesi nija. —Isaeli bada ebä nija, iba 70 wa bä fa yododoblamalönö, eja bä ca̦i da waloiquiyo, wa bä yai nosiemou lä dale. Iba yano jamö wa bä ca̦i fa juimanö, ö̦jö bä sho wamacö nö daobä.

Lucas 1:17

Bada tä nijamö ijilufä a nia balöfälöö. Yai Bada a wa̦no wäyälewä Elia a bufi nö wa̦lojomabou lä cuono weinaja, inaja showawä ijilufä a bufi nö nia wa̦lojomabou cuo. Ö̦jö a wa̦ ja, bä fö̦ö ebänö bä ijilubö ebä nia nofiamaö co̦oje. Cama a wa̦ showawä ja, Yai Bada a wa̦ juaö lä mlajei bä ma cui, bä lä dodijaö wei bä bufi jaducuwä lä culenaja, bä bufi nia jaducuwä tablamaö mö feduo. Bada tä nia lä juu wei jamö a wa̦no nia taö balöablalou, a wa̦ ji̦liaö dodijidaobeje —a̦jelenö a nowa tama.

Lucas 1:76

’U̦asi —a cuma—. Cafä ijiluyä wa lä cui, Yai Bada tä Bada lä ayai a wa̦no wäyälewä wa wa̦fa nia jilabouje. Bada tä nia lä juu wei jamö, wa wa̦no nia taö balöablalou, a wa̦ yai ji̦liaö dodijidaobeje.

Lucas 7:13

¿Ö̦jö tawä? Bada tänö a suwä fa dalalönö, a nofi ojodadalema. Abinaja e cuma. —Ami. A ö̦cö dijä.

Lucas 7:19

A fa yömölajenö, Juan a wa̦no wäyämobä, cama bolacabö ecöbö fa nacalänö, Bada tä nijamö cäcöbö shömölema. Jesús a wa̦liböö ja, abinaja cäcöbö nia cuma. “A nia jo̦wa lä juno wei, ¿ö̦jö cafä wa waiquiwä tawä?”, bä nia cuma. “Ma, cafä mlai, ¿ai a nia yai lä juu wei yama a nö dabou showaobä daanö?”, cäcöbö nia cuma. ¿Ö̦jö tawä?

Lucas 9:52

Cama a wa̦no taö balöodayobeje, bä shömöa balölema. Samalia tä ulifi jamö, ai bä shabonobö jamö bä fa waloicunö, Jesús dodijidawä a waloamabeje bä a̦ faö balöodayoma.